Re: [新聞] 消失的南島語言 頭目兒子都不學

[KILLER7 (七面殺手)]

我簡單表達一寡我 ê看法。

我佮tiuseensii兄有部分 ê想法是同感--ê，政府 ê文言文教育，
確實是無應該有遐大 ê課程比例，抑若準講，文言文所減少 ê部分
，是以北京話白話文 ê課程來共替代，若按呢生，我就無贊成減少
文言文 ê比例。文言文教育對臺語文 ê負面影響，並無遐大，對著
臺語文上介危險 ê影響--ê，是北京話白話文 ê教育。

文言文 ê教育，所學著--ê，佇咱實際 ê生活上，咱雖然會將這來
使用佇咱所講 ê北京話內底，咱透過運用文言文 ê文體佮語詞，予
咱佇北京話 ê使用上閣較減省，抑是講較有文學 ê氣味，毋閣，文
言文教育，咱並毋是學著一種新 ê語言，只是對咱 ê語文能力來講
，是一種「工具」爾爾。

仝款--ê，文言文教育，若是使用臺語來教，對咱 ê臺語文能力嘛
有真大 ê幫助，咱 ê臺語內底，有袂少 ê比例，嘛有文言文 ê色
水摻--著。除了講咱 ê先民，佇怹彼个以「漢學仔教育」為尊 ê久
遠歷史內，本底文言文就真有影響--矣，佇咱現代來講，咱透過歌仔
戲、布袋戲、傳統戲曲、儒/道/佛 ê經典……，嘛是繼續予咱 ê臺
語增加文言文 ê氣味。

我嘛希望文言文教育，應當將明、清時代臺灣文人 ê作品來作取用。
楊青矗先生所整理 ê「臺詩三百首」（一本三千偌…實在是貴甲…！）
，內底就有真濟水準誠懸 ê作品，比論講，陳永華、林占梅 ê詩文
作品，古今 ê文學界攏予怹真有夠水準 ê評論。

就算講是現主時 ê這个教育體制，學校 ê文言文攏是以北京話來教
--欸，但是，就算講是按呢生，文言文教育只要猶原佔甲遐大 ê額，
仝款--ê，北京話白話文所佔 ê額，佇學校 ê中文教育內抑就會較
少，北京話白話文咱若學閣較濟，咱就會對北京話 ê使用閣較依賴
[i-lai7]。

重點就佇遮--矣，對著支持臺語文教育，反對文言文教育 ê有志，我
共提出來講 ê這个鋩角[me5-kak]，會當予咱好好仔來思考。

未來 ê一工，我 ê將這个論點，文章來共好好仔整理--咧，會閣再
發表佇親像「台文戰線」、「首都詩報」……這類 ê雜誌、報紙上，
佮反對文言文教育 ê臺語文先輩來互相討論。

--
在我學過臺文 ê標準寫法了後，我決定自這馬開始，佇 Ptt 儘量攏用臺文來寫文章
佮推文。我寫是寫我 ê，你欲回啥物話攏無要緊，若有一字半句是你看毋捌[bat]--
ê，會使佮我講，我會閣解說予你捌，抑是用北京話閣寫一擺來予你知。
我所寫 ê臺文內底，佇臺羅 ê部份，因為 Ptt 頂懸無法度完全顯示臺語八音 ê調
號，所以我用「聲調方便版」，也著是阿拉伯數字 23578 來表示。
我所使用 ê臺文輸入法，是號作「信望愛台語客語輸入法」。 KILLER7 2010/11/14

--
※ 發信站: 批踢踢實業坊(ptt.cc)
◆ From: 223.141.126.228
推 painttt:目前會使用台語敎文言文个教師應該無夠...
推 saram:說來說去就是把文言文當成一種學習台語的工具.
我所表達 ê意思並毋是按呢，請毋通共我 ê意思想偏--去，文言文並毋
是一種學習台語 ê工具。我是講，若是接受過臺語文言文 ê教育，漢文
若較飽--ê，臺語會有較媠--ê文言氣味。

但是，這是愛徛佇臺語文言文教育 ê情況[hong2]之下，咧講這才有意義
，若無--者，啥攏免講，彼干焦是增加北京話中文 ê能力爾爾。
→ amatrrosivi:白話文課文改成台文課文~ 文言文當成台灣各族共通語言
這就是咱愛去拍拼 ê願景。
推 amatrrosivi:還有 是林"占"梅
推 painttt:也毋免一定愛有共通語...規定修兩種台灣語言就會使矣XD
→ tiuseensii:網路時代有遠距教學,有線上共筆,師資培訓其實不難
推 jack1082:推樓頂e5樓頂，有一寡歐洲e5國家就是按呢做
※ 編輯: KILLER7         來自: 223.141.126.228      (03/22 23:06)