› 看板 HK-drama 關於我們 聯絡資訊
作者Monoprix (傻夠了沒)
看板HK-drama
標題[新聞] 最佳男配菜　曹永廉
時間Wed May 12 22:31:05 2010
最佳男配菜　曹永廉 FACE周刊第155期　 http://www.tvbchannel.com/best-side-dishes-raymond.hmtl 進入結局週，《飛女正傳》最高收 29點算有交代，有睇開就會好奇，女俠 Janet Bin最 終情歸何處？ 兩週前，我問過男角之一的黃德斌，大隻斌大賣關子：「呢套劇結局唔係依常理 o架！（ 陳豪？）點會咁普通……（你？）好難講……（曹永廉？）……其實都唔係冇可能……」 無論肥定索，曹永廉飾演的「徐永暉」都癡心一片，我懶醒，斷估 Janet Bin可能最後被 真情打動，終於有套港劇不再公式化，不是第一男主角贏得美人歸。 訪問這天再向曹永廉求證：「個結局大家講明唔可以透露……不過，你估都估到，都係男 主角（陳豪） o架啦……睇劇都係睇男女主角，我哋呢啲配菜嚟啫……」 快滿 45歲的曹永廉入行將近 20年，兜痞了 10年才輾轉進電視台攝到一線尾二線頭：「 有啲人成個格生出嚟就係男主角，我哋呢啲自己知自己事……最緊要坐穩個配菜位，畀到 人驚喜，有時甚至期待你出場多過主菜，都係成功。」 寫稿這天（上週四），曹永廉竟然榮登單日 Yahoo熱門搜尋榜首位，原來早兩日參加《掌 門人》玩遊戲，不幸撞到重要部位……有時候，配菜升呢做主菜不見得是好事，這個道理 ，早在男人最痛以前，曹永廉就明白。 賣過胸圍 “雖然做唔到主角，我都想做一個令人期待出現嘅配角。” 2000年，在《妙手仁心 II》首次登場的向眾仁醫生，無可否認是曹永廉的代表作，同名 同姓同一個角色先後再出現於 2004年《妙手仁心 III》、 2009年的《畢打自己人》和今 年的賀歲片冠軍《 72家租客》做幾秒串星。做小男人做到入屋、在電視台企穩陣腳之前 ，曹永廉事實上已經入行 8年多，沒幾個人記得，他 92年唱李克勤首〈一生不變〉贏得 青衣區歌唱比賽冠軍，簽約樂意唱片（現已結業），出過三張個人專輯。 我中學以後就出嚟做嘢，超市、食品、喺安莉芳做 sales行街賣胸圍、自己搞生意賣服裝 ……係冇諗過做呢行。 92年做胸圍 sales，日日收工走去唱 K，個個同事話我唱得好，就幫我報咗青衣區嗰啲細 歌唱比賽，識咗當時經理人。 我從來唔係啲自信爆棚嘅人，唔覺得自己靚仔，唔信自己真係唱得好，但係有時呢行嘅人 係鍾意聽好聽說話…… 簽約第三年至出碟，頭嗰兩年冇收入，就使吓老本、問經理人又攞啲、再用信用咭透支過 活，高峰時期五張咭，儲埋十幾萬咭數。到真係出咗唱片，喺街見到自己海報成幅牆咁高 ，都唔開心得幾多，因為呢度冇（曹永廉邊說邊拍拍褲袋，意指荷包）。 我唱歌唱到唱片公司執，拍劇唔知係咪演得衰得制，搞到人哋要永不錄用， 94年做完《 親恩情未了》（鄭秀文、李影合演無綫劇集）後，就唔再搵我。本來 97前都叫有嘢做， 可能人哋知我平，拍 7組都係得四千蚊，小本製作、電視電影拍唔少，窮起上嚟，四千蚊 都夠我磨幾個月，不過 97後就乜都冧晒。屋企人冇畀壓力我啫，但我都要找咭數 o架！ 十幾萬咭數未找，銀行剩番百幾蚊，我行到最後一步，諗住賣咗架錢七……約人睇車前黑 色暴雨警告，我又行錯落水氹，浸埋架車……等緊拖車個人坐喺路邊淋住雨，突然發癲指 住個天用粗口狂鬧，一路鬧，一路開始狂標眼淚……我入行遲，嗰年已經三十一歲，冇錢 更加睇唔到前路，呢啲咪窮途末路囉。 絕處逢生 說起窮途末路，曹永廉零舍多體會：「霉到冇得再霉，都會安慰自己衰完就會好……但你 又點知係咪低處未見低，可能我跟住癱埋呢……」 生於普通家庭，家有四兄弟，曹永廉排行第三。入行頭 10年，曹永廉食住靠家，又拿不 出家用，可幸的是父母從來不是火上澆油的人，其他三兄弟亦手足情深有義氣。 幾得意，幾次搭定路轉行，又會突然間有人搵我開工。 99年換咗經理人，主動搵 TVB打 算由頭做起，就俾我遇上 00年嘅《妙手仁心》。 我睇死自己一世冇位上，又會俾我遇着向眾仁醫生呢啲角色，突然有吓人氣、喺新加坡攞 埋配角獎。啱啱有番希望，跟手嗰幾年又變得再冇聲氣…… 04年《妙手 III》再好番啲 ，又會接啲明知唔會有發圍嘅角色……起起落落固然難捱，但捱過咗人就變得更經得起磨 練。 電視比電影圈容易上一線得多，等到個機會就得。再唔係，好似o依家咁一線尾、二線頭 其實都幾好，一樣可以做到得人敬重。我曹永廉咁多年死唔去，都係因為肯做肯捱、你搵 我拍戲包保唔會難搞添麻煩啫，口碑好重要，最緊要一直有戲拍……目標我唔係冇，不過 學識唔再強求。 以前，一收到劇本，心知肚明個角色幫助有幾大，唔灰心就假……演員係咁，身邊總發現 一啲同行會令你好敬佩。好多年前拍出邊啲小本電影就同黎耀祥經常合作，就算係配角、 就算個角色千篇一律，佢總會有啲唔同嘅嘢畀你，令你期待…… 雖然做唔到主角，我都想做一個令人期待出現嘅配角。 當然，自己要努力，呢行人事幫忙都唔少得，擦鞋上位、多主角做嘅，身邊見唔少，不過 電視台嘅嘢我唔方便講……如果擦咗鞋一定得，我可能會做，事實上唔係……正如我外父 都同我講，做一線嘅人好多係天生、係整定，唔係就唔係，呢個道理我明。 07年 11月迎娶姜依蘭，有報道指曹永廉零蚊禮金，姜大偉則有百萬鑽飾嫁妝贈女：「雜 誌講啫，如果我真係有靠女家，都唔使好似?家咁！」《忽然 1周》圖片 00年加入《妙手仁心Ⅱ》演出曉煲湯煮飯又會為女友腳底按摩的向眾仁醫生，成功追到花 旦邵美琪飾演的婦科權威。 出過三隻碟，曾經與李蕙敏、彭羚同屬一間唱片公司，曹永廉的歌唱事業兩年玩完。 《飛女正傳》的徐永暉，由小男人變有錢仔，由忠變奸再良心發現，曹永廉答案例牌：「 配角有時仲大發揮，仲多滿足感！」 主菜外家 2000年，曹永廉被當年的老死鄭敬基橫刀奪愛，搶走女朋友鄺文珣。情海翻波之際，卻和 麻雀腳姜依蘭愈打愈投契， 02年拍拖冇耐就同居， 07年 11月迎娶挺住七個月大肚子的 老婆，翌年 1月兒子出世。 姜依蘭從祖父那代起就個個是影圈重頭人物，父親姜大偉人稱 John哥， 68歲還企穩一線 ；其兄秦沛人稱 Paul哥，是愈老愈有味道的影視甘草王：其弟爾冬陞更是套套大片的金 像導演。配菜娶了主菜女兒，曹永廉難免被人說是高攀。 老婆屋企嗰邊，唔使講，個個都係主菜。不過由識我老婆、第一次見佢屋企人開始，佢哋 冇嫌棄我、冇畀壓力我、冇懷疑我冇得畀老婆享福，從來冇畀過一句唔好聽嘅說話，讚就 有……做人父母，佢哋最基本要求係我對個女好。同向眾仁一樣，我份人係幾婆仔。老婆 唔識煮、我識又鍾意煮，飯咪我煮多啲囉；由細到大，家務由我屋企四兄弟分擔、做慣做 熟，o依家屋企家傭忙唔嚟，拖地洗碗咪照做囉；我讀到中學，老婆大學畢業，教仔讀書 揀學校嘅嘢就梗係留畀老婆做、由佢決定啦……起起落落咁多年，老婆就陪我捱過咁多年 ，佢做到亦唔容易。 至於教仔，就老婆做忠我做奸，鬧佢打佢都係我，不過佢知，老豆最錫佢。我個仔永遠想 每個人都開心，在場有幾多個人，佢都會攬勻、錫勻，一個唔漏；遇着霸道嘅小朋友，佢 唔會硬碰硬，不過搶走佢手上嘅嘢就係唔得，有自己堅持……好得意，兩歲四個月人仔， 佢性格已經有我哋兩公婆影子。 做人老豆唔係主角、又冇咩成就，我都唔會將自己做唔到嘅嘢，投射喺阿仔身上。等於你 睇娛樂版，來來去去都係講嗰幾個人……係囉，紅嘅咪就係得嗰幾個，其他人咪全部墊緊 佢哋底囉！做人知足、開心，又養活到自己咪夠囉。 曹永廉 65年 10月 16日在廣華醫院出世，在家四兄弟排行第三：「咩家務都分工合作， 唔知係咪因為咁，我以前性格仲婆仔，仲多嘢講！」 92年參加青衣歌唱比賽入行前，曹永廉在內衣公司任行街 sales，對胸圍認識多過老婆， 真係《絕世好 Bra》。 “等於你睇娛樂版，來來去去都係講嗰幾個人……係囉，紅嘅咪就係得嗰幾個，其他人咪 全部墊緊佢哋底囉！” 反高潮 少有被偷拍，曹永廉說自己冇消遣，最多都係被人影到去超市掃貨。 拍照需要，我在超市入了大袋貴夾唔飽但外形絕佳的肉菜生果，曹永廉第一件事是看標價 ：「嘩？乜呢塊牛扒賣咁貴？」 年輕時做過超級市場，埋現場女性堆講格價對他來說亦沒難度：「超市永遠唔夠藥房同街 市平，尿片一包差成十幾蚊！」 說起奶粉行情，更有秘聞爆：「你知唔知 XX點解特別平？（下刪 100字）……」同我等 師奶愈傾愈啱嘴形，連官網 profile愛好都填煲湯，見識過真人，就知道為甚麼曹永廉的 小男人角色演得好。 「係就係，我嘅角色千篇一律，不過我個小男人角色未算坐得穩 o架，o依家一線嗰個小 男人係陳錦鴻呀！」 哦！原來小男人也有野心的！ 撰文：朱小博 攝影：黃家活 髮型： Matthew Lin@髮飾 化妝： Terry Yu 形象： Bryan@ the Flaming 服裝： Ben Sherman -- ※ 發信站: 批踢踢實業坊(ptt.cc) ◆ From: 59.121.40.149
推 kzzoz80:那裏像45歲的人呀 05/12 22:54
推 lygshhk:娃娃臉都騙人的啦...(淚奔) 05/12 22:55
推 allizon:搜下留情結局就不照傳統配法啦,我也希望Frankie贏得美人歸 05/12 23:20
推 kzzoz80:不適合吧 兩個人價值觀差那麼多 簡醫生也不配 所以都不要 05/12 23:23
推 season002:我有買他第一張(?)專輯耶 05/12 23:24
推 pattda:醫生有一直在等他的回心轉意的前女友 警察本來就有女友 05/12 23:27
→ pattda:青梅竹馬的確比較有機會 05/12 23:27
推 dreamtracy:騙人啦 怎麼可能45歲 我一直都覺得他好帥喔= = 05/12 23:29
推 wasabi1:推推~ 相信大家都會估網上神秘人是結局的關鍵~ XD 05/12 23:39
推 joycewanga:騙人 那樣子根本不像45歲 05/12 23:57
推 allizon:簡慕華烈火三有搭到王喜,這部有機會搭陳豪,差人本來就有女 05/13 00:15
推 allizon:友,應該沒什麼意外,Yvone日後知道暉是太子爺就會貼上來了 05/13 00:18
→ allizon:不過也Cathy也有可能攔截,可能會三個都沒沾到 05/13 00:20
→ ns214121:飛女我真的追不下去了..覺得Janet Bin很莫名其妙 05/13 00:50
→ ns214121:男主角除了暉比較正常外～其他兩個像卡到陰一樣追著 05/13 00:51
→ ns214121:Janet Bin =.=" 05/13 00:51
推 shenerica:原來他是姜大偉的女婿啊 推Chris!!! 05/13 07:33
推 AngelaSammi:起來那麼年輕XD 05/13 11:43
→ AngelaSammi:他以前謊報過年齡 不過不說也不會知道 他看 (兩句顛倒 05/13 11:45
→ AngelaSammi:昨晚看到他跟以旺講"史坦尼斯拉夫斯基"我都笑暈了 雖 05/13 11:46
→ AngelaSammi:然戲是去年拍的 而荃加是最近才錄 05/13 11:47
推 shoese:推他謊報過年齡XD 印象中還少報不少歲 05/13 13:33
→ shoese:不過沒講還真的沒人知道 05/13 13:33
→ ns214121:黃子華雖然不娃娃臉但昨天上WIKI發現他也50了 (⊙o⊙) 05/13 15:07
推 eitherway:沒有Yvonne的話希望也可以配個Cathy 05/13 15:22
→ sakuryo:他真的看起來很年輕 幾年前發現他已經40幾時 我真的嚇死了 05/14 10:56
推 beth1314:之前有發現他40好幾,可是真的看不出來 05/15 03:16
推 GBBLIN:曹永廉跟陳錦鴻都是我愛的 哈哈 但不是因為小男人啦XD 02/26 01:18