這次的演唱會只有一場,舉行的場地十分之rock,係係係德機場的飛機庫。當我係下午
去到機場時,已經有近千人在排隊.到0左六點左右可以進入場地,由於場地係飛機庫，
所以周圍都係鐵皮,近台的地方仲有鐵皮蓋的,而離場較遠的地方則係露天,而且這次
演唱會的形式係企位的形式,所以感覺十分之 rock 同 feel.

　當入到場後,幸好我比較早去到,所以能夠在舞台的前排,大家都坐在地上等侍,而舞
台上的大營幕上周不時播出一些Beyond的MTV.到了八時到,warm up band 出場,第一
隊係 virus ,由於他們係玩英文的迷幻音樂,所以觀眾的反應並不是太好,台下周不時
傳出「收皮」等.....而第二隊係 Tat Flip, 他們玩出 <<塞塞塞>>, <<0下! 講乜0野
話>> 等五首作品後,全場氣氛十分之高脹。當 Tat Flip  離場後，由於場內迫得好勁
,仲有人爬上近三層樓的燈架,所以大會要求維持好xx,演唱會才會開始。

　到了九點度, Beyond 坐軍車出場,家強著上一件背心，露出他右手上的紋身，在台
上還有彈結他的阿賢同Keyboard 的遠仔 (劉志遠).當Beyond 上到台上後，二話不說
便玩出 <<教壞細路>> 同 <<缺口>>.跟住就係新歌 <<蚊>>,家強既Bass好正,跟住仲
有<<時日無多>> 、<<太完美 >> 、<<討厭>>等，係家強唱完<<預備>>時，而經有
不少站在前排的女仔頂唔住，要改到站在較後的位置。。

  跟住出現的，竟是估都估不到的 <<昔日舞曲>>，由於從末唸過家強會唱出
<<昔日舞曲>>，所以十分至感動。接住的還意想不到，當家強唱完 <<昔日舞曲>>後，
傳來的鋼琴聲，竟然是<<舊日的足跡>>，那心情是.......

感動過後,出現的有阿Paul強勁結他的<<扯火>>，沒有了電氣的<<無事無事>>、<<拜>>
、<<打不死>>、<<管我>>更形霸道，而在唱<<管我>>的同時,熒幕上還搞笑地出現
毛澤東。世榮的 <<Love>> 小了 Live & Basic 式的長 Solo, 而阿Paul 的長Solo
則出現在<<夜長夢多>>身上。

阿Paul 既<<霧>>同家強的<<喜歡一個人>>並不比album 失色。到了最後出了家強的
<<犧牲>>，大量Keyboard 的<<不見不散>>。到了最後一首歌了，傳出來的鋼琴聲，
是<<海闊天空>>，全場近一萬二千人一齊大合唱，與此日時，神奇的事情出現了，
天上竟然降下雪來，場面十分令人感動，我還見到有一些女仔哭了出來。

當<<海闊天空>>過後,演唱會正式結束。



來源：630吉他網


家強rehearsal講過"仲係度等?個show完o左lu走啦bye bye"!!"
開show之後,
佢仲同我地講"你知唔知我係度望落去呢...好犀利呀!多謝你地黎到依度!多謝晒你地!"
(緊係犀利啦!我成二萬人係度喎)
encore個時,家強都講左一d說話令我幾感動既說話!
佢問"有邊個係一路跟左beyond十六年?"(跟住差唔多全部人都舉手,
雖然我無十六年咁多,我都有舉呀)
家強就笑住話"全部都係?唔係既!都好多喎!你知我地依十六年黎對音樂有
好多理想,行左好多路,亦都得到好多人的支持,得到你地既支持(全場拍手,
有d人嗌"唔好喊呀"!)
"本應好難行的路,因為你地,我地覺得易行左好多"(全場又拍手)
"你知我地而家呢..."(突然奏起海闊天空,全場拍手,大叫,之後家強無再講落去了,就開
始唱歌)
我到而家都想知道家強當時係想講d乜,如果唔係突然起左隻歌,就唔會截住家強講野啦!


文：karen