推 bloodyfool:畢打自己人的演員們就像一家人 >"< 11/25 13:08
推 candykoo:好難過Q.Q 11/25 19:07
本新聞轉貼自：
http://the-sun.on.cc/cnt/entertainment/20091125/00470_002.html
郭少芸歐錦棠崩潰嚎哭
處境劇《畢打自己人》去年10月底至今播映接近300集，劇中演員感情融洽猶如一家人，
尤其飾演陳鴻烈女兒的郭少芸，當得悉「爸爸」搶救無效，即眼前一黑，哭成淚人，要人
攙扶才能離開醫院。
陳鴻烈在拍劇期間心臟病發送院急救時，各演員均表難過，拍攝餘下戲份後，郭少芸、歐
錦棠、徐榮及黃子雄等便即趕到醫院探望，雖知情況不樂觀，仍盼望有奇迹出現，當監製
羅鎮岳通知各人陳之死訊後，各人一時間難以接受，即衝入病房見陳鴻烈最後一面。
郭少芸離開醫院後，待心情平復才能講話，她聲音沙啞接受電話訪問說：「『爸爸』走咗
啦！佢好安詳，我今日仲同佢一齊拍緊嘢同講笑，冇諗過就咁就走咗，真係覺得好恐怖，
我已經當佢係我半個『爸爸』，見佢仲多過見我真正爸爸，我覺得好難過……」
「爸爸」未及留遺言
昨日當陳鴻烈在服裝間感覺不適時，郭少芸亦在場，當時還叫對方好好休息，她怪責自己
沒有危機意識，不知道情況會如此嚴重，問到陳鴻烈有沒有未圓心願及遺言留下，她帶點
激動地說：「冇人覺得有需要留低啲乜嘢，包括『爸爸』自己，冇人覺得會係咁嚴重，最
初只係以為老人家普通唔舒服，好快就會返出嚟……」說時仍難掩傷心。少芸大讚他是好
人，又透露昨日出事前，陳鴻烈還着無綫叫他出席下月4日舉行的《萬千星輝頒獎典禮》
，當時少芸笑問他是否有提名才去，陳即說：「他朝你得獎，都希望有人支持你。」
至於《畢》劇中飾演陳之兒子的歐錦棠，在醫院哭到聲音沙啞：「大家都很愕然，很難接
受事實，唔想多講。」講到此阿棠又泣不成聲。而陳茵媺亦邊喊邊說：「好難過，歐錦棠
打電話通知我，大家一齊喊，好唔開心。佢係一個好開心嘅前輩，成日話我哋似樣，好似
一家人咁，我以『公公』稱呼佢，佢話每日開心，人都會靚啲。平時佢講嘢好有中氣、好
開心，唔知佢有病，佢離世好可惜。」
兩劇拍攝受影響
而事發時在拍攝現場的黎耀祥說：「同佢一齊拍《畢打》，佢拍完第一場，喺服裝間換衫
嗰陣，突然覺得唔舒服，就坐咗喺度，有工作人員即刻Call保安同畀氧氣佢聞，之後白車
到，就送佢去醫院。」陪同陳鴻烈坐救護車送院的《畢》劇監製羅鎮岳事後表示，陳鴻烈
在送院期間已沒有知覺，故過身時沒有太大痛苦，去得十分安詳。他續透露目前《畢》劇
尚有十集存貨，由於事發突然，要待今日跟高層與編劇開會，才能決定如何交代陳鴻烈之
角色「閆器」離開較合適，至於另一部新劇《天與地》監製戚其義透露，陳於劇中角色甚
重要，亦已拍了很多戲份，但因劇集還未出街，故影響不大，今日亦會與高層開會決定是
否由其他演員頂上。
陳鴻烈送入院後，大批傳媒趕至醫院。
http://the-sun.on.cc/cnt/entertainment/20091125/photo/1125-00470-002p2g2.jpg
無綫高層曾勵珍及樂易玲到醫院了解情況。
http://the-sun.on.cc/cnt/entertainment/20091125/photo/1125-00470-002p3g2.jpg
樂易玲
http://the-sun.on.cc/cnt/entertainment/20091125/photo/1125-00470-002p4g2.jpg
徐榮（右）及黃子雄等《畢》劇演員紛紛趕至醫院。
http://the-sun.on.cc/cnt/entertainment/20091125/photo/1125-00470-002b5.jpg
黎耀祥在陳鴻烈病發時亦身在服裝間，當時對其情況擔心不已。
http://the-sun.on.cc/cnt/entertainment/20091125/photo/1125-00470-002p6g6.jpg
郭少芸與歐錦棠送別「爸爸」陳鴻烈，二人均泣不成聲，郭少芸更需別人攙扶離開。
http://the-sun.on.cc/cnt/entertainment/20091125/photo/1125-00470-002p1g1.jpg
--
※ 發信站: 批踢踢實業坊(ptt.cc)
◆ From: 123.193.7.228