[新聞] 一個四十後的故事 劉丹

[wasabi1 (wasabi)]

一個四十後的故事 劉丹

一九六八年，國泰電影演員訓練班招募，三千多人投考，最後取錄了四十八人，班主任更
為其中一位名叫劉慶基的學員改了藝名，叫劉丹，取材自文天祥的七言律詩《過零丁洋》
最尾一句：「留取丹心照汗青」。話說此詩是文天祥在抵抗元朝軍隊失敗成俘虜後，於廣
東零丁洋元朝軍艦上所寫的，既藉以表明自己忠於宋朝的心志，亦慨歎自己一生致力起兵
抗元，卻換來孤苦無援的命運。

相對起來，自稱是「四十後」的丹爺劉丹，其演藝之路則剛好相反：從影四十四年，他在
國泰、邵氏拍過國語片，七十年代當過月入逾萬元的配音員，然後七六年跳進公仔箱，拍
完佳視到無綫，又加盟過亞視，雖然稱不上大紅大紫，但大家卻不會忘記他由八○年keep
到現在的招牌鬍鬚，以及曾是「洪七公」（射鵰/神鵰系列）、「馮敬堯」（《上海灘》
）、「叉燒炳」（《真情》）、「泉叔江兆泉」（《天與地》），還有半裸上身大晒九紋
龍的「馮志明」（《4 in Love》）。

「咁多年嚟，我喺工作上最好彩係，一直都係人哋嚟搵我，而唔係我去搵人。我呢生人啲
際遇都好奇怪，成日諗到嗰啲嘢，就會無啦啦有，但我想中馬標、中六合彩呢，又未中過
喎！哈哈哈！」六十七歲的丹爺的成長點滴，大概也是很多香港人的故事。

初來埗到

我一九四四年喺大陸出世，四、五歲就同阿爸阿媽、妹妹同埋阿公阿婆走難嚟香港。本來
我屋企以前喺大陸係大財主、大地主，但嚟到香港，就好似其他走難落嚟嘅人咁，一貧如
洗，乜嘢都要重新嚟過。

我哋最初租住茶果嶺原居民起嘅石屋，好似一間房咁大，屋外面隔住條路仔就係海灘，所
以我游水好叻。後來住到我十一、二歲時，我哋就搬咗去青山道木屋區，使咗三嚿水搭咗
間大啲嘅木屋，仲有一半可以租畀人住，廿蚊個月，變咗做包租婆，哈哈！

住喺青山道嘅時候，我成日去玩爬山，有乜就玩乜！不過打風嘅時候都好驚o架，一知道
有風球嚟，我哋就會搵鐵線掹住個屋頂，因為我見過人哋嗰啲，風一嚟，「靴」一聲，成
個屋頂就畀風扯走咗！

請唔請我

我哋五幾年嗰陣，香港經濟仲未起飛，冇社會福利署，又冇綜援，大家都捱得幾慘，有工
開就有飯食，冇工開就要自己諗辦法。啲人出嚟搵嘢做，冇人會問「幾錢人工」，只會問
「你請唔請我」。

我記得當時最多人做嘅工係紗廠，一到五、六點鐘，啲人一堆堆企晒喺巴士站，一睇佢哋
啲頭髮仲黐住啲白紗，就知佢哋喺紗廠做，都叫做有份穩定收入o架！

至於我爸爸，初初嚟香港，看更又做，乜都做過。後尾試過有個交通差，因為生得細粒，
喺馬路中間嘅指揮台度畀人搶警槍，哼，跟住就決定要搵啲山東佬嚟做，大大隻隻企喺馬
路度，唔打得都睇得呀；咁我哋係山東人，喺嗰陣嚟講叫做身形高大，我爸爸就係咁做咗
嗰陣叫嘅「山東差」。

爸爸做咗差人之後，屋企環境OK好多。我哋嗰陣連埋我已經有五兄弟姊妹，跟住就搬咗去
荷李活道警察宿舍，同曾蔭權、梁振英做鄰居，哈哈哈！

世界之大

我初初讀完書出嚟就做建築，後尾建築冇得撈，我就諗：不如去環遊世界，散吓心呀，但
我冇錢o架嘛，咁點呀？哼，後尾有個uncle走嚟問我，有冇興趣跟佢行船，我諗諗吓：有
人工逗，又可以環遊世界，幾好喎，咁我咪去囉！

上船第一日，我從未試過離開過香港，一出去，見到茫茫大海，呢個南中國海喺地圖上咁
細，但都已經一望無際，睇唔到岸，咁成個地球嘅比例咪好勁？犀利呀！真係叫我大開眼
界！夜晚喺船上面望星星特別多，再諗吓個宇宙，嘩！一個地球都咁大，加埋其他星球，
一個人嘅比例簡直一粒塵都不如！

當時係六幾年，打緊越戰，我跟東南亞船，去到越南，見到嗰度啲人生活得好悲慘，個個
都係行屍走肉，街上冇一個人有笑容，我好唔明點解世界會變成咁，打仗為乜呢？

以前我十五、六歲時走去學過打西洋拳，成日恃住自己識打，一畀人蝦，我就會同人死過
；但行船之後見到咁多嘢，乜都睇化晒，先發覺自己以前懶巴閉，爭嚟做乜呢？

不甘寂寞

行船行咗兩年幾，初初就好新鮮，但後尾成日都喺架船度，十幾日淨係望住個海，見唔到
陸地，浮吓浮吓咁，我就開始覺得悶！如果我當時行嗰啲去美國成個月嘅大船，我諗我真
係會跳海！哈哈哈！

然後我見到有啲人做行船做到年紀好大，佢哋成世人都喺架船度，咁我自己又點呢？單身
寡佬就話啫，但我總有一日要成家o架，唔通娶咗老婆之後，揼低個老婆去行船咩？

無耐嗰水船返到嚟香港之後，國泰電影就租咗我哋架船拍戲，我做officer，要on duty，
於是乎我就同啲導演、製片搞到好熟。咁蹺嘅係，當時報紙話國泰演員訓練班招募，我即
刻返屋企喺櫃底度，摷一張自己認為最有型嘅相寄去，哈哈哈！

寄咗去之後，我行嗰幾水船好彩都係去新加坡，好近，兩次國泰寄信叫我去interview，
好彩我都喺香港，到最後，我終於收到取錄信，咁我就大鑊啦！要受訓半年，冇人工，我
又冇得行船，即係要辭職啦！如果讀唔成呢，我就要重新搵嘢做！卒之，我就揀咗辭職去
受訓，因為我其實一直都鍾意啲表演嘅嘢，小學開始已經做話劇，而行船，始終並唔係我
鍾意嘅。

隨遇而安

半年嘅訓練班畢業時，四十八個同學得番十一個，有啲畀公司飛，有啲讀讀吓覺得自己唔
適合，走去轉行。我係最後畢業同公司簽約嗰十一個，但到依家，全班只係得番我一個仲
做緊呢行，哈哈哈！

同國泰簽咗八年約無耐，大老闆就撞機死咗，公司亂晒大龍，但邵氏嗰邊就發展好好喎，
我就諗：如果可以過邵氏就好喇！哼，跟住就有個我唔識嘅編劇打畀我，問我有冇興趣過
去邵氏傾傾，仲畀我好好條件，結果國泰當時嘅總經理Willie陳（陳自強）就幫我解咗約
，我過咗邵氏之後九個月，國泰就話執笠。

七○年去到邵氏，人工千幾二千蚊，已經比出面好好，但做配音嘅，就可以搵到萬幾蚊一
個月，我就諗：如果我識配音就好喇！跟住邵氏嘅配音領班知我識講普通話，無啦啦打嚟
問我想唔想學配音！哈哈哈！

我啲際遇咁多年嚟都係人哋嚟搵我，唔係我自己去搵工，入佳視係咁，入無綫、亞視都係
咁，諗到嗰樣就無啦啦會有，都算好彩囉！哈哈哈！

另一個七十後的故事

丹爺說，在將播出的新處境劇《愛．回家》中，他的角色會升呢，「有仔有新抱，仲有埋
孫添呀！」

現實中，他有一子一女，是個非常open minded的父親，現在專注於內地拍劇的大仔劉愷
威，已有個要好的女友楊冪。問他可會恨飲這位未來新抱的茶，他哈哈哈笑起來：「未知
呀、未知呀！啲後生仔嘅嘢，我都控制唔到o架！」有跟楊冪見過面嗎？「有！佢係個好
女仔，好乖女！先排佢有幾部電影上畫，嚟香港宣傳好匆忙，但都有同我哋見面，印象都
OKo架！就算冇時間見面，佢返到北京都會打畀我：『uncle，我回到北京啦！』好有交帶
，好少人會識得咁做！哈哈哈！」

至於曾有說劉愷威整容，丹爺即火都嚟：「都黐線嘅！整乜鬼嘢容呀！不如話佢換咗個頭
呀！話阿威細個個鼻扁，我個仔由細個開始，都未扁過鼻！反而佢個樣變得最緊要，係嗰
陣喺橫店拍「薛丁山」（《大唐女將樊梨花》），試造型時個導演話佢有baby fat，叫佢
減，佢就日日喺橫店跑步、做sit up，個幾禮拜，就成塊面凹晒，咪顯得個鼻大咗啲囉！
」

三十七歲屬「七十後」的劉愷威，有個如此着緊自己的「四十後」父親，的確很幸福。

Source:http://eastweek.my-magazine.me/index.php?aid=19786
內有丹爺的圖啊~~~


--
※ 發信站: 批踢踢實業坊(ptt.cc) 
◆ From: 42.2.176.175
推 jkl0924:演洪七公真的演的入神!
推 bluewinds:推丹爺呀~~~我今天才知道他是劉愷威的爹@@
→ fairycakes:我一直覺得電視劇最珍貴的就是這些老演員 劉丹 羅樂林
→ fairycakes:夏雨...台灣則是廖竣...等等 年輕演員只是擺著好看
推 wowso:最近重看皆大歡喜古裝版看到入宮了XD
推 wangsan:他的洪七公是經典!!當年演中邪西毒南地北丐中神通的都很棒
推 goodcial:少數還沒有跳槽的金牌綠葉
→ goodcial:丹叔在《上海灘》裡演超好,不過大眾只記得三角戀
推 lygshhk:我第一次看到丹爺是馬景濤板的<倚天屠龍記>
→ lygshhk:過了數年接觸港劇漸漸才發覺丹爺好像是謝遜
→ lygshhk:前幾年某台重播<倚天> 才確認謝遜真的是丹爺 而且不像周海
→ lygshhk:媚或葉童一樣用配音 是丹爺本人純正渾厚的國語耶!!!
推 goodcial:老一輩外省人講國語都OK,這篇新聞也有寫拍"國語片"出身
→ KingKingCold:覺得電視劇最珍貴的就是這些綠葉老演員+1
→ KingKingCold:我看夏雨演了五六次爸爸，每個爸爸都可以演得不一樣
→ KingKingCold:但是還都可以保留他演戲的特色跟味道，真的很強
推 comebest1219:看到劉丹就想到秦沛 這兩個演員都是很會演好爸爸~
→ comebest1219:秦沛也好久沒出現了~~
推 shoul:次次看劉丹演好爸爸總是深受感動
→ kzzoz80:秦沛離開tvb好久了 應該都在演大陸戲
→ chenyoyo:秦沛好像去城電了....
推 NANAer:秦沛今年才離開TVB....他去年有依家有喜，還有護花危情還沒
→ NANAer:上，他很少拍陸劇，電影反而比較還比較多，但也都客串性質
→ NANAer:多打了一個比較XD
推 sizuku2:顏同啊~居然跟姜大衛爾東陞是兄弟~全家人幾代都是演藝人員
推 bluewinds:！！！！！！他是馬版的謝遜！！！我居然沒出來Q.Q
→ bluewinds:我每次看到這些厲害的老演員都會暗自期待他們身體健康
→ bluewinds:然後能再多演幾年的戲讓我們看~但也不要太累呀！！
推 Sabine0127:原來他們不只是在真情演父子是真的父子!!
推 bluewinds:XD 樓上跟我想得一樣
推 kzzoz80:他們父子很久了
推 dtdon1699:他們戲裡戲外都很熟XD
→ xingjun:台版的倚天我最近才發現謝遜是劉丹演的，當年把他當路人。
推 ddgf:我超愛他的洪七公~~~