貫徹此中
文：黃貫中
三分鐘
三分鐘可做o的乜？擦個牙、沖熟碗杯麵－（未包括食）、吸半口煙、由地下搭電梯到
公司......又或者係聽一首歌。
入行至今，心中一直有一個疑問：一首流行歌或音樂，三至五分鐘真的足夠嗎？
又或者是否這就是界定流行音樂與古典或統稱另類音樂的標準嗎？
我已經無數次在公司會議上聽到：（太長了、太長了。或者：可否把吉他 Solo縮短一
點？又或者：前奏太長了，早o的入唱可以嗎？）
可以，當然可以，（唔唱都可以）－心諗，真係可悲，我o地人真係忙到咁？當然好的
音樂不在乎長短，但總不能太短吧！
音樂是人類精神靈魂的食糧，我要你三分鐘食完餐飯，幾好食都冇味啦！中國人古語話
食得太快是命賤的，唔知聽音樂係咪一樣？我o地犯賤，鍾意將o的古仔講到好短，唔想
諗咁多，唔想o徒時間！三分鐘真係連過海隧都唔夠時間。
對於我o黎講，音樂是講情趣，我們做音樂o既人，就好似一個廚師，眼看著客人一口便
把我的精心炮製灌入肚裡的感覺，實在不好受。須知道咀嚼纔會有味道，下下要一口吞，
又唔俾我o地o的廚師做前菜，一o黎就要飽，重邊有情趣？對於一心想話做個好廚師o既
人，真係好大打擊！就算對於作為一個食客o既人，好好地坐低食一餐總比去快餐店食
好吧！好啦！唔講喇！我約o左人o係老「麥」！
paul wong