2003-07-29

蘋果日報: At17結他篇 暴風與搵笨中開始

　　找At17吹水跟講音樂感覺很不同。前者天花龍鳳瘋瘋癲癲嘈到拆天，後者認真專業
有見地有品味且有料到。剛跟千嬅合作完《龍爭虎鬥》，9月將於《原音2003樂隊比賽
》決賽中擔任嘉賓的她們，平時最愛竄上通利琴行試結他，一次閒閒o地玩個幾兩個鐘
，留低不少指模。

Eman的暴風

哥哥明明錫細妹，但總要扮型兇你一兇。10歲時Eman（林二汶）的哥哥一峰給她留下一
張紙及曲譜，叫她自己睇自己練，有問題才去問他。「其實我阿哥不是太有耐性教我，
問他的時候他會『咩呀？咪咁樣囉！（扮個想兜巴車埋去o既惡樣）』，我算是於『暴
風』下成長的！（爆笑！）」怪不得Eman也練得一手暴風指法，下下雄渾有勁，真的要
多謝阿哥！

Ellen搵笨半年

Ellen（盧海彤）9歲時玩爸爸的舊結他，12歲去旺角的「up dup」琴行學藝，「一個老
師對20個學生，很搵笨！不過都持續了半年。」12歲，被搵笨，正常！但後來認識了
Tomy，一個在圍內人間頗有盛名的結他高手，Ellen終於遇到良師，現在結他已成了她
的最拿手樂器，想再在這方面搵她笨？No Way！

我的至愛

Eman　一定要夠澎湃
心水品牌：Taylor　試音曲：《A Case Of You》
Eman 鍾情Classic款12弦木結他，音質一定要夠澎湃。一見到Taylor GSGW，「係你喇
！」就拿下來「澎湃」的彈了一段！不過在她心目中，最好的仍是6年前買的一支低質
素YAMAHA。「近兩年開o左聲，音質非常SOFT，有時我錄音都會用它呢！」

Ellen　唔要頂心頂肺
心水品牌：Gullb及Taylor　試音曲：Satellite一類
選結他，Ellen特別鍾情Gullb及Taylor兩個結他牌子：「每一支都幾乎係一份糧呀！不
過又真係一分錢一分貨鮋，無論音色同手感都比較好。」除了抱起來不「頂心頂肺」外
，音質方面就全憑個人感覺，想彈不同的音樂，要求的結他音質也不同，所以Ellen擁
有8支結他。其中一支就是她9歲時用的，爸爸的舊結他。

夢想之選

Ellen　Fender Jaguar靚
「呀~搵到喇！好靚呀！真係好靚呀~~！」攬住支Fender Jaguar 10/0800/805，Ellen
口水直流，手指由結他頭摸到結他尾，誰知下一句卻是「我鍾意佢靚咋！我未學識彈o
架！」渴望得到的，是靚靚Fender Jaguar；打算買的，則是用來製造其他音效的
Guitar Effects，「我已經有好多個結他了，所以比較需要買個Effects，玩玩音效。
」

Eman　Conga o岩我個性
呢個時候，原來Eman已經一馬當先跑了去玩她最愛的鼓。「如果可以買齊一套Conga（
非洲鼓）就好喇！我跟阿哥彈了多年結他，近年發現自己的性格跟音感打起Conga來更
適合。用手敲下去的感覺，震o架，好Feel o的嘛！」然而屋企空間不夠，公司就更加
窄，根本塞不下這麼一大套鼓，於是連兒童用鼓都不放過，先搬回家頂癮。