[新聞] 我主場--鄭子誠：我有陰謀

[wasabi1 (wasabi)]

我主場--鄭子誠：我有陰謀


以靚聲見稱的鄭子誠，最近被網民捧成「完美奸人」，他的一切行為都被認定背後有大陰
謀，鄭子誠與奸人中間幾可畫上一個等號。16年來，子誠亦已由介意演變成享受做奸人，
對於眉宇間流露奸氣，他笑言：「哈哈哈……好在旁白得把聲好啲，見樣嘅話，啲人話我
咁衰仔，一定有陰謀，哈哈哈……」。撰文：羅美倫

鄭子誠近半年熱爆網上討論區，被封為「完美奸人」，但凡他的一切都與奸、陰謀扯上關
係，對於「鄭子誠現象」，子誠倒沒所謂：「件事唔太負面，冇人身攻擊，只係針對我嘅
角色同角色背後嘅陰謀，我反而受寵若驚，咁多人可以討論，佢哋都花時間討論我，真係
無言感激。」子誠探討過現象，認為跟現在社會政治化有關：「話我做嘅嘢背後有陰謀，
我諗係源於大眾對政府嘅不滿，延伸到個人感受，對身邊嘅人唔信任。」

「自己都睇唔順自己」

擁磁性聲音又有不錯的外形，子誠偏偏被派演奸角，到底覺不覺得自己奸，他笑笑說：「
我自出娘胎都唔覺得自己奸，直到《真情》後，有次朋友聚會影相，朋友叫我唔好笑得咁
奸至檢討下，經過十幾年磨練係有啲職業病，哈哈哈……自己都睇唔順自己。」子誠96年
首次拍劇，《真情》中李子浩深入民心，奠定新一代奸人地位。

一奸就奸了16年，子誠笑言：「我由介意到唔介意，到鶽家睇得好開，仲幾享受!嗰時
《真情》、《烈火雄心》總係姦淫擄掠無惡不作，我介意因為由細到大性格唔係咁
，我阿媽直情唔睇《真情》，邊有阿媽鍾意睇阿仔做衰嘢。」

原來當年DJ出身的子誠，加入無綫夢想是做個成功主持：「嗰時潘宗明啱啱移民，只剩鄧
梓峰，自覺有機會，續約時提出想多做主持，但公司話等我洗甩奸仔形象先，點知跟住一
部接一部，變本加厲。」子誠演的劇集約三成演好人角色，但即使連朋友的感覺都跟網民
一樣，總覺他後尾會變奸，令他感無奈。

「日日踎喺永祥大廈」
由抗拒到享受，子誠奸盡電視圈，背後沒有陰謀，但有一個故事，他說：「其實入無綫第
一件工作係做《城市追擊》主持，嗰時新人被安排日日踎喺永祥大廈做祥哥（新馬師曾）
爭產，點解見唔到我呢？因為娛記勁，訪問時我只能遞支咪入去，永遠只見咪頭見唔到我
，有次我問公司見咪牌有冇騷計，唔畀騷我咪白做？後尾我係唔係都遞個咪牌入去。」最
初子誠入《城追》以為會像鄭裕玲般坐廠做主持，誰知日日踎街令他意興闌珊，子誠說：
「由祥哥爭產做到祥哥離世，日日就等小艾、九舅父講嘢，有日喺醫院等祥哥，收到藝員
科電話，話《真情》想我試鏡，呢個電話改變我嘅命運，冇呢個轉捩點我可能捱唔到幾耐
要離開無綫。」

「做好人唔夠阿海好」
命運確實令子誠走上奸人之路，因李子浩一角原非奸人，當初這個新移民角色像《甜蜜蜜
》中的黎明，但之後有突變，子誠說：「做咗一輪監製話我做好人點都唔夠阿海黃智賢好
，仲話發覺我眉宇間帶點奸意，係第一次有人咁講，鶽家諗番轉頭要多謝監製獨具慧眼，
角色由力爭上游變成不擇手段。」
角色變了奸人，子誠很是抗拒，演得不夠投入、流暢，直至監製點醒，造就這個新奸人
icon，子誠說：「監製話呢個世界冇奸人、好人，每個人都係為自己，奸人嘅手段外人睇
似好衰，但喺奸人心中只為生存。我都諗，如果自己奸計得逞真係會會心微笑，每個人都
會咁，我唔排除自己有奸質，其實每個人都有，未必係陰謀論，但總都會有心計，對某人
好啲可能係有嘢求佢，我只不過係演繹緊某個人。」

「唔會對住老婆奸笑」
曾望脫離奸人行列的子誠，現已樂於做奸，他說：「我拍劇不斷做奸人，要多謝港台節目
可以做番自己平衡番，我又可以安於喺電視繼續做衰人。」不生厭？他哈哈大笑：「所有
監製都樂此不疲，惟有當係肯定，其實有少少厭㗎，咪喺角色上加多啲奇形怪狀囉，仲有
好多奸嘅做法，如果我生存空間只限於奸，我願意繼續奸落去。」
那在太太劉倩怡眼中，子誠可是奸人？他笑言：「佢笑咋，唔覺我有呢種奸意，我都唔會
對住老婆奸笑啦！眉宇間嘅奸意好淡，係耐冇見朋友至發覺，個個星期見我阿媽佢都冇話
我奸，我都同啲廣告客戶講要理性分析，哈哈哈……好在旁白得把聲好啲，見樣嘅話，啲
人話我咁衰仔，一定有陰謀，哈哈哈……」子誠的招牌式奸笑響起，背後真的沒陰謀？

惡行檔案：奸男Style

被喻為完美奸人的鄭子誠，外表陰濕不可測，就算他飾演大好人，觀眾都凝住他有重大陰
謀。

Source:
http://hk.apple.nextmedia.com/entertainment/art/20121020/18044337


--
※ 發信站: 批踢踢實業坊(ptt.cc) 
◆ From: 219.79.219.83
→ wasabi1:看同事與天晴時，看完都總會覺得他有陰謀~~~
推 clody:同事一直到最後都還有人懷疑他是壞人XDDD
推 clearclear:完美奸人這稱號XD  不過鄭子誠的聲音真的很好聽
→ idol1:真情七百多集的陰影 現在看到他還是叫子浩
推 dira:上次看怒火街頭2也是覺得他應該會做壞事XDDD
推 lword:的確啊!!!只要他出現我就覺得他一定是壞人
推 callmedance:封神榜的紂王
推 Snowmiss:只要鄭子誠一出來,就發覺案情並不單純呀...
→ Snowmiss:到了結局都還在想他怎麼還沒解開陰謀呀
推 firewolfer:天與地倒是很正派~~~
推 aweful:還有演司馬懿
推 peppermintt:對阿，他演到就算全程都是好人，也覺得他最後一定有
推 peppermintt:陰謀，還有李成昌也是奸人一名，但他的奸是明
→ peppermintt:鄭子誠是暗
推 allizon:搜神傳跟鳳凰四重奏也都以為他最後會翻盤呈大魔王,結果
→ allizon:從頭到尾都是演好人
推 lword:看巴不得媽媽還是覺得李成昌是壞人XDD 兩大奸角
→ fairycakes:他哪有演過好人 都是集數太短 來不及踢爆他陰謀就結局
推 Snowmiss:郭羨妮演壞人總是過火,讓人恨不得進去打她;演好人卻剛剛
→ Snowmiss:好,就正常人. 鄭子誠真的是好人演不來啦...繼續用他的
→ Snowmiss:靚聲來策劃些大陰謀吧!!
推 kingtou:來不及踢爆他陰謀就結局XDDDDD
→ cattielin:看搜神傳都覺得最壞的還是玉衡子 譚小環漂白..
→ cattielin:最後才發現~ㄟ 原來玉衡子是好人啊?
→ bluewinds:天與地裡的他很可愛呀XD