騎駿馬展雄圖繼續稱霸樂壇
劉德華鴻運當頭四年後娶妻
爆竹一聲除舊歲，劉德華祝願《太陽報》
讀者：馬運亨通、心想事成！本報邀請
堪輿學家蘇民峰、李丞責和區仲德批算
樂壇六位紅人的馬年運程，華仔不約而
同被看好可繼續稱霸樂壇，還被指四年
後娶妻期可待！
思想傳統的劉德華特別注重農曆新年，
昨日年三十晚他放假陪伴父母度歲，他
的新春習俗也不外乎年三十晚用碌柚葉
沖涼，然後穿上帶紅新衣寓意來年行好
運。華仔每逢初一、十五定必茹素，今
日年初一亦將品嘗媽媽特別為他炮製的
齋蘿蔔糕。
紅到七十八歲
堪輿學家蘇民峰為劉德華批算流年運程
時，直指華仔婚期可望 2006、2007 年
達成，還直指他的未來老婆：「啡啡頭
髮，係個勤儉持家o既女人！」
對此華仔只報以哈哈大笑，他說：「啡
啡頭髮？係咪鬼妹呀？睇o下佢準唔準？
我結婚定會公告天下！咁耐我都未搵過
相士睇相，不過年中就有過百相士免費
幫我算流年，都幾好笑呀！我唔會理，
至緊要問心無愧！」
另外，蘇民峰指華仔可以紅到七十八歲
，未來十年仍是大運高峰期，但最好主
力幕前發展，以免兼顧瓣數太多時吃力
不討好。
劉德華繼續有突破
蘇民峰：02 至 03 年係事業高峰年，今
年繼續有突破！
李丞責：華仔今年繼續稱霸！唯一要注意
係有暴敗星，切忌心急。
區仲德：華仔命格屬水，今年壬午年係水
火年，利出埠工作，成績比在香
港發展會更佳！
華仔祝願《太陽報》讀者馬運亨通、心想
事成！華仔善有善報，未來十年仍是大運
高峰期。
《嫁個有錢人》四日收 $460 萬繼續領先
三大賀歲片《嫁個有錢人》、《嚦咕嚦咕
新年財》及《天下無雙》正面交鋒，與同
期兩片上映早一天的《嫁》片依然一馬當
先，上映四日總收四百六十多萬，平均每
日有百多萬，《嚦》片上映三日收二百一
十萬，同是上映三日的《天下無雙》票房
有一百六十萬。
（刪除與華仔無關部份）
轉錄自二月十二日《太陽報》
--
▌ ▁▌ ▌▁ ▌|情報員標號: pc6-252.adsl.fetnet.net |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣