2002-01-06

東方日報: 十七歲唔靠樣靚

你o地唔好誤會喎，我o地個樣雖則唔算特別標青，但亦唔算差，都叫做靠得o下。不過
我o地呢隊新晉少女組合at17 ，成日都俾人o地o黎同Twins 比較，真係有o的悶。其實
，當初黃耀明搵我o地，係因為我o地鍾意音樂同埋彈結他，並唔係靠個樣o架！

攝影、撰文：何家明

走清新路線

記：你o地兩個係點樣認識o架？

at17 ：o係一個音樂比賽，我同佢咁o岩被編埋同一間化妝室。後來，Ellen 出場，發
覺佢彈結他彈得好好，大家仲有一種惺惺相惜o既感覺添。

記：點解人o地會叫你o地做民歌組合？

at17 ：呢個係誤會，因為我o地彈開Classic 結他，所以佢o地就以為我o地係唱民歌。


記：咁你o地隊組合會有乜o野風格呢？

at17 ：暫時都未定，可能係以清新、簡單o既音樂為主。不過，我o地其實各類型o既音
樂都喜歡，好似Hip Hop 、Jazz 、Rock 等。依家，我o地仲學緊跳Hip Hop 舞添。

最愛現場感覺

記：你o地對音樂有乜理想？（問十幾歲o既靚妹有乜理想，會唔會早得滯呢？）

at17 ：無呀，希望可以唱多o的現場啦，我o地好喜歡現場o既感覺！

記：黃耀明收得你o地做入室弟子，會唔會o係你o地創作o既時候，俾o左好多規條你o地
遵守？

at17 ：暫時都無喎，通常最多係我o地現場表演完畢，佢即時提點我o地要改進o既地方
。至於作曲o既時候，佢都係聽完我o地o既歌，再講番佢自己o既感覺。

記：咁你o地係點樣分工？

at17 ：都無乜話點分，邊個有靈感咪邊個作曲囉，事先唔會規定邊個要負責邊首歌。

記：幾時會正式推出作品？

at17 ：快啦，o黎緊o既《人山人海》專輯裏面，會收錄o左我o地一首歌《始終一天》
。遲o的，我o地仲會幫其他歌手作曲。