2003-04-04
Sun Daily

候選人冀影帝頒哥哥表敬意
金像獎四天王唱《當年情》哀悼

憑《阿飛正傳》贏得影帝的張國榮，今年再憑遺作《異度空間》獲提名角逐
金像獎影帝，雖然影帝大熱人選落在《無間道》兩位主角劉德華及梁朝偉身
上，但梁朝偉及角逐最佳男配角的黃秋生，均希望大會不用投票，直接將影
帝殊榮頒給墮樓死亡的張國榮，以對哥哥致敬。大會負責人張同祖則強調，
影帝評分制度不會因哥哥逝世而更改，但頒獎禮當晚會邀四大天王獻唱哥哥
名曲《當年情》以悼念一代巨星。

張國榮在《異度空間》飾演的心理醫生一角，演技大獲好評，但在角逐影帝
中只屬半冷門，而金像獎獎項的票數已定，但黃秋生認為，哥哥在他的心目
中是一位工作認真的好演員，他在《異》片中演得出色，希望大會將影帝殊
榮直接頒予哥哥。他說：「發生咁傷痛o既 事，影帝個獎都無得再用理性去
講，只係想對佢一種致敬，好希望佢可以癦呢個獎，如果我有份角逐男主角
，我會同大會講不如唔好角逐，將個獎頒予哥哥。」

憑《無間道》角逐影帝的梁朝偉，認同黃秋生的想法：「我都想係咁！」梁
朝偉形容哥哥是他心目中敬重及欣賞的藝人，希望今年影帝獎項如「專業精
神獎」般不用角逐，直接頒給實至名歸的哥哥。

劉德華覺對張國榮不公

同樣憑《無間道》角逐影帝的劉德華則有不同意見：「其實呢個獎大家都有
五分一機會，哥哥根本就有實力去奪取，如果因為哥哥呢件事先頒個獎畀佢
，我反而覺得對佢唔公平。」至於憑《三更之回家》獲提名影帝的黎明，昨
透過經理人陳善之說：「依家唔想諗呢件事，因為對哥哥死o既 事實仍需要
時間去消化，根本無心情去諗其他。」

雖然張國榮能否再贏得影帝仍然未有結果，金像獎周日頒獎禮當晚，大會將
會邀四大天王劉德華、黎明、張學友及郭富城獻唱哥哥名曲《當年情》以表
懷念及致敬。港台助理廣播處長張文新又透露，頒獎禮內容將減少搞笑部分
並以莊重為主。他說：「我o地 希望重聚四大天王獻唱哥哥名曲《當年情》
，配合埋佢過往o既 得獎及電影製作片段以表懷念，呢個環節應該都係一至
兩首歌時間，但仲未決定放o係 前段定尾段。」