作者meihome ( )
看板HK-drama
標題[新聞] 呂慧儀良師開竅 陳茵媺男兒氣概 陳敏之奸得未夠
時間Mon Nov 23 10:44:58 2009
呂慧儀良師開竅 陳茵媺男兒氣概 陳敏之奸得未夠 朱慧敏周家怡長對手志氣
本新聞轉貼自:太陽報
http://the-sun.on.cc/cnt/entertainment/20091122/00470_073.html
*呂慧儀良師開竅*
呂慧儀與陳敏之的大戰一觸即發!不過並非「大髀併」,而是爭獎戰!一登「飛躍進步藝
員」聲價十倍,連陳茵媺亦加入戰團,鹿死誰手仍是未知數!
港姐出身的呂慧儀(Koni),擁有一雙43吋長腿,加上演出夠放,有幸在電影《LAUGHING
GOR之蚂節》中一嘗與影帝黃秋生演戲的滋味。
今屆「飛躍進步女藝員」的入圍名單中,當年揮低她摘后冠的陳茵媺(Aimee)亦榜上有名
,問Koni有否信心反勝一仗,她笑說:「港姐都輸過畀佢啦!我哋選埋同一屆港姐,出
Trip又住同一間房,依家連提名都一樣,你話係咪好有緣吖!(佢係大熱?)Aimee係個好
乖、好肯學嘅藝人,但我較睇好陳敏之,因為佢各方面都好平均,反而自己得一半信心,
有得提名已經好開心!」
感激黃秋生
入行僅3年的Koni,演過的角色未必令人有印象,反而「謎女郎」及「長腳蟹」等花名更
深入民心:「初初做『謎女郎』遇到好多批評,但秋官(鄭少秋)教識我好多嘢,羅蘭姐
又同我講咗好多以前嘅故事,真係獲益良多!至於『長腳蟹』呢個名,好多人到依家都仲
叫緊,真係要多謝幫我改名嘅編劇。」
她最感激一位恩師,令她在演技上開竅:「拍《LAUGHING GOR》時,秋生哥真係教咗我好
多嘢,最初我乜都唔識,問經理人攞劇本,佢問我睇嚟做乜?話我第一場冇對白,但秋生
哥教我哋新人做事要認真,無論角色係咩都要睇晒成個劇本,明白故事大綱同角色性格。
」Koni細心鑽研後,更親自設計造型:「佢哋原本叫我帶背心短裙,但感覺太Wet妹,所
以我另外帶多套,塑造成大佬背後嘅管家婆女友,感覺Tough啲。」
身高成障礙
外間普遍認為女藝人生得太高會成為障礙,因為較難找到拍檔,Koni亦自爆曾被監製拒絕
:「添哥(李添勝)每次見到我都會話:『嘩!你好高呀!』,佢成日開古裝劇,咁講即
係我冇行啦!其實佢可以考慮吓搵我做貴妃,互相遷就啫!其實我做藝人之後,都要多得
樂小姐(樂易玲)畀機會,希望將來有更多不同嘗試。」
後記:短得起
每次約專訪,都會準備一大堆靚衫,但大多女星都惜玉如金,有得揀的話都會愈多布愈好
,但Koni深明自己「長」處,毫不吝嗇美好身段,每輯靚相都揀短裙、短褲,效果當然是
一個字「正」啦!
化妝:Emily Ng
髮型:Steve Shek@HAIR Fanny、ArTing
*陳茵媺男兒氣概*
挾「港姐冠軍」之名走入公仔箱的陳茵媺(Aimee),以一對「警鐘胸」做Trademark,很
多人以為她會成為新一代「咪神」,但她走的路卻南轅北轍!一套《烈火雄心3》加上做
極唔完的《畢打自己人》,令她的男仔頭形象深入民心,不少網民力撐她成為今屆「飛躍
進步女藝員」。
談及得獎機會,她信心十足:「我對自己好有信心,但都會以平常心對待,畢竟入行只有
3年,拍劇只係拍咗兩年,有提名已經係好大鼓勵!」談及被陳敏之睇好攞獎,她反過來
送上高帽,讚敏之才是最大勁敵:「我真係好喜歡佢,除咗演技,佢做司儀都好好,我都
做過司儀,知道真係好難,佢拿捏得好好!」
惡補廣東話
在加拿大長大的Aimee,是一個不折不扣的「ABC」,要她像土生土長的香港人般說出「啲
嘅呢」這些廣東話,確實難度很高:「《畢打自己人》係處境劇,講好廣東話係最基本,
所以我逼自己每日都講廣東話,仲要識得睇。爹哋喺加拿大,我特登Email劇本畀佢,佢
再用長途電話逐個字讀番畀我聽,一讀就幾個鐘,不過電話費當然由佢畀啦!」
演活辣椒仔
Aimee現已看懂9成劇本,又獲監製及導演給予機會,能否上位就要看其造化,但她捨棄較
易出位的性感形象,選擇做一個男仔頭:「《烈火》係至今最具挑戰性嘅角色,性格同我
完全相反,要我做一個好主動、粗魯嘅辣椒仔真係好難,好彩監製同其他演員都好照顧我
,能夠被人欣賞,實在始料不及!」
後記:忙到爆
Aimee是一個極勤力的藝人,跟她約訪問足足等了1個月時間,每次致電給她,不是打不通
,便是收到她的答覆:「真係冇時間呀!我都好想做好件事,再約啦!我一定覆你!」
如是者一次復一次的對話,Aimee果然言出必行,親自來電說:「我有時間喇!不過得半
個鐘,對唔住!」證明她真的很忙!
*陳敏之奸得未夠*
陳敏之並非當家花旦,但勝在形象入屋,只要看見她的樣子或41吋長腿,已能說出她的名
字,可惜得到的讚賞往往不是「演得」,而是「條腿好長」,敏之現時欠缺的,可能是助
她升呢上一線的頭銜!
要躋身一線花旦之列,敏之明白「飛躍進步女藝員」一獎十分重要,但外表自信的她,原
來對獎項寄望不大:「我都唔記得第幾年提名呢個獎,信心只有一半半,我唔係有好多劇
出,今年好似得一套《富貴門》好啲,但套劇仲播緊,未知自己分數有幾高,加上每個對
手水準都好好,講真,我真係睇好陳茵媺多過自己!」
圖:陳敏之在無綫浮沉多年,可惜還未遇到助她攀上一線位置的代表作。
圖:陳敏之(右)在《下一站彩虹》中演奸角,令她食過翻尋味。
靜待代表作
攞獎當然要靠牙力,但敏之認為至今還未有一套代表作,令爭獎機會再低一截:「我知呢
啲嘢唔可以控制,新劇《美麗高解像》就快出街,我飾演一個吸毒嘅明星,事前做足功課
,睇多啲有關吸毒嘅戲,又令自己瘦啲,希望演得更似。呢個角色好有發揮,希望可以成
功!」
多次失敗雖左右了敏之的信心,但她耐心等待「爆發」一刻,希望靠「奸角」出位:「做
奸角突出啲,以前做親都係靚女、有錢女、斯文嘅角色,其實我絕對可以演奸角,《下一
站彩虹》之後就冇做過,依家真係好期待,直情恨到流口水呀!」
百足咁多爪
「飛躍進步女藝員」獎不單着重演技,而敏之一直百足咁多爪:「我好鍾意做司儀,可以
訓練應變同口才,對做戲有好大裨益。我好希望司儀同拍劇雙線發展,以前試過唱歌、拍
電影、舞台劇、出書,做藝人唔可以做死一樣嘢!我唔係特別叻嘅人,咪睇我做司儀淡淡
定,其實我係『騰雞英』,上台時手心冒汗,個個都唔信我驚,其實我只係台前、台後兩
個樣。」
後記:誇得滯?
台慶頒獎禮在即,女藝人都想在當晚着到鬼火咁靚,鑽石有咁大粒得咁大粒,即使只是做
專訪,敏之亦希望靚過鬼火,故特別佩戴價值逾7位數的鑽飾,還有大隻保安跟身!不過
,受寵若驚的她卻說:「會唔會誇得滯?」從這句說話可見,敏之欠缺的其實是自信!
服裝:Sistyrmoon 珠寶:FOREVERMARK
髮型:Joe Tsui@Hair Culture 化妝:Raymond Yip
*朱慧敏周家怡長對手志氣*
今年有5位藝人競逐「飛躍進步女藝員」,除陳敏之、呂慧儀及陳茵媺外,還有周家怡與
朱慧敏。
朱慧敏:我都擔心被定型為第三者或女強人,最近喺《畢打自己人》做傻大姐,係好大挑
戰!不過,我今年睇好陳茵媺,因為佢由完全唔識中文,到依家睇劇本只係偶爾問人點讀
,真係好難!
周家怡:公司畀多咗唔同角色我嘗試,好似喺《珠光寶氣》同黃德斌有感情戲,《王老虎
》又扮睡寶寶。今年有機會入圍已經好開心,我諗我仲需要多啲進步,反而睇好朱慧敏,
因為我同佢熟啲。
--
※ 發信站: 批踢踢實業坊(ptt.cc)
◆ From: 203.64.246.9
推 joycemei:私心頗希望陳敏之得獎的...只是他好像不是大熱@@" 11/23 10:55
推 helen123456:陳敏之真的提名了好幾次了 但拍劇的話好像還沒有代表 11/23 11:40
→ helen123456:作 反而做司儀很不錯 看完今年台慶跟巡禮名單後 陳茵 11/23 11:42
→ kzzoz80:希望朱慧敏加油 真的跳脫了第三者和女強人 可惜角色可能沒 11/23 11:42
→ kzzoz80:辨法是那種大熱的 有點可惜 11/23 11:43
→ helen123456:媺機會高了很多 11/23 11:43
推 goodcial:司儀也是有機會拿獎 但陳敏之做司儀也還沒有到大熱的地步 11/23 12:38
→ goodcial:她兩邊都顧算是機會很多 可惜還沒那個1+1的氣勢 11/23 12:39
→ helen123456:說起司儀得獎 就想起那年崔健邦得男飛 o(╯□╰)o 11/23 12:48
→ goodcial:藝員包括節目組! 王祖藍去年拿獎 也是節目表現多過演戲 11/23 12:55
→ goodcial:崔建邦那一年主持了好多節目 被陳志雲力捧 拿獎也不意外 11/23 12:56
推 kzzoz80:陳茵媺其實蠻漂亮 但他的型好像很難當上第一女主角 11/23 13:37
推 firewolfer:呂慧儀+陳茵微+陳敏之......原來愛上賊 11/23 13:55
推 Monoprix:好難選....... = = 敏之也陪跑多年了,但媺很搶眼 11/23 18:10
推 firewolfer:如果陳茵媺願意當選後肯不演警察, 我必定投她.. 11/23 18:14
→ goodcial:要看TVB了 現階段也只能照公司的安排走 想挑戲 五年後吧 11/23 18:17
→ goodcial:巡禮有一部 她跟岳華+李司棋+陳茵媺 拍成的話 應該有機會 11/23 18:19
→ goodcial:冒出 那個角色比較像畢打早期的Paula 母女衝突戲很重 11/23 18:20
推 candykoo:陳茵媺好啊~~短髮魂!!! 11/23 19:00
推 candykoo:呂慧儀也好~除了長腳蟹 laughing哥電影裡也有讓我意外! 11/23 20:00
→ candykoo:朱慧敏也ok 沒想到在畢打演傻大姐也還不錯 11/23 20:01
推 bloodyfool:支持陳茵媺!!! 11/23 21:04
※ 編輯: meihome 來自: 203.64.246.9 (11/24 10:02)
推 bluecat:陳茵媺很清麗說 演技也自然~ 11/25 00:21