黃貫中辣興無線
娛樂名人（第６２８期 21/03/2002）
Beyond解體之後，阿 Paul‵家強同世榮三個以阿 Paul黃貫中路數最多，經營錄音
室之外，仲有環球唱片Back佢出碟。
性格關係，自視音樂人既阿 Paul肯做雜誌電台宣傳，但對上電視 Show就拒諸門外，
二五話早排ＴＶＢ搵阿 Paul上《勁歌》，為求佢大少爺應承，向來惡晒既ＴＶＢ仲
一早話明唔使佢玩遊戲，齋唱歌同傾偈。見ＴＶＢ咁有誠意，阿 Paul亦破例答應。
但因為阿 Paul檔期問題，《勁歌》為左佢特別安排o係星期六多開一日廠。
以為萬無一失，點知臨尾都係噠Ｑ，阿 Paul最終都係改變初衷， Say no！二五話
因為阿 Paul三心兩意，搞到ＴＶＢ班高層好唔 Happy！又係既，已經乜都就晒你
大少爺，仲專登 Book一日廠期，結果都係俾阿 Paul放飛機，浪費資源事小，冇面
事大呀！