推 ysmsy:好棒=_=好想去上課 04/24 17:53
霆鋒成功有隱憂 怕壓爆囝囝
影帝謝霆鋒昨晚以「PO朝霆」CEO身份到香港科大商學院演講，並以流利英語與學生交流
，舉手投足凸顯CEO風采。他坦言擔心將來兩個寶貝仔Lucas及Quintus，要承受他及謝賢
「兩輩」的包袱，又揚言公司有能力拍攝「8D」版的電影！
謝霆鋒與拍檔合資搞電影及廣告製作公司「PO朝霆」，每年營業額逾億元！身為該公司
CEO的霆鋒昨晚獲邀擔任由「科大商學院企業案例研究中心」舉辦的「亞洲領袖講座系列
」首場講座的主講嘉賓，吸引約350名科大師生到場，部分未能入內的學生則在演講廳門
外等候。
下廚冧員工
演講未開始時，身穿西裝的霆鋒神情略為緊張，惟上台後則對答如流。霆鋒與3名學生以
訪談形式進行，之後有20分鐘台下自由發問時間，他以流利英語演講，介紹公司業務及創
業難處，期間播放霆鋒公司製作的作品、過往拍戲的驚險鏡頭，以及與員工去旅行的片段
。播到驚險鏡頭時，學生睇到嘩嘩聲，霆鋒則露出自豪笑容。
問到如何與員工相處？霆鋒說：「煮嘢畀佢哋食，同員工打成一片，賺到錢大家分，唔好
打擊佢哋，鼓勵創作！」他坦言開設公司初期，不想自己名氣與公司掛鈎，影響外界對公
司的看法，故過去多年他現身公司時，只表示前往錄音，表現相當低調，直到去年公司發
展成熟，他才公開CEO身份。有學生問到對公司前景，霆鋒自信地說：「過往冇咁多技術
，好多嘢都做唔到，但依家公司有能力拍到，就算係『鐵達尼號3D』都冇問題，只係未遇
到機會，中國有好多人才，就算將來拍『8D』版都冇問題！」
此外，科大校長陳繁昌亦是座上客，他表示曾看霆鋒雙親謝賢及狄波拉演出，亦留意到他
的成長，問到父母成就可有構成包袱？霆鋒說：「係有嘅，尤其係16、17歲時，好憎呢個
包袱，父母係出名影星，當時啲人話『呢個係謝賢個仔』，我好憎，後來漸漸成長，開始
明白要釋放怨氣！嚟緊我最擔心係兩個囝囝，佢哋承擔嘅壓力會係雙倍，因為自己喺內地
受歡迎，需承受『兩輩』嘅包袱！」
冇港腔英文
講座於8時15分結束，為時近1小時，霆鋒獲贈一份紀念品。至於有份出席講座的學生亦即
場影相並放上微博，還大讚霆鋒沒有「港腔英文」。講座結束後，霆鋒由保安護送下離開
，大批傳媒蜂擁而上。他亦企定定讓記者拍照，問到有傳楊冪曾敲他房門調情？霆鋒助手
表哥擋駕：「講番今日嘅嘢！」霆鋒則報以微笑，再追問有關緋聞時，他才說：「冇，除
咗工作地方以外，其他冇接觸！（佢敲你房門係咪傳言？）係，純粹傳言！」上車後便返
回金鐘寓所。而「PO朝霆」將於6月在北京開設新的製作室。
http://the-sun.on.cc/cnt/entertainment/20120420/00470_001.html
--
※ 發信站: 批踢踢實業坊(ptt.cc)
◆ From: 123.194.131.188