推 diwa312:像這種的宣傳遊客可以進去看嗎 還是只開放給記者阿 04/05 23:03
推 lyn16161616:覺得江若琳現代裝扮相好很多... 04/09 19:14
本新聞轉貼自：
http://www.tvbchannel.com/thirty-introduction-drama-hongwu.html
新劇介紹﹕謝天華演古裝照Chok智鬥馬德鐘陳鍵鋒
《洪武三十二》 翡翠台及高清翡翠台4月4日晚上8時30分（逢星期一至五播映）
「Chok」樣謝天華，之前在《魚躍在花見》大家見識過，今次演古裝更加Chok上加Chok，
展現他英武一面；還好艷福地與徐子珊及江若琳發展情緣。《洪武三十二》陽剛氣強，天
華與馬德鐘、陳鍵鋒、陳山聰在歷史背景上演連場鬥爭，當中還涉及多宗謎案，在懸疑氣
氛下鬥智鬥力。
敖笑風執行任務受傷失憶
明太祖朱元璋駕崩，傳位長子之子朱允炆（陳山聰飾），但遺詔不知所終，其近身侍衛敖
笑風（謝天華飾）奉命追查，在查探過程中認識了燕王朱棣（馬德鐘飾）的得力謀臣馬三
保（陳鍵鋒飾），二人鬥智鬥力，惺惺相惜，但笑風得知朱棣正密謀奪位，故對三保保持
戒心。笑風於一次執行任務中受傷失憶，由心狠手辣的作風變回有惻隱之心，一向痛恨錦
衣衛的永晹公主朱櫻（江若琳飾），卻懷疑性情變好的笑風另有圖謀，着好友三保小心防
備。
得知秘密身陷義憤與自責
失掉記憶後的笑風雖續受允炆重用，卻對身邊人心存疑慮，像神秘女子沈千三（徐子珊飾
）和為人深藏不露的朱棣，每次碰面總讓他內心泛起一種難以形容但熟稔的感覺；在一次
奉命殲滅朱棣的行動中，笑風得知了一個秘密，令他身陷義憤與自責的交戰中……
劇集未播，演員的新聞多多，製造不少宣傳話題。陳鍵鋒約滿離開無綫後即到有線炮轟多
年來遭不合理待遇，決定北上發展；馬德鐘亦被指有離意；陳山聰與賭王千金何超雲的緋
聞亦引發不少是非，劇外風波亦同樣精彩。
■《角色表》
朱 棣 （馬德鐘飾）
敖笑風 （謝天華飾）
馬三保 （陳鍵鋒飾）
沈千三/楚 楚 （徐子珊飾）
永暘公主朱櫻 （江若琳飾）
朱允炆 （陳山聰飾）
______________________________________________________________________________
http://www.tvbchannel.com/michaeltse-elanne-goose-love.html
謝天華江若琳燒鵝情緣
江若琳（Elanne）與「Laughing哥」謝天華因合作拍劇而成為朋友，兩人的年齡、背景都
不一樣，該沒有甚麼共同話題，事實上他倆卻很夾得來，走在一起會鬥吓嘴、傾吓心事，
難怪在新劇被塑造成一對，更有段「燒鵝情」。開工時愛搞搞氣氛的天華，還為Elanne作
歌，真係估佢唔到囉！
江：江若琳 謝：謝天華
Good fit拍檔
江：好開心請到我嘅好大佬嚟做訪問，我哋拍《學警狙擊》結緣，雖然只得一場戲咁大把
，兩年後同你再合作拍《洪武三十二》，今次好多對手戲，我仲要愛上你呢個咁英嘅錦衣
衞。
謝：《學警》嗰一場戲，最後仲剪埋添，所以觀眾都唔會知道我哋有對手戲。
江：哈哈！係呀，拍《洪武》喺三個幾月裏同甘共苦。最深刻係我哋要喺井底拍一場戲，
井裏面嘅氣溫成四十度，我見到你已經面青口唇白，好辛苦，你仲叫我頂住。
謝：我都好記得，嗰場戲講你畀人掟咗落井，我吊威吔游繩落去，個井口實在大熱，我吊
落去嘅時候都覺得自己好似啲燒鵝，井底下面又有另外一隻燒鵝等緊我，加埋就係兩隻燒
鵝！
有人落閘起弶
江：當時真係「燒」到熟晒！你叫我頂住，話過咗呢關，好多嘢都可以頂得住。我好佩服
你，點解可以演嗰樣似嗰樣，仲要咁得觀眾鍾意，究竟點樣去揣摩角色？
謝：我哋身邊每個朋友都有唔同性格，就地取材已經取之不盡，再加上每個角色嘅設計都
有特性，只要放大啲、再強烈啲，個角色咪立體啲。
江：初初見到你嘅時候我都幾驚，覺得你好酷，加上你喺《學警》嘅角色好寸，行出嚟好
大佬、好嚇人架！但今次再合作，先知道你原來好搞笑又玩得。
謝：我覺得開工最好等於娛樂，時間會快過啲，現場氣氛輕鬆啲，大家拍攝都會投入啲，
你同我做咁多對手戲，要日對夜對幾個月，要有感覺、傾得偈，先會拍得開心。好似某啲
場口會難啲深啲，溝通好啲，拍時自然更加得心應手，但講真，唔係人人都溝通到，有啲
真係會閂晒閘，起晒弶，呢啲就要自己搞掂啦！
演出彈起
江：你真係好識同人溝通搞氣氛，有一次開咗好耐工好眼瞓，攰到趴咗落張枱度，你叫我
：『喂，起身食嘢呀。』仲諗盡辦法等大家笑同精神啲。我拍戲個花名叫「江富強」，你
就叫我整隻歌叫「江富強」，跟住就成日喺片場講：『江富強2011年主打力作超低能、勁
搞笑。』然後就唱「超低能能能……勁搞笑笑笑……。」真係幾眼瞓都醒番！有次我有啲
事唔開心，你用自己嘅經歷嚟安慰我，好多謝你。大家合作過兩個劇，你覺得我有冇乜嘢
轉變？
謝：我覺得你嘅演技漸趨成熟，演《學警》嘅柔柔時可能因為年紀問題，你比較單向少少
，到最近嘅永陽公主，你做到個角色由思想單純變為成熟，好有層次感。
江：你演過咁多角色，Laughing哥同《女人唔易做》嘅賤Man，兩個角色都做得好好，你
鍾意邊個角色多啲？
唔會計算角色
謝：我兩個都好鍾意，賤Man令好多女士又愛又恨，最初憎到死，最後發覺原來係好男人
，我感受到啲人反應轉變好大，我好享受呢個成果。至於Laughing哥亦係我深愛嘅角色，
由出街冇人留意到我係臥底，到最後真相大白，啲反應炸到我飄上二樓，兩個角色嘅滿足
感一樣咁大，要二選一嘅話，我鍾意Laughing哥多啲，因為吸引觀眾層面大啲。
江：接劇本時有冇諗過回響？
謝：我唔識去計呢啲嘢，不如花多啲時間去揣摩角色，我知有啲人會先計算過至諗接唔接
，我覺得咁即係逃避現實，我每接一個角色，都會想辦法整到佢靚，咁樣滿足感仲大。
舞出彩虹
江：你初初入行係做無綫舞蹈員，你真係好鍾意跳舞，成日喺片場着住古裝都跳餐飽。
謝：係呀，我細細個已經喜歡跳跳紮，見到電視啲哥哥姐姐跳咪跟住跳，中五等放榜時，
電視台招考舞蹈員，咪走去試吓，唔得又冇壞嘅。
江：一跳就跳咗五年，離開時人工得四千蚊？當時點生活？
謝：嗰時嘅生活指數都唔係咁高，不過都有捱過啦，但捱得辛苦都開心，因為自己喜歡嘅
職業，亦學咗好多嘢，覺得值得。
江：你同朱永棠、陳小春當年組「風火海」，到依家感情仲好好，點維繫？
最老友係老婆
謝：靠電話，有時都會約出嚟見吓，始終大家嘅工作時間都好難就，所以都要等某某結婚
先可以聚一聚見面，好彩依家有微博，可以好方便咁知道大家做緊乜。依家出嚟飲嘢傾偈
嘅有洪天明、嘉樂A（錢嘉樂）同家樂B（吳家樂），歐陽震華、吳卓羲咁，不過只係開工
做嘢，傾得吓偈已經好足夠，不過，數最老友，一定係我老婆！
江：你太太係咪好幫得你手？
謝：係呀，佢幫我好多嘢，我哋開工冇晒時間觀念，屋企嘅嘢全部都係佢打點晒，等我好
安心，每日只係瞓覺、開工就得喇。
江：咁你有冇做啲浪漫嘢氹吓佢呀？例如煮幾味咁？
謝：唔需要開工我就喺屋企煮飯仔，煮啲家常嘢，廣東餸，蒸吓肉餅、水蛋咁，唔係太特
別啫，但我用愛心去整喎，佢同囝囝都鍾意食。
磨出冠軍
江：結咗婚六年，會唔會諗啲特別嘅方法去慶祝結婚周年？
謝：第一年結婚周年記念，我哋去咗澳門玩笨豬跳，當時老婆都問我點解咁樣慶祝。我同
佢講，結婚我都唔驚會驚笨豬跳？加上咁特別嘅慶祝方法，一定會記得，就因為第一年咁
出位，之後二、三年都唔記得點慶祝喇，都係收工之後去食餐普通飯咁。
江：講到跳舞，07年你參加《舞動奇跡》，當時有個疑問，你好耐冇公開跳舞，點解會去
參加呢個比賽呢？
由hea到有鬥心
謝：我當時係畀公司逼上去參加o架，我講都冇跳舞咁多年，唔識跳o架喇！但喺公司立場
，梗係希望搵啲識跳舞同有經驗嘅藝人上去，穩定軍心，公司就叫我上去睇吓環境先，嗰
時我啱啱拍完清裝劇，食到肥肥哋，點見得人呀？咪諗住抱住玩票心態，好可能第二、三
場比賽就會被out出局，點知去到發覺所有參賽者都好認真，準備充足，紮定馬等我哋上
嚟。個節目係好嚴肅嘅，當時我覺得大家作為香港代表，冇理由咁樣輸o架，就激發咗鬥
心，用咗兩個月時間參加九場比賽，最後好好彩都贏咗冠軍。
江：過程好痛苦？
謝：又唔係好痛苦，只係幾攰吓，由朝排到晚，每日都跳濕幾件衫，返到酒店好似昏迷咁
瞓，過番啲學生嘅生活，我仲覺得幾好玩，冇乜雜念，喺湖南排完舞就返酒店瞓，唔會有
朋友半夜三更叫出去飲酒，生活好清純，係一種磨練。
天華口不對心
Elanne訪問天華當日，他拿着個電單車頭盔chok爆行入餐廳，原來他剛考取得電單車牌。
新牌仔一年不能載人，他卻說一年後都不會載人，因擔心若有閃失，連累後座「搭客」。
但正式做訪問時，Elanne問他同一問題，天華的答案竟然不一樣：「電單車係我私人玩具
，我比較自私，唔會同人分享。」天華口不對心，其實他是不想吹噓自己有幾好、有幾為
人設想，做好事其實出心即可，這也是天華可愛之處！
攝影：黎志輝
場地：金牌小龍（皇室堡）
謝天華 服裝：Swank
江若琳 服裝：Marc by Marc Jacobs
髮型：James Lee @ HAIR
化裝：諺瞳小白＠PicturesqueGate
圖:
http://www.tvbchannel.com/wp-content/uploads/image/2011/04/005707QaD.jpg
謝天華、江若琳因合作拍了兩套劇集，成為好朋友。
http://www.tvbchannel.com/wp-content/uploads/image/2011/04/005708aFb.jpg
天華：「我係吊緊威吔嘅燒鵝，去井底救另一隻燒鵝。」
http://www.tvbchannel.com/wp-content/uploads/image/2011/04/005709HZ4.jpg
謝天華成日Laughing哥上身，型爆！
http://www.tvbchannel.com/wp-content/uploads/image/2011/04/005710Lh7.jpg
《學警狙擊》
http://www.tvbchannel.com/wp-content/uploads/image/2011/04/005712hcQ.jpg
《洪武三十二》
http://www.tvbchannel.com/wp-content/uploads/image/2011/04/005713571.jpg
鬥chok
http://www.tvbchannel.com/wp-content/uploads/image/2011/04/005714jLi.jpg
「江富強」江若琳，見到謝天華就開心。
http://www.tvbchannel.com/wp-content/uploads/image/2011/04/005715CQB.jpg
勇奪冠軍
______________________________________________________________________________
http://www.tvbchannel.com/thirty-hongwu-first-publicity.html
《洪武三十二》第一次宣傳
陳鍵鋒做稱職受訪者鬧爆無綫
【17:52】2011年04月03日
【on.cc 東方互動 專訊】 陳鍵鋒出席活動時被問可有對無綫不滿時，他說：「見報用『
鬧爆』字眼，其實自己冇企圖，同無綫已經冇約，依家身份獨立，可以接受有線訪問。」
他澄清並非針對某間公司，純粹分享個人感受，做個稱職受訪者，他又透露會繼續做無綫
節目及接受《今日VIP》訪問，亦不介意跟無綫合作，但要視乎劇本。
謝天華同TVB傾續約好順利
【17:56】2011年04月03日
【on.cc 東方互動 專訊】 謝天華與陳鍵鋒一同出席活動，陳鍵鋒被記者包圍，搶盡風頭
，但天華卻不認為風頭被搶，他表示有份參演劇集而出現宣傳是很正常，不過就沒有留意
陳鍵鋒在有線的訪問，二人一同出席宣傳活動亦證明他們的關係並沒有問題，談及與TVB
的合約，他表示好洽談得好順利。
陳鍵鋒再寸TVB小器
2011年04月03日 (08:24 pm)
去年離開TVB向外闖的陳鍵鋒，早前接受有線訪問時狂轟TVB刻薄，他有份主演的TVB新劇
《洪武三十二》今日宣傳，陳鍵鋒雖有出現，但TVB高層曾醒明卻全程陪伴在側，令人懷
疑TVB怕他再鬧而派人 實。
陳鍵鋒昨日又在微博暗示TVB不欲邀他宣傳，並謂：「小器是你們一向的強項。」
日期： 3/4/2011
活動： 《洪武三十二》之「皇者爭霸戰」
藝人： 馬德鐘 、 陳鍵鋒 、 謝天華 、 徐子珊 、
袁偉豪 、 陳展鵬 、 劉江 、 馬賽 、
李家聲 、 梁嘉琪 、 江若琳 、 王君馨 、
沈卓盈 、 吳家樂 、 陳美詩 、 陳自瑤 、
鄭俊弘 、 李思欣 、 陳山聰 、 歐瑞偉 、
陳倩揚 、 黃偉聲
時間： 14:00
地點： 大角咀奧海城2期地下主題中庭
http://www.tvbchannel.com/wp-content/uploads/image/2011/04/124610bAh.jpg
陳鍵鋒表示離開無綫後終於呼吸到自由的空氣。
http://www.tvbchannel.com/wp-content/uploads/image/2011/04/124611l9G.jpg
陳鍵鋒同TVB無合約一身輕，出席宣傳活動唔使著古裝，凸顯地位。
http://www.tvbchannel.com/wp-content/uploads/image/2011/04/124612AZT.jpg
江若琳好開心可以拍古裝劇。
http://www.tvbchannel.com/wp-content/uploads/image/2011/04/124613Pn8.jpg
謝天華與江若琳合作得好開心。
http://www.tvbchannel.com/wp-content/uploads/image/2011/04/124614i9S.jpg
有傳馬德鐘即將離巢。
http://www.tvbchannel.com/wp-content/uploads/image/2011/04/124758ok2.jpg
______________________________________________________________________________
真是的...
原本都沒新聞結果今天3篇，太晚炒新聞啦！！
之前三苗在有線台"暗串"無線那件事在大陸被有心人士罵翻了
說他背信忘義，網友反應過度超好笑 ＸＤＤ
明明沒說什麼。
--
============================ 四月十七日 星期日 ============================
翡翠台 《女拳》 大結局 20:30-23:00 (預計)
亞 視 《香港電影金像獎》 20:00-23:00 (預計)
你選哪一台？
--
※ 發信站: 批踢踢實業坊(ptt.cc)
◆ From: 61.58.84.163