▎作者▉ graff (aaron~~等你回來)                         ▎站內▉ AaronKwok   
▎標題▉ 「小親親」電影開鏡禮 - 第一篇                                        
▎時間▉ Thu Jan  6 02:09:37 2000                                       ˙˙˙
────────────────────────────────────ＣＩＡ

「小親親」電影開鏡禮 - 第一篇 (3/1)

千禧年第一套電影正式開鑼！

踏入千禧年，電影市道亦開始興旺，第一套搶閘開鏡的電影，正是由嘉禾
出品、UFO拍攝的＜小親親＞。為了隆重其事，戲中主角郭富城、陳慧琳、
曾志偉、宣萱及導演奚仲文等在一月三日下午舉行的開鏡儀式上，便全體
移師往黃大仙廟進行；市民為了親近明星，迅間便擠得神壇水洩不通，場
面竟然混亂得有如大時大節一樣?!

由於人潮實在太多， Kelly（陳慧琳洋名）在接受傳媒訪問時，便被迫退
在一角。她笑說：「估唔到黃大仙星期一都咁多人黎！我好耐無黎過呢度
，都估唔到咁旺。」

既然來到黃大仙廟進行電影開鏡禮， Kelly順道也有為自己祈福許願。她
笑說：「剛才我許左個身體健康願、順順利利願同埋心想事成願呀！」談
到這部電影＜小親親＞裡的角色， Kelly表示：「我飾演一個專欄作家，
為人都幾寸，幾多墨水，幾聰明架！」 Kelly入行的第一套電影＜仙樂飄
飄處處聞＞正是與郭富城合作，想不到在千禧年第一套開拍的港產片＜小
親親＞，兩人又將以情侶檔身份出現，都算很有緣呢！

郭富城三度愛上陳慧琳

鄭伊健與梁詠琪緣於拍電影日久生情，問郭富城與 Kelly會否擦出愛火花
？城仔笑說：「愛上 Kelly？我每次都愛上對手，拍完先至抽離番。拍戲
要用真感情，咁先有電影精神同埋帶到戲味出黎．．．。」對於三度與
Kelly發生「感情」，城仔則讚不絕口地說：「Kelly（演技）進步左好多
好多！佢本身巳經有台型，好有氣質。到第二次合作＜安娜馬德蓮那＞時
，Kelly在奚仲文指導下演得好"放，加上佢咁耐累積既經驗，相信今次我
地會擦出更大既火花!」

英文教師貼身拍戲

城仔在電影＜小親親＞的角色十分特別，他笑說：「戲裡面我雖然口多口
嗅，但希望可以可愛ｄ啦！」此外，城仔在拍攝期間，將有英文老師即場
指導。他解釋說：「因為戲裡我要講英文，所有會有英文老師跟住我拍。
我由呢家開始巳經practice（練習）英文，希望唔會俾人覺得好似背對白
。我希望演戲方面有突破，電影可以衝出亞洲。」難怪早前城仔前往戲院
欣賞周潤發的＜國王與我＞，他說：「我感覺發哥演得好好，英文講得好
自然架。身為亞洲演員，有需要講英文對白，我都希望講得好ｄ。」

城仔：「王晶做『雄霸』一定勁收！」

有傳聞指電影＜風雲＞續集將由黎明取代鄭伊健演聶風，而郭富城的步驚
雲角色將由古天樂接任。城仔聞言笑說：「幾好丫，咁我咪甩難囉；大家
以後唔駛問我咯！」對於黎明及古天樂這組合的配搭，城仔表示：「好難
去評價，係電影公司安排，（指傳媒）去問佢地既公司啦！不過由王晶去
做番『雄霸』就最好添！勁收－－－嘩，勁收呀！」
--
                              ══╬══  ╭═  ╭═    ╭  ╭══  ════╮
 ╭═╮╭═╮╠╯╭═╮╭═╮ ╭═╩═╮  ╠═╮╠═╮  ║  ╠══╮    ╭═╯
 ║  ║║  ║║  ║  ║║  ║ ╠═══╣  ║  ║    ║║║║║    ║    ╰╮
 ╰═╣╰═╣╰  ╰═╯╰  ╰ ╠═══╣  ╠═╣ ║ ║║║║╠══╣      ║
                              ╬═══╬╯║  ║    ║  ║  ║    ║      ║
      ☆ 郭  富  城  ☆       ╯      ╰  ╰═╯  ═╯  ╯  ╰══╯  ╰═╯
--
 ☆ Origin: 中央情報局 (cia.twbbs.org.tw) From: u1516b.dorm.ccu.edu.tw