口白：
O拿 係呢度呢 同大家講少少o野 靜D得唔得？
真係靜果喎 O拿 你知唔知呢 而家你o地呢
湧o西出o黎個台前邊果度呢 咁就可能做成一D破壞o既
咁呢 同埋我講緊野果陣時呢 就唔該你地靜少少聽我講野得唔得？
得唔得呀？ 咁呀 殊～～ 咁呢 係呢個時候呢 咁呢我就好開心
可以有機會呢再係香港同大家唱歌o架
同埋我o地一班Fans支持我o地o既朋友一齊唱歌
但係我希望係呢個時候同大家講少少o野 喂 我講少少o野 得唔得呀？
係咪唔聽先？聽就唔好叫住 嗌住
o下! 大家尊重大家好唔好？大家聽話呀o下
咁呢 咁我見到好多其他o既 又叫啦! 又叫啦!
一陣間有排你叫呀！我講完o野先好唔好？
咁呢我希望大家可以好守秩序咁去好開心咁聽音樂
但係呢 而家o既情況呢 就因為呢 如果你地咁樣企出黎呢
我唔係話唔俾你地企 你地可以企係度 但係唔好湧出台前 好唔好
企番係你原裝既位置 盡情咁開心 盡情咁跳 盡情咁高叫
但係我希望你地企番係原裝既位置裏面
paul:但係唔好企係苐上面喎 但係唔好企係苐上面
同埋 我地可以玩得好開心 好放 但係而家咁既情形呢
就會因為我驚你地會整傷整親大家架
我驚... 我地希望我地既歌迷呀
我地既fans 我地beyond既fans 係有秩序咁去瘋狂
有秩序咁去 用身體用感情去享受我地既音樂 好唔好?
o拿 而家乖乖地 番番你原本個座位 o拿 唔好打交呀下
番番原本個座位 企番係你頭先應該企既地方
企係度可以 但係唔好湧出台前邊喇 因為呢 我亦都唔想呢
D實Q既哥哥呢 用好大力咁去推你既或者整親你地
因為我係唔想見到呢D情形出現 Paul: 快D快D快D番埋位
o拿 你地唔番去你地個座位我就唔彈既
Wing: 聽話啦 好唔好? 好唔好? o拿 我唔知呀下
我講左我要講既野架喇下 如果你地係支持我既 支持beyond既
paul: 企係自己個位度 番番你地個座位度 企番係個位置裏面
其實你地企係度聽歌一樣可以好高興 我知道 我知道即係前面係好開心好過癮既
但係 我地要習慣下 一個好有系統 好有規律咁去聽音樂既演唱會
我唔希望每一次俾人地去攻擊 都話beyond既fans 百厭呀 曳呀 破壞呀
我唔希望再聽到呢D野 我希望見到你地係
一班好有秩序 好有規律既朋友 嘩 D煙攪到睇唔到呀
照下D觀眾先 等佢番番座位先 我睇唔到呀我
有冇番到去呀? 我冇辦法睇到呀 同埋我希望呢
我希望 o者係係呢度同大家講聲 我覺得一個演唱會裏面好放
好高興好開心咁去聽音樂係好岩既 係好開心既
但係呢 我希望呢 亦都係希望你地可以係 聽緊歌或者係我講緊野既時候呢
希望盡量可以既話 唔好同我鬥大聲
fans: 阿榮!!! 好 嗌阿榮果幾個上黎...
o拿 你地而家呢個時候可以企番係你地自己個座位度
但係千祈唔好湧出黎 我希望可以見到你地係可以好高興 好齊整
好齊整咁去聽 一齊做一D好有...好秩序 好偉大既表達方式
而唔係一團糟咁 亂晒坑咁 企晒出黎
bing ling boom 霖 bing ling boom 霖咁 我唔想見到呢D情況
你地可以企番係你地個座位果度 好開心咁去聽
其實你地明唔明我既意思先? 點解我會同你地講呢D說話
如果平時普通既演唱會我唔會講 因為我知道 今晚每一個黎既
都係我地既fans 都係支持我地 由好耐好耐之前一直支持我地到今日既
係咪呀? 所以我會同你地講呢D說話
o拿 你地而家呢 可以企番係你地原裝既位置果度
可以企係度 但係企係原裝既位置 好唔好? 好唔好?咦 D 燈既?
睇睇D人點樣呀我 唔使成日照住我架 開光D個場丫
我想見下我地D fans呀 我想睇真D我地D fans呀
其實你地好可愛既 你知唔知呀? 但係呢 要經過一D既安排 一D既訓練
咁你地就更可愛喇 我希望我地beyond既fans 係全香港所有既fans裏邊
最top 最精彩 最有秩序 最於 最有power既fans 明唔明我意思呀?
我地可以好瘋狂好瘋狂咁玩 但係千祈唔好亂 ok!
＜半斤八兩 ＞
我地呢班打工仔 通街走糴直頭係壞腸胃
搵o個些少到月底點夠洗(奀過鬼) 確係認真濕滯
最弊波士郁o的發威(癲過雞) 一味o係處係唔係亂o黎吠
o翕親加薪塊面挪起惡睇(扭下計) 你就認真開胃
(半斤八兩) 做到隻積咁o既樣
(半斤八兩) 濕水炮仗點會響
(半斤八兩) 夠薑呀楂槍走去搶
出o左半斤力 想話羅番足八兩 家陣惡搵食
邊有半斤八兩咁理想 (吹漲) 我地呢班打工仔
一生一世為錢幣做奴隸 o個種辛苦折墮講出嚇鬼(死俾你睇)
咪話冇乜所謂
(半斤八兩) 做到隻積咁o既樣
(半斤八兩) 濕水炮仗點會響
(半斤八兩) 夠薑呀楂槍走去搶
出o左半斤力 想話羅番足八兩 家陣惡搵食
邊有半斤八兩咁理想 (吹漲)
(半斤八兩) 就算有福都冇你享
(半斤八兩) 仲慘過滾水淥豬腸
(半斤八兩) 雞碎咁多都要啄
出o左半斤力 想話羅番足八兩 家陣惡搵食
邊有半斤八兩咁理想 (吹漲)
半斤八兩 半斤八兩～～～～～～