→ lword:期待法三 好可惜沒看到祥仔本人 好想跟他說從以前就好愛他 09/18 10:14
黃金視窗：黎耀祥卸不掉的包袱
2011年09月18日
入行 25年的黎耀祥，雖然一直被公認是好戲之人，可惜運氣欠奉，演藝事業一向浮浮沉
沉。直到 09年，幸運之神終於肯為祥仔打開大門，令他先後憑《巾幗梟雄》和《巾幗梟
雄之義海豪情》兩度稱視帝，站穩一線小生行列。成功過後，祥仔又進入另一階段，他現
在對工作甚有要求，但同時亦感到很大壓力，像背負着一個沉重的包袱。 撰文：何慧斯
稱帝後的黎耀祥，工作排得密麻麻，既要趕拍劇集，又要度期宣傳新劇，訪問翌日又要到
台灣工作，略見疲態的祥仔更說早排在酷熱天氣下拍古裝戲，熱得透不過氣來，全因為熱
愛演戲，才可接受同忍耐。
背負眾多人期望
事業開創第一個高峯後，祥仔坦言要進入新階段：「唔係另一個高峯嘅問題，反而係去到
一個精益求精嘅階段。以前唔知邊啲得邊啲唔得，唔知自己嘅位置同作用，嗰陣做得好濫
，漁翁撒網乜嘢都做。鶽家知道自己嘅作用，要慢慢修正，知道有乜嘢工作應該做，乜嘢
唔可以做。」
因為有了要求，所以每行一步都要計算過，祥仔笑言現時慘過做新人：「新人乜都可以試
，我嘅年紀唔再容許我浪費時間，最重要係你嘅位置越嚟越高，發覺有啲嘢唔可以太過求
其做。其實有好多人睇住你，鶽家覺得能力越大，責任越大，你會開始背負好多人嘅期望
。人哋覺得黎耀祥拍得嘅，應該係好戲，所以我明白啲前輩點解要睇過、傾好先會拍。雖
然我未去到可以控制好多嘢，暫時未可以做到自己嘅作品必屬佳品嘅階段，不過都想慢慢
調整，要開始選擇，我會對自己有要求，好似拍劇都希望拍啲有質素嘅，始終連續呢兩年
撞到好戲，唔想斷尾。」
人紅當然要付出代價，做主角更加背負無形壓力，祥仔笑說：「有㗎，同以前自己嘅模式
唔同。以前唔理人，做戲對我嚟講係享受，瀟灑好多冇顧慮，爛衫爛褲出街都得，拍垃圾
戲冇所謂，志在累積經驗。但鶽家又叫係主角，觀眾對你有期望，同行啲師弟師妹又會見
你條路咁行都得，好似畀咗個正面鼓勵同希望佢哋，所以我壓力都好大，好似背負住一個
包袱。」
怕折墮唔敢退休
當日柴九一句「人生有幾多個十年？」令祥仔活得精采，問他下一個十年又會怎度過？他
想了一會說：「我成日都諗跟住落嚟應該點樣行，但冇答案。有諗過退休，又諗過移民去
第二度，陪阿仔讀書。亦有諗過喺最好嘅一刻退出，走去教人做戲。又有諗過努力搵多一
、兩年錢就消失。但我捱咗廿幾年，鶽家上到呢個位，話唔做就咁走咗去，真係好折墮。
」
服裝： HUGO BOSS
髮型： Ivanlee Headquarters
眼鏡： Elements
兩封視帝 此生無憾
談到拍《法證先鋒 3》，祥仔就滔滔不絕：「呢幾年遇到嘅監製都好負責，好緊張自己啲
嘢。我覺得拍到《法證 3》真係好好彩，今次個故事好好睇，基本上係會追住劇本去睇，
全部有 7至 8個故事，每個故事都有佢嘅動機，亦有唔同原因同破案手法，同之前兩輯唔
同，我覺得幾成功，亦因此而好有信心。」
學習面對悲劇
祥仔續說：「今次畀到我一個新體會，作為一個專業人士點樣去處理工作，做法證點樣去
面對悲劇發生，一直都想試呢類高級專業人員嘅角色，之前嘅劉醒同柴九都係低下層嘅人
，今次角色唔同咗，甚至講對白都真係有難度，事關有好多專業名詞，又有好多有邏輯嘅
嘢。我唔可以亂，處理又難咗，不過觀眾睇落就會好有新意。」近年成為電視頒獎禮得獎
常客的祥仔，談到今年的形勢，他笑說：「我覺得今年好多人都有突出表現，個個都係大
對手，競爭大好多，感覺好似幾好玩，唔似舊年得我同陳豪，真係幾悶。但對我嚟講，一
生可以連續兩年攞視帝，有咁嘅獎勵，已經覺得此生無憾，亦覺得好滿足。」
黎耀祥以往以漁翁撒網式工作，他說現在身份不同了，會盡量揀選適合自己的工作去做。
《巾幗梟雄》中的柴九（右）憑一句「人生有幾多個十年？」而爆紅。
劉醒（中）在《巾幗梟雄之義海豪情》中以義氣見稱，亦為祥仔再奪視帝。
對於往後的十年，祥仔坦言未有一份計劃書。
祥仔演《法證 3》時表現毫不錫身。
Source:
http://ppt.cc/@C@k
--
※ 發信站: 批踢踢實業坊(ptt.cc)
◆ From: 116.49.135.29