2002-02-06

壹本便利: 中大電台創作Show　一峰二汶Ketchup傾力演出

雖然中大校園電台已經成立o左3年，但今次係第一次搞大型節目「好好腦人普普Show」
。節目名咁難明o既？原來「腦人」係解有腦o既人，「普普」係popular咁解！同學本
來係想俾中大玩創作o既同學一個公開表演o既機會，但結果反應麻麻，最後主辦單位搵
o左4個本地創作單位表演：樂隊成員林一峰及林二汶、樂隊Ketchup、「友好戲體」劇
團o既表演，果然係得個聽字！一峰二汶歌聲繞樑三日大家可能對林一峰、林二汶o既名
字比較陌生，但你一定聽過「3P」同「At 17」o掛？無錯，「3P」係由少爺占、茜利妹
同林一峰組成o既樂隊！而「At 17」就係黃耀明o既「人山人海」新加入的一隊二人女
子組合，由19歲林二汶同15歲o既盧凱彤組成，大家呢排成日o係收音機聽到o既《始終
一天》咪係「At 17」唱囉！當晚一峰二汶用結他伴奏唱o左5首歌，兩兄妹o既歌聲非常
動聽，同學們都聽出耳油，不過亦有唔少同學話個show好悶。