口白：

咁跟住落黎呢隻歌呢　可能係今晚演唱會既最後一隻歌

咁樣呢隻歌就呢就未試過正式係演唱既　咁唱俾大家聽

咁唱呢隻歌我地就諗起我地係日本錄音果陣時既感覺

今日其實我地走到去咁遠錄音　其實都希望好多　即係為左好多既野

希望可以為我地既樂...香港樂壇或者樂隊係出面爭光

可以做D為呢個香港樂壇有貢獻既野　咁但係我地數黎數去呢

我地點解有咁既衝動或者勇氣可以走到咁遠　去...發表我地既音樂

面對外面一D大家都知道好有水準既樂手

或者同埋一D好...好...難打入既市場裏面　最重要都係因為

我地係香港裏面有一班好支持我地既歌迷　我地可以咁大膽去到咁遠

同果邊既人 o者係爭一日長短　完全都係因為 我地係香港有一班

好似你地咁好既歌迷係背後支持我地　成日都有日問我地

真係架...有人問我地點解　嘩 你地去到咁遠 你怕唔怕呀?

咁邊D人好勁呀嘩　我真係驚架 我好驚架其實

o者係 你知日本仔好厲害架　咁呀... 有一樣野好感動既就係

我地係日本果時錄緊音果時呢　有好多香港既fans寄左好多禮物呀

果D o者係好多手信呀 寄俾我地　o者係其實我地心入面係度諗緊

所以有好多fans驚我地話去左日本唔返黎

其實我地點會唔...點會唔返黎o者　跟本我地冇可能唔捨...跟本我地唔捨得你地既

最大既問題就係 唔止唔捨得你地呀　我地能夠可以去到日本發展

或者我地可以有咁既勇氣去日本發展　都係因為你地一路咁支持我地

係咪?　所以你地放心　無論去到幾遠幾遠　最後我地都係返番黎呢度既

最後最後我地都係代表香港既樂隊　帶俾大家既新歌 歌名叫做遙望

     ＜遙望＞

曲.詞: 黃家駒

仍是雨夜  凝望窗外  沉默的天際
問蒼天  可會知  心裡的感覺

隨著歲月  無盡愛念  藏在於心裡
像冰封的眼光  失去了方向

讓雨點輕輕的灑過  強把憂鬱再掩蓋
像碎星閃閃於天空叫喚妳

遙望盼望  能像清風  陪伴她飄去
讓孤單的臂彎  一再抱緊妳

回望往日  如霧似夢  無奈的輕嘆
是她的歡笑聲  風似輕吹過

每天多麼多麼的需要
永遠與妳抱擁著  忘掉世間一切痛苦悲哀

縱使分開分開多麼遠
也會聽到妳呼喚  期待我這再一生會妳