[新聞] 戀愛季節試造型 (胡定欣咀過杏兒讚唇厚)

[wasabi1 (wasabi)]

胡定欣咀過杏兒讚唇厚

無綫新劇《戀愛季節》昨日於電視城試造型，劇中一眾主要演員如胡杏兒、馬國明（馬明
）、徐子珊、胡定欣、梁烈唯、羅仲謙等均有出席。不過「經常」與徐子珊傳緋聞又於劇
中飾演情侶的吳卓羲就因事缺席。不過另一邊廂坦承曾拍拖的馬國明與胡定欣，今次雖然
難得合作，卻無緣在劇中再續前緣，只因今次由杏兒飾演馬國明在劇中的情侶。

提到杏兒鶽家已經名花有主，馬明笑言「無有怕」更要挑戰黃宗澤，「由七年前嗰套《肥
田喜事》開始我就已經追杏兒，由佢肥追到鶽家瘦，今次終於可以修成正果得到手。」聽
到拍檔咁講杏兒亦笑住「交足戲」，笑謂：「咁我咪畀個機會佢摸吓我手仔囉！」問到二
人有否親熱鏡頭時，馬明即笑指會向監製要求加戲：「我諗為咗增加收視，睇怕都要咀番
幾次先得了！」記者打趣問杏兒是否需要向黃宗澤「報定案」？她即一臉輕鬆：「我哋兩
個都係專業演員，唔使備案啦，係咪？」


黃宗澤被擺上檯
提到與前女友胡定欣合演新戲，何不乾脆要求導演將自己「再續前緣」乘機「翻撻」？馬
國明繼續口花花笑：「我鍾意杏兒多啲喎，我同定欣都無演過情侶，可能編審唔覺得我哋
襯啦！加上個故事係以季節分開四個單元去拍嘅，如果我同定欣對戲可能就會破壞套劇集
嘅格式，咁我都要將啲Quota留俾杏兒㗎，(拍咀戲銏你哋！)係呀，基本上自己除咗頭髮
較短之外，咁真無乜短處啦！」擺明就係攞杏兒早些時曾為話過黃宗澤「脷短」嚟講笑！
對於有傳此劇是為了遷就吳鎮宇無檔期開拍《衝上雲霄2》而作「攝期」之用，杏兒就指
都有聽聞過：「不過你知啦！接乜劇我都係受命於公司，以我所知《衝2》就會喺7月中開
拍囉！」


胡定欣不介意翻撻
對於未能與前男友馬明「翻撻」飾演情侶，胡定欣就大方表示無所謂：「都唔一定要一齊
做嘅，可能佢同杏兒適合啲呢。(唔抗拒同對方合作？)梗係唔會啦，做嘢嘛。(馬明自己
要求同杏兒加咀戲喎)，係咩？不過杏兒個咀唇咁厚都幾好咀㗎！(你又知？)我同佢私底
下咁好姊妹我梗係咀過啦，(咁馬明同杏兒邊個好咀啲？)，哎呀！唔識答了你哋。」
另一方面，早前被拍得與有家室的新歡同住貝沙灣，又獲對方到機場接送的徐子珊被問到
有關問題時，她指二人是朋友關係，對方是圈外人，不想影響對方生活故不再多作回應。占士報道

Source:
http://www.hkdailynews.com.hk/enews.php?id=226802

--
※ 發信站: 批踢踢實業坊(ptt.cc) 
◆ From: 42.2.177.250
推 kzzoz80:戀愛季節卡司那麼大
→ kzzoz80:原來是四個單元
推 wcsuisui:春夏秋冬吧XD
→ chenyoyo:原本以為是四個單元以春夏秋冬為主題，不過看了一下介紹
→ chenyoyo:好像目前只有主角名字跟春夏秋冬有關而已XD
推 lzetn:看到胡杏兒= = 我對這片就一點興趣也沒有
推 Monoprix:杏兒的造型很讚耶 好有女人味!!