《大太監》結局由你揀 遺棄版本同樣播 胡定欣恨觀眾賜死
無綫台慶重頭劇《大太監》自開播以來，收視一直高企，首周錄得最高36點的佳績，觀眾
亦睇得投入，紛紛在網上畀意見，無綫見反應好，即時搞搞新意思，決定由觀眾直接揀結
局。監製羅永賢坦言，因黎耀祥和米雪飾演的「李連英」和「慈禧」都是歷史人物，改動
不能太大，反而胡定欣飾演的原創角色「倩蓉」，將會成為另一結局的關鍵人物，但無論
觀眾選擇哪一個結局，另一個結局一樣有得睇。撰文：杜淑霞 攝影：畢紹基
化妝：Jessica Chan（胡定欣） 髮型：Matt Chiu@Xenter（胡定欣） 服裝：Ted Baker
（胡定欣）
《大太監》大結局將會安排在下月16日及17日，一連兩晚每晚兩小時播出，而17日更會安
排在商場舉行晚宴，台前幕後將會總動員出席，到時觀眾將會即時看到選擇的結局。監製
羅永賢表示，觀眾參與揀結局將會在結局前一星期開始，至於形式還在研究，「無論觀眾
揀咗邊個結局，另一個結局都會喺其他時段睇到。」至於專登拍的結局，將只有黎耀祥、
米雪和胡定欣參與演出，「定欣可能死，但又可能嫁或者出家，至於其他演員就會用其他
剪接形式交代，總之觀眾每條感情線都有得揀。」
定欣寧願死
定欣在劇中下場被拍成兩個版本，正在倫敦拍攝《衝上雲霄2》的她接受長途電話訪問時
坦言，對自己的戲成為結局的關鍵人物，感到相當興奮，「我反而鍾意要死嗰個結局，人
生本來就係好多變數，唔一定有個好圓滿嘅結局，反而有啲遺憾都唔係壞事，不過都好明
白觀眾睇得投入，當然會想個主角有個好結局，所以o依家有得揀係唔錯嘅安排。」
定欣雖不是女主角，但戲份絕不輕，08年奪得「飛躍進步女演員」的她，當然希望憑此劇
更上一層樓，她說：「我唔敢諗可以提名或者得到女主角獎，但係真係好想今次可以攞到
女配角，唔單止係對自己正面鼓勵，最重要係答謝支持我嘅人，攞獎係對佢哋一個交代，
證明佢哋支持我係無白費，佢哋選擇係正確，希望到時觀眾會投我一票啦！」
國邦成奪獎熱門
該劇另一個突出的配角，就是陳國邦飾演的奸角「彭三順」，原來他花了不少心思來設計
角色，他說：「佢唔係大奸大惡，我將佢設計為口是心非嘅人，好似佢整到定欣小產咁，
佢其實好驚，之後仲託祥仔送啲藥畀定欣，但係又唔會好聲好氣咁講，學監製話齋，設計
好個角色，佢就會好似有腳咁，自己識行落去。最後彭三順會被和碩公主感動咗，算係由
奸變忠。」
國邦入行23年，初出道在電影圈發展，89年先憑《壯志雄心》入圍金馬獎「最佳男配角」
，95年再憑《飛虎雄心》提名香港金像獎「最佳男配角」，反而在電視圈公認為好戲之人
，卻從未得到提名，現在外界一致認為可以憑「彭三順」在頒獎禮吐氣揚眉奪獎，他卻以
平常心看待，「想當然想，即係好似中六合彩咁，有邊個唔想，但係呢啲嘢自己控制唔到
，想嚟都無謂，做好眼前工作先。」
Source:
http://www.ihktv.com/the-confidant-ending-selection.html
--
※ 發信站: 批踢踢實業坊(ptt.cc)
◆ From: 42.3.162.243
※ 編輯: wasabi1 來自: 42.3.162.243 (11/14 13:22)