hi~ 我係mody 呀~~
琴晚送舊收到學弟妹d 感言同埋靚靚的大卡
心入面充滿左無限的溫暖^^
首先呢, 梗係要多謝哂有份搞送舊的學弟妹
從網宣、DM、邀請卡(大推用秀麗字體寫"偉玲學姐",好親切XD)、小禮物等等
所有野都做得好合時, 睇得出你地對我地的用心
我地都會覺得今次送舊搞得好好、好開心、氣氛唔錯...
搞活動的用意都係想參與者覺得投入同埋開心
呢點我地絕對感受得到呀~~
本來冇帶住會收到任何野的心情黎到送舊
感言小卡片同埋靚靚大卡真係令我超surprise勁感動
估唔到你地仲記得我(落淚....)
話哂我今年都潛哂水, 好多活動撞正去哂旅行出席唔到
(連我好想去的義工行都撞正畢業禮, 好可惜....)
真係好慚愧呀~
回顧呢四年, 頭三年我都一直係港澳會入面打滾
大一做玩o個個,參加左好多活動, 識左好多人
大二做幹事, 知道活動背後的真相
大三做會長，知道港澳會背後的真相
三年黎向港澳會入面學左好多野, 成長左好多
好多野一開頭好無形, 但而家呢d 野已經產生影響
今年我做左港澳會潛水人士
一黎想做返真正學生(之前覺得自己黎台灣只係做兼職社團人)
二黎想體驗一下其他唔同ge 生活
比起其他大四, 雖然我忙得有d 唔係咁正常, 但好充實同埋多姿多采
至少最後一年我體驗到在台"讀書"的樂趣
如果要我俾學弟妹的勉勵話, um......
既然飄洋過海黎到台灣讀書, 多d 感受唔同的生活
試多d 未試過ge 野, 當係挑戰同埋磨練, 四年後會發覺不一樣的自己
而港澳會就係你地後盾, 係最能包容和溫暖的家
係呢度我最好的朋友都係港澳生(helena、cyn, uny, selena, 歐元, nathan,joco.....)
有咩唔開心都會同佢地講,同聲同氣係唔同d 架!
祝你地可以學業、社團、愛情都兼顧, 面面俱全!
仲有仲有, 希望下一年的送舊都搞得好warm 好開心
因為你地要面對ge係一班更瘋狂更熱血的學長姐XD
--
※ 發信站: 批踢踢實業坊(ptt.cc)
◆ From: 140.112.220.74