SUN娛樂…本地娛樂
張玉珊一手撮合天仙配
朱茵唱修身歌 黃貫中監製
文： 娛樂組 21/04/2002
朱茵身為新一代纖體代言人，除首次以三點式示人外，更兼唱「修身主題曲」，
而男友黃貫中（Paul）為表支持，更親自出任監製，老闆娘張玉珊聽過朱茵的新歌
後，不禁大讚二人是天仙配。
修身堂代言人朱茵、何超儀、安雅及蒙嘉慧早前到泰國拍攝廣告，負責唱主題曲的
朱茵更花了一日時間拍攝MV，張玉珊聽過主題曲後，不禁大讚：「真係估唔到朱茵
唱得咁好，真係令我好意外，其實今次請到阿Paul（黃貫中）做監製，都係朱茵穿
針引線，我係Beyond既Fans，o個次同阿Paul傾主題曲既o野，都不知幾緊張，雖然
我同佢有意見分歧，但最後都達成共識，佢地用左一晚時間就錄好，真係好順利。」
有人提議歌手出身的張玉珊親自唱主題曲，但她說：「好核突o者！依家都唔興咁做，
好似自己讚自己咁，邊馨香架！依家佢地合作咪仲好，我覺得佢地直情係天仙配。」
潑水節玩到濕身
另外，今次她帶隊去華欣五星級酒店拍廣告，張玉珊自言是舒服豪華團，她說：「今
次真係唔算辛苦，係晏晝o個餐趕時間先要捱飯盒，其餘時間都會請佢地去食o的好o野
，我地仲玩埋泰國既潑水節，個個玩到全身濕晒。」她更大讚四個女仔相處融洽，拍
照時亦非常合作：「今次超儀既形象好淑女，佢都好能夠做到要求，總之佢地個個都
好靚啦！」