愛 兒 墮 陷 阱 痛 在 慈 母 心
郭 媽 媽 給 仔 仔 的 信 吐 肺 腑 之 言
今 年 郭 富 城 不 幸 發 生 桃 色 影 帶 事 件 ， 但 此 事 並 未 對 他
造 成 太 大 沖 擊 ， 仍 然 贏 得 不 少 支 持 ， 他 的 母 親 、 經 理
人 小 美 、 偶 像 周 潤 發 、 好 友 黃 日 華 、 前 輩 何 麗 全 亦 道
出 他 們 眼 中 的 城 城 是 一 個 怎 樣 的 人 ？
阿 仔 ：
阿 媽 冇 你 咁 叻 仔 ， 唔 係 好 識 得 同 記 者 做 訪 問 ， 不 過 佢
叫 我 有 句 就 講 句 ， 用 阿 媽 點 樣 睇 個 仔 心 態 去 表 白 就 得
。
錄 影 帶 件 事 ， 我 知 道 你 心 入 面 一 定 好 煩 惱 、 好 唔 開 心
， 我 知 你 唔 想 我 操 心 ， 先 至 唔 同 我 講 ， 你 唔 講 我 亦 唔
敢 問 ， 怕 你 唔 開 心 ， 阿 媽 唔 係 好 識 ， 又 唔 知 點 幫 你 ，
惟 有 響 個 心 度 錫 你 ， 支 持 你 。
阿 媽 對 你 引 以 為 傲 ， 響 我 心 目 中 ， 無 論 你 幾 叻 幾 本 事
， 你 都 係 我 乖 仔 ， 你 又 要 唱 歌 又 要 拍 戲 ， 但 係 忙 極 都
會 探 我 ， 過 年 過 節 重 一 定 返 屋 企 陪 我 食 飯 ， 臨 走 重 會
錫 我 一 啖 ， 阿 媽 知 你 乖 ！
自 從 你 二 哥 死 之 後 ， 我 一 家 人 傷 心 好 一 段 時 間 ， 好 好
彩 係 我 一 家 人 更 加 錫 大 家 ， 而 你 重 生 性 過 以 前 ， 阿 媽
知 你 鍾 意 賽 車 ， 最 開 心 係 你 次 次 買 新 車 ， 都 一 定 好 開
心 咁 住 架 車 載 我 去 兜 風 ， 見 到 你 咁 開 心 ， 我 又 開 心 ，
唯 一 係 擔 心 你 開 快 車 ！
阿 媽 見 你 事 業 有 成 ， 梗 係 想 你 識 番 個 女 仔 成 家 立 室 ，
不 過 經 過 件 事 ， 阿 媽 知 你 會 更 加 謹 慎 ， 阿 仔 ， 順 其 自
然 啦 ！
28-12-99 阿 媽
（ 註 ： 郭 媽 媽 口 述 ， 記 者 筆 錄 ）
--------------------------------------------------------------------
件 事 令 佢 更 成 熟 – 黃 日 華 （ 沙 煲 兄 弟 ）
我 八 四 年 就 識 城 城 啦 ， 陣 我 入 行 四 年 ， 佢 就 做 舞 蹈 藝
員 ， 當 時 我 已 經 覺 得 呢 個 靚 仔 跳 舞 好 好 ， 響 班 新 人 中
好 突 出 ， 我 猛 叫 佢 轉 做 藝 員 ！
之 後 響 《 太 平 天 國 》 一 劇 扮 我 手 下 ， 《 成 吉 思 汗 》 又
合 作 ， 佢 份 人 做 唔 怕 蝕 底 ， 肯 捱 義 氣 ， 又 鍾 意 表 現 自
己 ， 所 以 好 適 合 做 藝 人 ， 拍 打 戲 唔 用 替 身 ， 又 捱 得 苦
， 有 時 重 幫 我 打 埋 都 制 ， 『 桃 色 影 帶 』 件 事 對 佢 有 冇
影 響 ？ 我 就 覺 得 只 會 令 到 佢 個 人 更 成 熟 ， 對 佢 反 而 係
好 事 ！ 係 個 好 考 驗 ！ 事 實 上 佢 家 咪 處 理 得 幾 好 ！
最 唔 好 係 心 腸 軟 – 小 美 （ 城 城 經 理 人 ）
佢 係 一 位 好 專 業 藝 人 ， 最 唔 好 係 心 腸 軟 ， 係 家 呢 個 時
候 ， 我 想 送 兩 句 話 佢 ， 就 係 無 懼 風 浪 ， 勇 於 承 擔 。
唔 識 講 惹 誤 會 – 何 麗 全
（ 無 線 電 視 製 作 部 助 理 總 監 ）
我 係 響 城 城 台 灣 走 紅 返 香 港 至 識 佢 ！ 但 都 叫 做 識 佢 好
多 年 ， 佢 個 人 做 乜 都 要 做 到 最 好 ，
坦 白 講 ， 佢 初 出 道 時 唱 歌 唔 係 咁 好 ， 佢 自 己 都 知 ， 所
以 佢 好 俾 心 機 練 歌 ， 跳 舞 係 佢 專 長 ， 但 佢 都 好 俾 心 機
去 跳 得 更 好 。
不 過 城 城 唔 係 咁 識 講 ， 所 以 有 時 俾 人 誤 會 ， 以 為 佢 好
Cool ， 其 實 佢 只 係 外 冷 內 熱 ， 佢 重 好 肯 幫 人 ！
佢 唔 好 彩 俾 人 害 – 周 潤 發
城 城 好 靚 仔 ， 舞 藝 超 群 ， 又 有 上 進 心 ， 舞 台 上 係 一 個
好 閃 耀 明 星 ， 雖 然 發 生 「 桃 色 影 帶 」 事 件 ， 但 相 信 佢
歌 迷 都 會 理 解 ！ 我 唔 覺 得 件 事 對 佢 有 任 何 影 響 ！
人 不 風 流 枉 少 年 ， 佢 單 身 ， 又 冇 女 朋 友 ， 咁 追 女 仔 好
正 常 ， 如 果 我 係 女 仔 ， 佢 咁 靚 仔 ， 我 都 佢 糖 啦 ！ 俾 人
設 個 局 裝 佢 ， 只 係 佢 唔 好 彩 ， 有 乜 咁 大 件 事 ！
--
※ 發信站: 批踢踢實業坊(ptt.cc)
◆ From: 218.167.71.169