2003-08-08

蘋果日報: 食天山雪蓮一Fat不可收拾 at17 林二汶 跳Hip Hop 減30磅

組合at17成員林二汶，入行前體重達一百七十磅，兩年來她節食及積極跳hip hop，現
已成功減掉三十磅，但二汶表示不介意做肥妹，更表示多多錢也不會做瘦身代言人。

二人女子組合at17成員林二汶現年二十歲，身高近五呎三吋，她入行前的體重竟然重達
一百七十磅，不過在這兩年多以來，二汶減少食量，努力做運動，結果成功減去三十磅
。

「唔係我o個皮」

at17日前在又一城接受訪問，二汶強調自己多多錢也不會拍纖體廣告，她說：「呢樣唔
係我o個皮，我唔會評價人o地，但我o既事業唔係減肥，係唱好o的歌，瘦o的只係bonus
。」

二汶又大談其減肥經過，她說：「o個時我點解會咁肥？因為每日都等食，我好鍾意食o
野，有段時間媽咪用全脂奶整天山雪蓮畀我食，我一個月就肥o左十磅，之後重一發不
可收拾，但我減肥唔係為o左靚，係想健康o的，因為o個時我覺得自己除o左食之外，生
活好空洞，就跟阿妹（另一成員盧凱彤）學跳hip hop，又跑o下步，將食量減少，慢慢
就開始瘦番o的囉！」

肥得有自信

二汶最肥的時候也沒有自卑，她說：「肥有乜o野問題呢？以為瘦o左會變張曼玉咩？咁
我勸你唔使減啦，只要個人有自信，你就係最靚o的啦！」

而盧凱彤與二汶相識三年來，從未勸過對方減肥，她說：「我又唔會因為佢肥而唔同佢
做朋友，我唔覺得瘦就一定會好睇o的，二汶以前肥得好得意，戴副大眼鏡，好可愛o架
！」

採訪：朱芷瑩　攝影：何國豪