7/1/2000

BEYOND三子自從拆伙後，甚少在公開場合聚頭，但三兄弟於昨天卻走在一起，原來
昨天是已故BEYOND成員黃家駒死忌，由於家駒經己逝世七年，時至今日不會再傷感，
昨天三人都抱住輕輕鬆鬆心情去拜祭，當然，少不了一班BEYOND的忠心FANS。

昨天BEYOND於午後出發，第一站先往九龍塘擺放家駒靈位的省善真堂，三人一去到誠
心上香，一班BEYOND歌迷比他們來得要早，所以靈堂上已擺滿了鮮花、水果籃，還有
榴槤、山竹、燒豬、雞、鵝、乳豬全隻、話梅，家駒生前最愛的可樂，卻不見有煙，
健健康康的。同時，紙紮品更顯心思，包括有電腦、電子琴，莫非希望家駒可迎合潮
流！相對的，BEYOND燒的紙品比較普通。計有金銀衣紙、鈔票、香煙及紙紮西施煲，
希望家駒可以煲靚湯，家強笑說，反而家駒不好電腦。

對於FANS希望家駒可以戒煙，家強笑住說：「仲戒乜呀，鍾意做乜咪做乜咯，不過佢
地都係錫家駒者，我諗家駒係唔會戒到煙架！」

家駒過身七年，家強常夢見他，只不過近陣子略少見他。於省善真堂逗留一會後，三
人匆匆到將軍澳去拜祭。