修心養性 羅仲謙
現代人流行遲婚，原因之一是「未玩夠」。然而，近年電視劇一部接一部、事業如日中天
的羅仲謙，未滿30歲就揚言自己已定性。他說：「我無咩欲望，如果問我而家最要咩，我
只係想有更多工作機會。你話玩或者蒲，我真係無興趣，連瞓覺都無時間瞓，仲想去玩？
」又係嘅！訪問當日，羅仲謙接近30小時冇瞓過，去玩？睇怕都係發吓夢好喇！
撰文： Emily Tsui｜攝影：DAIMA｜髮型：Jan Chiu @ IL Colpo
化妝：Ceci Law @ Annie G. Chan｜服裝：VICTORINOX｜場地：J Plus Hotel｜美術：
Sing
拍《衝II》興奮
入行8年，羅仲謙在娛圈的發展非常順利，工作機會不斷，今次更有份參演重頭劇《衝上
雲霄II》。一直是《衝上雲霄》擁躉的他，得悉自己有份演出續集後感到十分驚喜，又笑
言最大的感受是「自己又老了十歲」。「《衝上雲霄》係一套好有代表性的電視劇，細個
睇《衝上雲霄》時，已經感覺到係大製作，覺得做機師好型，可以着住套制服在機場行來
行去，無諗過10 年後自己會有份拍，真係好高興。」
面對着一眾重量級前輩如吳鎮宇和張智霖，羅仲謙不但沒有壓力，反而大呼拍攝過程輕鬆
又愉快。「如果係初初入行，都可能會緊張，但我都已經入行咁多年，劇入面大部分演員
都認識，我反而覺得好享受。拍呢套劇最開心係可以去好多地方，今次去了英國、法國同
海南島 ，三個地方都係我第一次去。拍攝時大班人一齊出Trip，感情增進不少，所以自
己睇番套劇時，都覺得幾感動。」
「洋葱」變慘角
羅仲謙在《衝上雲霄II》中飾演的詹詹，和胡定欣飾演的Coco 發展感情線，他更透露二
人將有情人終成眷屬，在法國結婚，浪漫至極。問到羅仲謙將來會否考慮到海外結婚，他
即笑說結婚是人生大事，應該要「周圍去」。「一生人一次，咩都會做，呢度又影幾張（
結婚相），第二度又影幾張。所以你話《衝上雲霄》幾犀利，有時覺得現實中都未必會去
得到，今次都算係過足癮啦！」
去年的《On Call 36小時》大受歡迎，令飾演劇中「洋葱」一角的羅仲謙人氣急升。在
數月前已拍畢續集的《On Call 2》，有傳將成為今年的台慶劇。羅仲謙大爆「洋葱」這
個角色有很大突破，盼望觀眾能多加留意他的演出。「雖然楊怡同馬明仍然係重點，但大
家真係要留意一下『洋葱』，佢會係《On Call 2》入面最悲慘的角色。」他又大賣關子
說該劇有不少必看場口，「有幾幕真係好正，大家到時一定會流晒眼淚。！」
型住去旅行
十個當紅藝人九個恨去旅行，全因平日忙碌，盼望能忙裏偷閒去散心。自言忙到沒時間
睡覺的羅仲謙，坦言希望能在不久的將來放個短假期，享受一下陽光與海灘。「做藝人，
唯一可以真正放鬆的方法，就係去旅行。好想去馬爾代夫，嗰度水清沙幼， 可惜我連三
日的空閒時間都無。希望將來有時間可以輕鬆一下，近近哋去個澳門都好吖！」
羅仲謙一向注重外表，出外見人由頭到腳都要襯到十足。他更笑言去旅行時，連揀行李喼
也要型過人，更首推以瑞士軍刀起家的VICTORINOX手提喼，「最緊要係型同易襯衫！始終
自己係藝人，揀喼都會着重外表，因為上機落機都要拎住，可能會有記者影相。第二係要
實用，空間夠大。無論用唔用得晒都好，每一次去旅行都會預計買手信。而最理想的喼，
就係無論拎住行幾耐，到打開時，裏面的東西都可以維持原貌，唔會立立亂。」
有恆心先結婚
羅仲謙為星皓旗下藝人，但近年主力拍無綫劇，更愈來愈受到無綫重用。問到他將來可
會簽約做「親生仔」，他即表示沒有這念頭，認為做人要飲水思源。「暫時就無諗啦，想
履行返自己本分先，做人唔可以咁無義氣。其實到了呢一刻，無綫都已經畀了好多機會我
，我好感激。所以每次無綫有咩活動要配合，我都會當係報恩咁盡力去做。」
雖然被人稱為「童顏」，但其實羅仲謙思想十分成熟，尤其是說到婚姻話題時更顯得穩
重。「幾時係適婚年齡，真係好難講，最緊要係自己要有能力先。男人唔只要照顧一頭家
，係要照顧三頭家：自己、 父母，仲有老婆外家。所以負擔係幾重，要有一定的恆心同
毅力先可以實行，唔係咁容易！」
Source:
http://www.metrohk.com.hk/?cmd=detail&id=218179
--
※ 發信站: 批踢踢實業坊(ptt.cc)
◆ From: 220.246.184.100