１９９１年７月 ＜Ｂｅｙｏｎｄ放暑假１～１２輯＞
主持人：Ｂｅｙｏｎｄ
片頭歌曲：高溫派對
每一輯有不同的特別來賓及回答觀眾信件
也會跟特別來賓演娛樂短劇
回答觀眾信件也是以輕鬆短劇演出
有時也會上街頭等.....
每一輯都會播放Beyond不同的MTV
--------------------------------------------
以下文章來自音樂論壇，部分是我ＰＯ的。
1)關淑怡做嘉賓個集，家強教Bass，一出場便教如何掃"cord"，但沒有道具，剛巧
家駒咬著香口膠步至，家強：「唉!0岩la!欏黎!」伸出拇指向家駒，家駒：
「真係？」(疑惑)，家強：「係ar~快Dla~」家駒吐出粉紅色的香口膠，粘在家強
拇指上，此時二人看著呢'pet'香口膠，傾時苦笑，(家強仲「咦~」0左一聲tim,
因為舊野都幾嘔心)並產生dead air~~(當時二人的表情真係好正~~)
2) 黃翔個集，Beyond信箱一段：(忘記了內容)，只記得世榮說了一句叫人裸泳之類
的話題，家強立即反駁世榮：「哇！裸泳犯法ga~」世榮：(不甘示弱)「你裸泳就
犯法~~~」家強：(大聲高呼)「你裸泳唔犯法ar?」
(但當時二人卻坐在後排，二人大聲的爭吵使原在讀信的家駒失去了發言機會)
Beyond信箱中，讀者Jimmy來信，問如何令女朋友不會離開自己，此時世榮第一個發
言：(鄒眉，面上流露說教的表情)「Jimmy，飛0左佢la~」，三人齊喝倒彩，阿Paul
更用手上的鼓棍(好似係鼓棍)督住世榮個頭：「你咁冇建設性0架!!!」阿Paul望回
鏡頭：「計我話，用個籠Lup住佢，包保飛唔甩ar~~」，家強：(望著阿Paul，表情
十分正經)「唔得~~~」(望回鏡頭，嚴肅，乾脆地)「殺0左佢!!!」，三人更大聲地
喝倒彩，阿Paul再用鼓棍督住家強高呼：「你都ngu ga~~」(sorry!!!唔知ngu點解，
只知阿Paul發0左呢個音)。最後都係由家駒施計(因為是一段片，所以不能翻譯，但
家駒計策則是以連珠砲發式不停寄郵件及phone call女朋友，不過呢條計都同其他三
人一樣-----都係廢)。
有一集講佢地過左去澳門追女仔(好似係追女仔ja)咁就播左隻是錯也再不分架, ꄊ段片完0左，家強仲「灘」0左係度食杏仁餅tim~~~家駒同阿Paul仲話佢掛住食野，
家強：(愕然)「唔食野有咩做呀?」(笑)
仲有Beyond分開走番街頭，試下有冇人認識佢地，家駒企左欄杆邊有個老伯問：
"咦？你係唔係Beyond架！真係靚仔"（好似咁講忘左喎）
仲有一個女Fans認出家駒，要家駒簽名
家駒問要簽邊喥？呢個女Fans伸出手，
家駒：真係簽？你唔洗手？
女Fans：唔洗手！
家駒又話：真係唔洗手？
女Fans：真係唔洗手！
阿PAUL當街頭畫家～！
家強好似裝問路～？
世榮好慘喎～！冇人認左佢，佢都講出
佢係Beyond既鼓手，Ｄ人仲懷疑.....
某集，家駒教彈結他個part(家強與世榮在旁)，曾經說過如何能長時間但又能不騷
擾他人地練結他，其建議是在右手(左撇子除外)畫滿結他手'ban'符號(當時以家強
做示範，家強表情得戚到極)，咁就可以如家駒所說：「日又練，夜又練，隨時咁練」
，唔知有冇人真係會咁做？
其後家駒更示範如何掃'cord'，彈了'真的愛你'(個part好好feel呢，三人唱得十分
陶醉)但正當三人唱到合晒眼時，阿Paul突然衝左出黎：(興奮)「喂！你地仲係度唱
乜野呀？果邊有純情學生妹睇呀~~~」(指向遠方)，三人立刻高呼：「哇~~~」並跟住
阿Paul衝離場了。(最好笑係家駒起先對手上結他寵愛有加，一直抱著唔放，但一聽到
有純情學生妹，就立刻掉底結他走人...其當時既神情真係好好抵死)
講開純情學生妹，其實個part係介紹一D較有特色既中學校服，其中家駒話最鍾意旗袍
，所以影0左D女生穿旗袍返學的片段(唔知乜學校，件旗袍比真光果套更藍)；世榮就
鐘意心口有4粒鈕果套(玫瑰崗？St.Clarie's？)；阿Paul就鐘意水手裝(上藍下白)；
家強好似話鐘意多摺裙，裙上係梅花間竹有紅色或籃色布料(不敢肯定)；此外又介紹
0左一套粉綠色既連身校服(又係唔知乜學校)，家駒話呢套校服好切合環保，但阿Paul
卻話似幼稚園D校服...(阿Paul講呢句好衰)
想回應番最初關於Beyond去澳門個part，結尾係播"相依的心"，話阿Paul同世榮爭女，
三人去到沙灘旁的露天茶座，阿Paul叫世榮幫佢同女友影相，世榮便只影女友不影
阿Paul；其後阿Paul'點'0左世榮去買野飲，世榮剩係買0左自己同女友個杯，但返回
茶座時卻見二人走0左去沙灘漫步，阿Paul仲好寸咁向世榮揮手，世榮見狀立即放下飲
品走去沙灘，去到了又發現二人已回到茶座，阿Paul仲飲埋世榮杯野添！鏡頭一轉，
三人已在大街上行，女友在中間(此時正播到"相依的心"副歌)，二人為了洩憤，不停
在女友身後單手打架，一不小心便把女友推倒地上，女友：(生氣)「咦~整到污糟躐
蹋~你地兩個呀~以後都唔好再黎搵我呀！」(打了二人一巴掌)
注：整個過程都係播緊"相依的心"
今次講家強極秘密檔案，話說係關淑怡做嘉賓個集"Beyond放暑假"，Beyond分享了自
己一D童年回憶，家強話自己以前係電子工場做暑期工，由於時間長，又要集中看微型
的電子零件，所以搞到對眼成千度近視，此時坐在身旁的阿Paul問：「咁你睇唔睇到
我？」 家強：(眯起眼)「你係咪XX？(陌生的名字，忘記了)」
阿Paul：「唔係呀~我係XX(又一陌生名字)」
家強：「係咩？乜唔係XX(再一陌生名字)」(此時關淑怡已在大笑)
及後家強又話係啤機廠做過暑期工：「個度有個高速啤機，有次我俾呢個高速啤機"啤"
親個籮柚(把籮柚向住鏡頭)，搞到赤赤痛呀~~宜家仲痛緊呀~~」(古惑的眾人立刻靠近
打算研究家強既籮柚，家強邊避邊笑)家駒：「你地咪聽佢亂"up"啦...」
講開2擇1，我都記得有集有位男仕來信問如何在兩姊妹中決擇，家姐溫文爾雅，細妹
活潑開朗，世榮同阿Paul各自選了1位，而家強則認為要做測試---短片：家強與兩姊
妹站在碼頭看海，突然雙手一推，把兩姊妹推落海，正當兩姊妹齊叫"家強！救我呀！
家強..."家強便須作出決擇"究竟我鐘意邊個多D呢？家姐？...細妹？...(靈機一觸)
我都係鐘意家姐多D..."(按住鼻子跳落海)
鏡頭一轉，Beyond4子十分滿意呢條"穚"，家強補充："但你用呢條'穚'之前，首先要
肯定佢地兩姊妹係唔識游水先得wor！"
仲有一集好似係最後一集，Beyond答覆某信件：個女識佐兩兄弟，佢不知邊個鍾意佢
，諗問下點知。
家強話：試下邊個對你好，一定係細佬好Ｄ。
家駒就話：大哥好Ｄ
家強：細佬好Ｄ
家駒：大哥好Ｄ
進短劇～
短劇女主角好似係Vivian（我唔識的佢）兄弟係世榮同阿PAUL（唔知邊個演弟弟）
三個齊坐椅子上，
女：你地鍾唔鍾意女仔頭髮短Ｄ呀！ （佢係短髮）
阿PAUL：（點頭）係呀！鍾意喎！
世榮：（搖頭）嗯...唔鍾意！
女：你地鍾唔鍾意女仔眼睛大大Ｄ呀！
阿PAUL：（又點頭）係呀係呀！鍾意！
世榮：（又搖頭）嗯！唔鍾意！
女：你地鍾唔鍾意女仔既聲嗲Ｄ呀！
阿PAUL：（猛點頭）係呀！好鍾意喎！
世榮：（猛搖頭）唔鍾意！哇..你問Ｄ都好似你既樣～唔聊囉～我同朋友約好走先～！
阿PAUL問女：我地一同睇戲好嗎？ （手挽手走）
一次，有男仕來信問如何親近女朋友而又不被女友煩厭的母親阻手阻腳：
(短片)女友與母親在公園散步(母親又在教女兒做人的道理)，阿Paul與世榮在後方
比手畫腳，原因為阿Paul要世榮把手上的球拋向女友母親處，世榮不依，阿Paul立
即奪了世榮的球，拋向女友母親，母親中了波餅，阿Paul便抽著世榮衣領上前，
阿Paul：(正氣凜然)「Auntie，我睇到係呢個細路用波掟你架！」(作狀打世榮)
女友母親：「宜家D細路真係...阿女呀~小心D宜家D靚仔ar...」
阿Paul附和，一腳踢走世榮...
女友：「阿媽不如你返去先la！」
女友母親：「咁你小心D la！(望望阿Paul)見係你我就放心D...」(離開)
阿Paul：「不如我地去睇戲lor~」
手牽手離開...(短片完畢)
阿Paul：「0拿...呢條好"穚"黎ga~」
世榮：「哇~~咁做你個Friend咪要好抵得諗？」
阿Paul啞口無言...
當時係余慕蓮做女友母親架~~~
好痛苦咁絞盡腦汁，終於記起仲有一幕非常搞笑ga~~~
話說4人坐在梳發上食薯條，家強則做CM(sorry，忘記了家強講D內容)，家強奈心地
對著鏡頭說話，3人則不停在家強面前交換手中薯條(桌上也放滿M記的袋,他們也不時
搜刮)，家強拍拍世榮：「喂！你講la~」世榮：(顧住薯條)「你講la~」由於顧著說話
，家強未有時間吃手中那盒薯條，此時吃著漢堡飽的阿Paul強搶家強的薯條，家強已按
捺不住：「喂！你地講啦跟住！」(想奪回薯條)阿Paul：(避開家強的偷襲)「你講la~
你講開ma~~~」家強唯有繼續講，3人仍然顧住食薯條，還不時討論薯條問題。
終於，家強愈講愈怒，望望3人：(自言自語)「食晒我D野架...」(站起憤怒地大喝)
「唉！我唔做la~~走la...」，3人此時方抬起頭，家駒：「喂！咪咁小氣la~~俾條你
食la...」(拿起一條薯條拋向家強)家強：(非常憤怒)「唔食ar~~走ar~~」(走出鏡頭)
，3人呆呆看著，齊聲：「唉！唔好理佢la...我地繼續la...」3人又再搜刮桌上M記紙
袋，穩若聽到其中1人說：「哇！D薯條臭ga...」(fade out)