http://www.wretch.cc/blog/billlin1226/14890558
Me! 週刊 - 172
http://hk.me.nextmedia.com/template/me/
人紅，是看得出的。
「 I do my best。」十年前，甄子丹接受電視訪問時，緊握拳頭耍兩下拳風
，無時無刻一副好打得模樣，被人話囂話狂妄；換轉現在，你可能拍手叫好，
要求「葉問」加碼表演一個打十個。
現在，最多人叫他「丹哥」或「丹爺」，「『全宇宙最好打』呢個名幾好笑，
都係一句啫！」
動作+演戲，一步步走過來，走了廿六年了。
「電影世界，我係一粒螺絲，以前只影響熱愛功夫人士，依家影響埋普羅大眾
，原來自己改變緊功夫電影歷史。」
廿載辛勞，一夕成就，據聞，「丹爺」的片酬已跳升至一千萬，即是說，他拍
一部戲，已夠供書教學養大兩個仔女，仲有突添。
跟這男人，講工作，十萬噸自信放在眼前；講家庭，靦覥神態其實更似武林大
俠，他直言，凡事愛問老婆意見，這是尊重，不是怕；
「太太好懂事，我俾 90分，仲差 10分，等佢有進步空間。」
跟汪詩詩年紀相距 19年，「冇乜唔夾」，一女一仔，四口之家，不亦樂乎。
這一日，原想約齊甄氏伉儷，甄太照顧小朋友沒法前來，甄生食嚇燒賣傾嚇功
夫講嚇演技，硬橋硬馬骨子裡，很溫文，還很有 fashion sense；
「 o靚仔已睇《 GQ》、《 Esquire》，我好清楚自己 style。」
家中儲埋廿幾條牛仔褲，知道流行低腰 slim cut，閒時 smart casual，赴約
襯恤衫，宴會笠老西，何時何地都要 presentable，「男人最緊要有自信。」
有天份又有自信，嗱，你仲唔係宇宙最強？！
“我係一個好差嘅爸爸”
這是甄子丹唯一一句肯認低威的說話。
他坦言，自己是個悶蛋，拍戲每日對住百幾人，又做表情又打功夫，已夠戲劇
性，重返現實，只想過平靜——甚至沒驚喜的生活，返到屋企，老婆話乜就乜。
好一個傳統大男人。
農曆年，難得放假，太太決定玩盡兩星期，一家人去完新加坡再去台灣，「幾
矛盾，一方面想陪仔女，一方面又放唔低工作。」放不低的，是《葉問 2》及
眾多版本之一的《關雲長》，聽說，這部戲他已收取新價。
受人錢財，咁大嚿錢，梗要交足貨，戲裡/外，想的設計的盡是一連串動作。
「我個人鍾意挑戰，老闆搵我，就知我實會搞搞新意。」放假都諗工作，仔女
惟有靠太太。「太太成長於一個傳統中國家庭，受西方教育，管教仔女，方法
又中又西，我好認同。
「兩個人一齊係緣份，要互相包容，我係男人，梗係要先包容啦！」
汪詩詩是 2000年加拿大多倫多華裔小姐三料冠軍，囊括最上鏡、傑出才智及
完美體態三個獎項，爸爸經營鑽石礦務，有樣又有家底，嫁俾甄子丹，生一個
「好」字，個人 portfolio入面，多添一項——賢內助。
大女濟如，六歲，聽教聽話，「個女似我姨仔（汪圓圓），好乖好靜，見張
poster，指住我個樣叫『葉問』。」
細仔濟嘉，兩歲，活潑好動，「佢學我耍拳，仲配埋音『嘻哈！嘻哈！』係遺
傳。」
有兒有女，人生至樂，愈打愈起勁，人在外地，不忘帶備仔女相片相框電子相
架，鋪滿酒店房間每一個角落，行到邊，掛到邊，以彌補自己時間/心靈上的
缺失。
「我係一個好差嘅爸爸，對於屋企，好內疚……但冇辦法。
「家庭永遠第一位。建立家庭，對事業絕對有幫助，有咗安全感，我可以放鬆
心情工作，演戲正正需要一份安穩心情。」
想當年，他根本沒想過當明星。
出身武術世家，甄母是世界知名太極高手，開武館喎，「佢唔係要我繼承衣缽
，功夫係一種技術，我自細同妹妹（甄子菁）一齊學，少林、武當乜都學。」
甄父是波士頓《星島日報》編輯，文縐縐得緊，甄子丹自覺似父親，有見解，
即係好打又講道理。閒時，父親拉小提琴、二胡，母親唱女高音，他學鋼琴，
最鍾意蕭邦，「呢個組合，幾 interesting。」
回顧童年，不得不承認，個仔似佢，又好動又有身手，但原來一對仔女，只看
過《情逢敵手》（ 85年），「其他太暴力，唔俾睇。」會教仔女功夫嗎？「
會，中國功夫係傳統文化，有天份有興趣就得。」
“我有天份”
甄子丹將廿年演藝歷程，歸納為四個階段，包括初入行搵定位、製造經典、做
導演，以至論演技，「我唔想做演員，但拍拍嚇又覺得有天份。」
一年前，他開始籌備推出一本功夫寫真集，於閒暇推廣功夫，分享中、外門派
的心得和感受，當中存有大量相片供欣賞；十年前，已有日本粉絲為他寫過一
本功夫書，「仲幾暢銷。」今勻，親自出馬， update觀眾，「相片擁有龐大
力量，透過寫真集，認識甄子丹武術世界。
「我拍過唔少刻骨銘心經典打鬥場面，都擁有強烈個人風格，所以，唔使再刻
意建立一套甄氏武術，但每一部電影，經過我演繹，成為 part of甄子丹，人
哋一睇『嘩！呢個好甄子丹。』」
第 28屆香港電影金像獎頒獎在即，恨獎恨到出口，「邊個唔想啫？」
《十月圍城》武術設計是董瑋，但拍至中段，電影監製陳可辛刪走最重要一幕
武打場面，改為要求「丹爺」幫手補拍。當時，趕緊《錦衣衞》，「辛苦到死
。」義務幫拖，唔止唔收錢，提名都冇佢份，贏咗點計先？他頓一頓，「恭喜
陳可辛囉！補拍時，我都知呢場戲一定提名喇。」
武打場面，難佢唔到，但打生打死都無緣問鼎「影帝」，演員食糊位，始終得
靠文戲，他亦老實不客氣，「自從《葉問》成功，知道自己演戲上有潛能。坦
白講，我又唔覺得演文戲難過打功夫喎！
「只要 focus做一件事，實得。」
《葉問》中的他功夫了得，演出亦令人眼前一亮，《十月圍城》他那臨死的眼
神，也叫我感動。「有感情、有人生經驗，自然有潛能演戲，但唔係每個人都
可以演動作片，你有冇條件？有冇技術？有冇經驗？
「演戲+動作，難上加難。以前，做好功夫場面已足夠，毋須講演技、做表情
，依家觀眾要求你爬高爬低之餘，做埋內心戲，係咪難先？
「做文戲，好演員一 roll機就交足功課，不太好的演員，只要有個好導演、
好角色，亦可以拍得唔太差，一日可以拍大半套戲；動作片一日拍幾個鏡頭咋
。」
打足半輩子，現在，他愛看人物傳記，「功夫電影影響我一生，希望有朝一日
，大家可以回顧甄子丹有何貢獻。」
後記
從宇宙回到地球，甄子丹很沉靜很斯文，穿著運動衫，甚至唔多覺好大隻，「
我骨架細，多肌肉，呢種大隻，屬於有線條。」當日，他只肯露三份一心口，
幾有線條，都睇唔到。
人生幾何，年過四十，憑一套戲揚眉，吐盡多年悶氣，紅得遲，也值回票價吧
！「一早就紅，可能依家過曬氣。」
人話寸，其實甄子丹幾有 point，仲好識計數，依他解釋，去年票房增幅達
40%，今年乘勢加價，係好合理，「如果冇市場，你唔收錢，人哋都未必搵你
啦！」
據報，現在請「丹爺」拍戲，合約列明，每日七點半要放人，同老婆撐完枱腳
再打過。
宇宙最強，打得睇得賺得又 得，你得唔得？
--
甄子丹板
視聽劇場=>Idols_2HKCN=>HK_Boys=>DonnieYen
同步更新blog http://www.wretch.cc/blog/billlin1226
--
※ 發信站: 批踢踢實業坊(ptt.cc)
◆ From: 115.43.35.148
※ 編輯: TSFM 來自: 115.43.35.148 (04/06 19:11)