推 Monoprix:哈哈哈哈 瓦努阿圖的廣告真的很洗腦!!!!! 07/11 11:34
推 ChiumaO:是C.陳啟泰！！ 07/11 14:11
推 brotherboy:我記得tvb鄭秀文和錢小豪主演的大頭綠衣鬥殭屍似乎有他 07/11 17:41
從瓦努阿圖到瓦努亞洲 陳啟泰
是咁的，話說亞視為賀五月廿九號的五十五周年台慶，除出動全台藝員拍了首膠歌MV《
Gimme Five》外，查實阿Ken陳啟泰也單獨拍了一個《百萬富翁》×「瓦努阿圖」廣告的
「瓦努亞洲」宣傳片，更親自度了些自嘲台詞來贈興：
「大家好，你睇緊嘅係『瓦努亞洲』，我係陳啟泰！」、「喺香港，邊一間電視台最鍾意
改台慶嘅日子，不過，最後憑良心都係改番五二九呢？」
雖然此片在電視上播了兩天便遭腰斬，但阿Ken說起這件事，還是有點得戚的。「初初個
版本好鬼老正0架，拍拍吓個writer話可以玩得盡啲，咁我咪講『瓦努亞洲』囉，起碼有
橋，大家會記得呀！YouTube個點擊率都有幾萬，啲人睇到都話抵死！引到你笑，我都開
心0架！」是的，因為特首競選，全城網民都說要移民到瓦努阿圖後，阿Ken自此便等於了
瓦努阿圖。
「都幾好笑0架！有啲人會同我講：『嗰度有活火山，有食人族，你叫我移民去嗰度？想
我死呀！』哈哈哈！當然咁講都唔係認真啦，嗰度只係畀大陸人移民嚟香港嘅踏腳石，邊
有人會去土人度住呀！不過成件事都係正面嘅多，估唔到個反應咁犀利、咁爆！」
瓦努阿圖爆還爆，但阿Ken在整個訪問提及最多的，仍是亞視、亞視和亞視。「因為呢一
切都係亞視畀我嘅！」
舔到盡
當然，要是比較起來，瓦努阿圖還是不及○一年阿Ken主持的《百萬富翁》影響深遠。「
如果你講一個人舔盡一件事，我諗就係『陳啟泰舔盡《百萬富翁》』囉！十一年前嘅事，
真係好犀利！舔到好盡！連瓦努阿圖都係佢嘅二次創作咋！我覺得真係超好彩0架！
「《百萬》之後嗰幾年，我都有諗過想甩咗呢個喺觀眾心目中嘅印象，但後來我諗通咗，
其實我應該要將呢個印象好好運用囉，譬如話我可以去登台，同埋遲啲出國語唱片，都係
因為《百萬》咋嘛！」
當年《百萬富翁》收視最高有三十九點，成了亞視史上的「神話節目」，而他亦從此被稱
為「亞視一哥」。
「一乜嘢哥呀，因為冇人咋嘛！我九八年入嚟亞視到鶽家，喺我身上，我從未同過任何一
位男士、女士爭過嘢做，都唔夠人，爭乜嘢呢？就算你話我同林韋辰，外形好似啦，高高
瘦瘦、戴眼鏡，但都冇嘢好爭，因為乜嘢show都係我同佢一齊做！」
查實除了大show必定有他做司儀和唱歌跳舞表演外，就是資訊節目，以及從前開拍的劇集
《我和殭屍》系列、《情陷夜中環》，亦會少不了他的嘜頭。「如果要講邊個舔到亞視最
盡呢？嗰個一定係陳啟泰囉！因為我嘅『亞視人』形象太深刻喇！」
亞視人
的而且確，他的「亞視人」形象確實太深了，深到連他○九年曾跳槽過有線兩年，大概亦
沒有很多人記得。「有好多人以為我去有線客串，其實我當時真係簽咗去有線，間中亞視
有啲大show先叫我返嚟幫吓手。
「呢十幾年嚟，我選擇咗亞視，或者係亞視選擇咗我，件事其實係好夾囉，因為亞視最好
嘅地方，係你諗到啲乜都幾乎可以做，我想啲節目好啲，我呢幾年參與多咗度橋，識我嘅
人都知我其實係內裏open——雖然個外表唔係好斯文，哈哈！但啲人會將啲唔係好正常嘅
嘢擺喺我身上，我會接受我人生條路係咁囉！」
然而，亞視的收視……「其實我都習慣咗，不過就屢創新高囉——嗰個沮喪！個收視創新
低，最近仲話平均得一點，我都難受0架！好似之前嗰個台慶ＭＶ反應差，我都唔開心0架
！
「有時，亞視有啲乜嘢唔好嘅嘢，啲人走嚟問我，我都會講句『唔好意思』，好似當咗間
公司係我咁。嗰次我同班幕後講：『如果大家坐喺茶餐廳度，播緊嗰個ＭＶ係咁畀人踩，
你哋大家都仲可以扮鵪鶉暱埋，但我唔得?！一來、我個樣啦，二來、我真係喺亞視十幾
年，我所有嘢都係亞視畀我0架！」
歸屬感
阿Ken說，在亞視比他更忠心的藝人，叫鮑起靜。「如果我喺亞視係『中臣子』，咁鮑姐
一定係『老臣子』！佢嗰陣攞金像獎出嚟見傳媒，第一句唔係話好開心，而係『亞視啲
crew喺邊？』呢幾個字！你可想而知佢對呢個台有幾深嘅情懷！所以佢聽到對於亞視唔好
嘅嘢，佢係比我更難受！
「其實我哋唔係唔想做好啲節目，只係成日換老細，有好多嘢我哋都控制唔到！所以嗰陣
亞視換咗台灣老細，佢唔想要啲咁貴嘅人，咁我同珊姐（朱慧珊）就首當其衝，裁走咗。
我嗰陣同鮑姐做緊《開心大發現》，我同佢講要走，鮑姐就喺我面前喊起嚟：『唉，乜亞
視真係咁樣0架？』」
另一個因為他的離開而哭的女人，是服裝間的一位阿姐「大眼」。「佢係個做嘢好有
heart嘅人。我喺亞視因為成日要開工，喺服裝間有個櫃，有我個名，我走嗰陣去執番啲
嘢，大眼就喊住咁話：『你幫亞視做咁多嘢，你都走？』然後仲話會留番個櫃畀我返嚟用
。『唔使驚0架，你好快會返嚟0架啦！』你諗吓，一個服裝間阿姐留番個櫃畀你，已經係
佢做到最有權力嘅事，真係好感動！我當時都眼濕濕0架！結果大半年前我返番嚟，就同
佢講：『哼！你好嘢！你講得啱！』」
爭乜嘢
他坦言，那兩年過檔有線的日子，工作是開心的，只是未盡如他意。「嗰邊冇綜合節目，
又冇劇集，製作資源又少啲，所以都唔係我想做嗰樣嘢囉，不過佢哋真係畀到我發揮，而
且係開心嘅！」
那麼，在這十多年亞視受重用的日子，大概也曾引來無綫招手吧！「冇喎！係最近一次『
逃亡潮』先call過我，都係問我張約仲有幾耐咋，唔係問我有冇興趣返去呀！我都係答佢
：『仲有年幾約，到時先算啦！都就嚟世界末日咯！』真係喎，咁快call我都冇用啦！不
過，我都感覺到佢哋冇人嘅地步，真係幾慌！」
但若現在重返ＴＶＢ，應該會更得寵呀，陳煒、萬綺雯甫加入，已被安排在重頭劇演出啊
。「見到佢哋發展得幾好，都開心?！」他聳聳肩說。
還有陳展鵬呢。「咁展鵬係之前簽0架啦！佢唔使講啦！起碼嚟緊十幾年都係佢世界0架啦
！佢係個有思想、做戲比較有心機嘅人，比較起一啲無綫嘅哥仔，hea吓hea吓咁做戲，你
會覺得展鵬真係好好囉！佢有諗嘢、交足貨0架！呢啲咪似我囉！」
似你？「真係0架！我同佢一樣都係屬龍，『龍人』做嘢係咁樣0架，對工作好有熱誠0架
！不過呢，自從《百萬》我啲名利穩定咗之後呢，其實我嘅工作心態開始平和咗，唔會再
咁辛苦去fight啲乜，反而我鶽家有少少為興趣做嘢，對拍嘢會執著咗囉！」
都話《百萬富翁》影響深遠口架啦！
瓦努 阿泰
跟幾年前和阿Ken做訪問時相比，這天眼前的他，顯得更加懶洋洋（並非hea那種）。我想
，一來、因為今天我們面對著藍天碧海；二來，因為他是個從來都不求大富大貴，只求安
安穩穩的人吧！
是真的，在幾年前的訪問中，他曾說過，小時候一家住在麥當勞道千呎豪宅，後來看見父
親生意失敗，屋愈搬愈細後，他便定下了「要儲錢保障退休生活」的目標，「我唔想我將
來都好似我老竇咁！」
結果呢，第一桶金很多年前他已儲到了，我相信他現在應該是更富有的，不過，原來他至
今還是繼續揸十多廿萬的車，繼續居於觀塘功樂道那三十年樓齡的住所！「《百萬》嗰陣
，我都帶過老婆去睇樓0架，但我老婆話：『換乜鬼呀，鶽家呢度唔好咩？』咁咪一直住
落去囉，反正仲有兩年都供完，我哋又冇細路！」
那將來可會移民到瓦努阿圖享福？「其實我一早已經移咗民0架喇！我兩歲已經掟咗去加
拿大，但老竇老母唔捨得，驚我變竹升，我就返咗嚟，十幾歲讀完中三先再過去，我有加
拿大護照！不過，嗰邊真係空氣好好，啲樓好大，但悶0架嘛！都冇嘢好做，叫我點住啫
！好似鶽家咁，可以出嚟沙灘影吓相，你話幾咁開心！」說罷，他擺出一副悠閒得戚樣，
「我鶽家叫做『瓦努阿泰』吖嘛，乜我冇話你知咩？」
Source:
http://news.sina.com.hk/news/15/1/1/2714898/1.html
--
※ 發信站: 批踢踢實業坊(ptt.cc)
◆ From: 58.153.221.211