[美食] 是日香港蘋果介紹九記牛腩

[evilcherry (邪離子)]

簡單來說，就是一直被食客指牛腩還算好吃，
但貴，且服務奇差，規矩多多的九記牛腩老闆的自辯書。
原文及圖片連結不附，反正台灣看不到，香港的可以自行買報紙或上網。


「我冇揸槍指你入嚟！」
九記牛腩寸爆中環

【本報訊】飲食網站Openrice公佈本年度開飯熱店大賞，中環歌賦街九記牛腩連中三元，
囊括最優秀中西區店、最優秀粥粉麵店、以及累積300個好評大賞，人氣爆燈！老闆潘權
輝卻懶洋洋地說：「呢啲嘢（Openrice）我唔睇㗎喎！」牛腩雖然出名，未及老闆、夥記
的寸爆態度聞名全港。同街的牛記茶室被迫走，其他店舖亦面臨大幅加租，自置物業的九
記當然寸得起。外界盛傳潘老闆投資有道，腰纏萬貫，他也承認今時今日賣牛腩只為表演
，但懶理觀眾欣賞與否，「唔啱食你咪下次唔好嚟囉！」51歲的老馬火氣十足。　記者：
中環特工隊

九記牛腩麵每碗38元，淨牛腩更盛惠110大元，貴得令人咋舌，顧客卻甘願排長龍等食，
更吸引不少明星、名人光顧。店外經常泊滿靚車，店內掛滿老闆與名人合照，相中人包括
前特首曾蔭權、藝人周潤發、陳奕迅等；用錢也未必買得到的群星拱照，他卻偏偏掛在二
樓不當眼處。
「係佢哋要求同我影相，叫到咪影囉，有乜咁特別？曾蔭權之嘛……發哥唔同，係我要求
嘅！」哪個名人嘴巴最刁？「阿倫（譚詠麟）囉，對食有要求，佢唔鍾意食太瘦嘅。」潘
老闆說。

火爆老闆以前連客都打
網友對九記毀譽參半，讚美其食物質素之餘，也狂插其服務態度，就像一個成績優異但操
行惡劣的學生，潘權輝自辯：「網上乜人都有，你知唔知呀？有啲客好煩㗎！」自遊行攻
陷香港，作為知名食店，九記也無可避免要與強國人角力，「依家啲大陸人好無知，問我
雪碧係乜嘢嚟，汽水囉！乜嘢係朱古力喎，飲嗰啲呀，你叫我點答你？」
記者不吃牛，坐在這位牛腩專家面前，早有心理準備會被教訓一頓，「牛爽腩咪係牛坑腩
一部份囉，就係咁簡單，有幾複雜？即係有乜分別？我唔識有乜分別喎！」建議各位幫襯
前先做足功課。
某知名女食家上電視不點名批評九記，潘老闆也不點名開火還擊：「依家香港咁多所謂食
家，淨係識嗶哩巴啦，邊個唔講喇，出唔出名？我覺得佢冇乜料到囉，咁你都估唔到？嗶
哩巴啦嗰個呀！」
也有食客投訴牛腩太韌，不好吃，潘老闆也有話說：「你唔啱食，你咪下次唔好嚟囉，我
唔係揸住支槍指你入嚟，我鍾意食魚翅，你鍾意食燕窩，我吹得你脹咩？」
聲大大、寸寸貢，也許是食客對潘權輝的印象，「依家收咗火㗎喇，畀着舊時，打咗先算
啦，我啲客唔打得呀？你唔幫襯我會死呀？」毆打客人？「依家唔會喇，唔啱食呀？唔做
你生意。以前呢，媽完佢先趕佢走囉，梗係收錢啦，唔收錢你老豆開呀？」

惡死源自成長環境。60、70年代的香港，警察貪污成風，毒品問題無王管，「細個打下交
、開下片，以前呢條街好多道友喺度賣白粉，我同佢哋由細玩到大嘅！」當時他更闖出名
堂，「嗰陣有朵㗎，畀面就叫聲九哥囉！」慣在街頭打滾，走上歧途比做正行容易，他也
不諱言試過心生歹念，幸而懸崖勒馬，「因為阿媽，我唔想佢擔心」。
60多年前由潘父創立九記，以自己的乳名「阿九」命名，從鐵皮檔做起，毗鄰勝香園。孻
子潘權輝在30多年前接手，只因兄姊都拒絕承繼父業，「凡係做飲食都係厭惡性，又困身
又污漕，點解接手？窮囉！」1997年潘父身故，當時的鐵皮檔牌照不能世襲，潘權輝遂把
九記搬到對面的自置物業，即現時舖位。貴為老闆，火氣不減，訪問期間隨手在收銀櫃台
下抽出一根鐵通，記者登時儍了眼，「你估我呃你㗎？準備隨時開片㗎！」

「全世界清湯腩都學我」
日積月累的辛勞，害得雙手指節變形，左手更有骨刺，「頂咗兩年，痛到想跳樓，驚做咗
手術以後做唔到嘢！」終於還是捱了三刀去除骨刺，休息20天便回舖重掌大局，「你話我
蠢又得，話我堅持又得」。胼手胝足，只為保持食物質素；說到底，亡父留下的金漆招牌
，哪會不在乎？「用咗咁多心機努力，姑勿論啲人講嘅啱唔啱，自己都會唔開心，上一代
已經做落個名，唔想衰」。
外界傳聞，潘老闆早已腰纏萬貫，他對此守口如瓶，惟觀乎他早於20年前以百多萬元購入
現時舖位，就知他投資有道。同在歌賦街的牛記，因業主一句「冇特色」而被踢走，留下
的商戶則被大幅加租至逾10萬元，反觀九記早就可以舒舒服服等收租，「我依家志在表演
㗎咋，牙擦啲講，全世界清湯腩都係學我！」

記者請教其祖傳牛腩秘方，碰了一鼻子灰，「人哋買我秘方要一億，我無啦啦塞幾千萬落
你袋？邊有咁筍呀？」我苦苦哀求老闆傳授一點投資心得，「中人壽我賺好多㗎，幾多？
賺餐茶啦！」這餐茶要幾十萬？還是幾百萬？「嘿，金融風暴蝕到儍呀！負資產？梗係有
啦！做生意唔會好富貴，但贏面大！」今時今日，買磚頭贏面應該更大吧？「我做乜話你
聽？你又唔係我阿二，係就送層樓畀你啫！」


--
※ 發信站: 批踢踢實業坊(ptt.cc) 
◆ From: 203.198.139.246
推 POPPO:老闆好風趣  XD
推 rambutan:好巴閉啊 XDDD
推 wei72152:真係好好味啊。。。。。
推 drcula:雪碧係乜嘢嚟，汽水囉！乜嘢係朱古力喎，飲嗰啲呀
→ drcula:笑死我,哈哈哈哈哈
→ eveno:去這麼多次香港沒吃過，因為老闆想試試
推 lawguitar:真係好巴閉... 嗰限量既牛爽腩其實都只係麻麻哋..
推 lawguitar:蘋果日報既報導係呢度：  http://ppt.cc/Su6K
推 catsondbs:這間的態度真的還好 論口碑又在港島$38真的不算貴
→ catsondbs:我不覺得是驚為天人的好吃 但服務奇差跟貴也不太對