推 kzzoz80:大家戴假髮好好笑 07/14 11:49
(共2則新聞)
緋聞纏繞壓力大 李詩韻內分泌失調
明報周刊 第2279期
日前，李詩韻與黃浩然、陳展鵬、楊明以一身校服look上陣為《情越海岸線》拍攝一場回
憶戲，摹彷《那些年，我們一起追的女孩》，講述幾位男生在中學時代一同追求李詩韻。
P.1
http://img.ihktv.com/wp-content/uploads/2012/07/mingpaoweekly2279selena01.jpg
P.2
http://img.ihktv.com/wp-content/uploads/2012/07/mingpaoweekly2279selena02.jpg
Source:
http://www.ihktv.com/mingpaoweekly-2279-selena.html
馬德鐘遭吐口水尊嚴掃地
馬德鐘未當藝員之前，曾經是警察部門的保護組警員，曾任PTU亦當過G4特警，名副其實
的公僕，故演劇集《飛虎》當真是不二人選。他受訪時坦言拍劇過程與當年受訓時的情況
非常雷同，唯一不同是受訓時被警官當面吐口水侮辱訓練EQ，笑言幸好拍攝時尊嚴未有再
被踐踏。
當年我受同樣當差嘅兩位哥哥影響，我考警察，從軍裝做起，之後我做過PTU亦當過G4特
警。呢個係警隊入面嘅特別部門，為保持體能，就算冇行動都要成日訓練，嗰種辛苦，係
血、汗、淚水再加尊嚴嘅過程。依家我拍《飛虎》，真係令我勾起好多回憶，好似發夢都
夢見衝鋒陷陣，今次拍劇，呢啲感覺又返嚟！
訓練EQ保持冷靜
入隊後，每日都要訓練。講真，真係辛苦過拍劇！年輕唔懂事時，都有諗過放棄！譬如會
傻更更想個天落雨，我就可以跑少日，操少日，雖然話後生有無窮精力同體力，但始終人
嘅體能有極限，真係唔易捱！細個時少啲耐力、堅持都過唔到咁辛苦嘅訓練。今次我拍劇
集，同一樣嘅性質，到我train佢哋（演員），當然冇咁嚴，起碼我會顧及同事嘅尊嚴。
想當年我受訓，阿Sir好嚴格，我哋要赤裸上身，互相練拳腳（打架），因為要自衞。有
一次輪到我做班長，阿Sir喺我面上吐口水，逼我要對某一種睇法要服氣，因紀律部隊都
要絕對服從order！事後我真係好hurt、好唔服氣，不過阿Sir後來向我解釋，呢個係訓練
過程，係一種EQ嘅訓練，因為當我哋遇上歹徒，會有好不人道嘅挑釁，阿Sir要我哋保持
冷靜，否則驚我哋會隨便揸支槍去打死人！
拍劇當然冇呢個情節，但其中一幕戴「豬嘴」（防毒面具）都好深刻！因為我根據過往嘅
經驗，拍時都畀咗好多意見，想大家睇起上嚟都有種真實感覺。而今次我拍攝時就等同訓
練一樣，我都瘦咗六、七磅，可能我向來都有做運動，所以成個拍攝都應付到。
雖然受訓之時好辛苦，當時唯一說服自己留低，係當差嗰份使命感，話晒係為國家、為香
港人民服務，做警察好威，G4更加係精英中精英，做男人點會唔尊崇呢種感覺呢？
轉做藝人多姿多采
當差四年，我做過軍裝、藍帽子、G4，都算無憾，最後轉行加入無綫，因為我覺得人生應
多番啲色彩，做藝人就最能夠實現呢個夢想。不過我雖然做咗藝人，但我都好贊成男人應
該有服兵役嘅理念，可以鍛煉下自己。好似我個仔咁，佢成日都好興奮咁問我當差時嘅嘢
。雖然我個仔未有當差念頭，但佢對槍械好有興趣，而且有學空手道，依家係黑帶二段o
架！
口述：馬德鐘
勸交成功幫助移民
雖然馬德鐘表示受訓和做G4很辛苦，但四年的當差日子，他遇上不少溫情個案而動容。他
謂：「試過勸兩個阿伯唔好打交，最後成功勸二人和解。後嚟再見番其中一位阿伯，佢喊
晒咁多謝我，佢話如果當日我唔勸佢，打交擺上庭審嘅話，隨時留案底！如果法官真係判
咗佢有罪，留咗案底，佢話佢個仔就申請唔到佢移民團聚。」
Source:
http://www.ihktv.com/joe-humiliating.html
--
※ 發信站: 批踢踢實業坊(ptt.cc)
◆ From: 58.153.220.45