SUN娛樂…本地娛樂
氣溫熱爆燈
黃貫中焗到中暑堅持饑饉
文： 音樂小組 21/04/2002
昨日天氣炎熱，阿Paul高歌兩曲後又要參與遊戲，感到一陣暈眩！
黃貫中、陳小春及楊千嬅等歌手，昨日擔任《饑饉三十》表演嘉賓。由於天氣炎熱，
當阿Paul（黃貫中）唱到第二首歌時，已出現中暑徵兆，除感到天旋地轉外，呼吸
更出現困難。
幸好阿Paul返回後台休息後已無大礙，他說︰「雖然唔舒服，我會饑饉落去，都係
三十個鐘o者﹗」
據知，阿Paul快將跟環球唱片公司約滿，問他續約機會有幾高時，他冷冷地說︰「
即興啦！如果我覺得俾人利用，呼之則來，揮之則去，我就唔會留低！其實我想自
己開製作公司，因為自由度大o的！（咁講唔怕俾公司雪藏？）我不嬲都o係雪櫃住，
點雪呀？」
同場的陳小春則強調新歌《不歡而散》，跟陳曉東新歌《娛樂無窮》絕不相同，沒
有諷刺別人的意思，他說︰「我地唔同派架！我係麒麟派。（東東呢？）唔知。
（霆鋒呢？）佢係少林武當o卦！黃貫中就係峨嵋派。」