２００４年９月２３日－【墨斗先生】

電影公司：  東方電影有限公司
出 品 人 :  黃百鳴，陳志強
監 製 :   黃潔芳
導 演 :   雷宇揚
演 員 :   陳小春．杜汶澤．三人Beyond．蔣怡．盧淑儀．羅家英．劉以達．
          張達明．黃真真．詹瑞文．梁繼璋．谷德昭．梁榮忠

內容：

由陳小春，杜汶澤傾力主演，雷宇揚親自手執導演筒的墨斗先生將於23/9（星期四）
正式上映！

當日日成千上萬人都在用不同方法過海時，大家有無想過身無分文時過海有幾難？
問墨斗就知啦！

今次雷宇揚從影以來首次執導，一大班好朋友亦鼎力支持，演員陣容強勁，爆笑位長開
長有，Beyond阿Paul扮賊，精神分裂又騎呢，世榮扮小春公司是非精維肖維妙，家強扮
巴士司機更面矇心精，有人搭霸王車一定逃不過他的法眼！

最慘莫過於小春，不但犧牲色相，露腰露背，無錢過海仲要周街跑，見錢就追，真係屋
漏更兼蓬夜雨．．．

飾演警察的阿澤，大熱天時穿著警察制服，又駝槍又配警棍，都咪話唔辛苦！

劉以達更將他的爆笑演技發揮得淋漓盡致！飾演一個扮盲的乞兒，小春走投無路，連乞
兒錢都想偷時竟然被喝：丫你真係當我盲架喎！

當被問到如果冇錢可以怎樣過海時，話劇界笑匠詹瑞文竟然話：哦，大家可以考慮買架
郵艇過海架！果然飾演無良銀行客戶經理，見你駛錢就最開心！梁榮忠更見解獨到：如
果呢件事發生０係10年後０既話，我諗都唔會有呢個問題，因為到時維港被填盡，由香
港去尖沙咀可能只係一步就攪掂！

導演黃真真更由幕後跳到幕前，甚至紓尊降貴，戲中唔做導演飾演陳小春家姐，做潦倒
師奶更入木三分，潑辣程度技驚四坐！

故事講述陳小春所飾演的麥竇是一家證券行的高層，他持才傲物，一日，他如常到中環
上班，一名陌生男子（黃貫中飾）走上前向他討廿元，麥竇頭也不回拒絕，繼而惡運接
踵而來。首先老闆堅決把他辭退，另一間公司高層-Bey著麥竇五點前一定要過海到他公
司簽約。過海本來非常簡單, 但麥竇隨即被人洗劫一番, 花了多個小時求救無門, 更被
巡警（杜汶澤飾）處處留難，二人合作產生大量爆笑火花，總之任由麥竇用盡千方百計
也過不了海，最後更落得被捕收場………這一天，改變了他的人生。

究竟杜汶澤又如何陰魂不散似的針對陳小春？最後麥竇如何能過到九龍？23/9自有分曉！