推 cloudcraft:好文 一整個洨了 12/25 00:36
推 errantknight:XD 12/25 01:25
原文來自往日情懷cp080122
最新一期291: 金鐘碎銅像
夜hill 落單比人4個圍佢1個，第一時間交腳閃人，可惜避得林生避
唔到風雷，風雷可能想一雞兩吃出盡冰火七重天以炮製紅燒火雞同
冰鮮雞兩味，同風雷硬碰一招後夜hill 噁足七兩血，呢個時候真正
為父報仇既林生當然唔放過乘人之危既機會啦！老江湖夜hill 仍未
死心妄想用說話套住聾苦們一眾爛仔，結果咪又係比一眾爛仔你一
言我一語玩多獲！夜hill 諗返佢地羅殺教以前捉到聾苦們班爛仔都
唔會玩得甘盡甘無江湖道義，一時悲從中來發爛渣疊埋心水臨死都
要搵多件替死鬼。可惜受過火燒冰鮮後已再無反撲之力，結果比手
執雙刀既林生先開肚再斬額，攪掂！冬至一於食火雞！
返回球場內逃兵持住有後援當然唔會瀉你邪神，一言不合再度開波！
逃兵對棍妖同老對老金，估唔到逃兵有返兩腳可以同棍妖打成均勢，
但同老就無運行大家都係柱等式中鋒球路相同比老金格食格完全食住
你，唔夠抽唔緊要，同老即時落order叫一眾南韓暴民衝擊老金，老金
當然唔會同你客氣內勁一震已經震死晒你班暴民。同性老死唔認輸谷
多野同頭槌攻門，老金大手一渣想渣爆你條粉腸，好彩係呢個危急關
頭同性老出秘密武器－－金蟬脫殼同頭甩毛！假髮一甩老金只可以渣
住執毛！
眼見南韓C隊潰不成軍，A隊金性老一伙人唔知訓過籠定係飛機失事
delay 又delay，再唔出場聽輸波所以聾苦們唯有派兩件硬野上場，風雷
同小聾仲非常之挑釁張先前食淨既火雞大餐夜hill 條屍兜口兜面定過去
比老金，日本三強見佢地甘冇家教竟然張食完食淨既殘骸當見面禮，
當堂雙眼噴火唔開波就假！
--
王飛鷹雖成名已久，但久疏練功，加上過於輕敵，
一招即被怒掃天庭插瞎雙眼。老貓燒鬚，有此戰果，並不意外。
殘暴的王小虎怒極拼盡，祭出電光毒龍鑽，誓將棍英拆皮煎骨。不料棍英一招
求敗不敗，避過腿招，同時硬生生擊碎王小虎雙膝. 棍勢妙到顛毫，不愧棍中英傑
美名。獵犬終需山中喪，王小虎雙腿被廢，即使不死，也難以再作惡。
--
※ 發信站: 批踢踢實業坊(ptt.cc)
◆ From: 61.230.122.248