資料由成報提供
23- 04- 2002
朱茵被評為人字波當宣傳
早前有雜誌刊登了朱茵的三點式泳衣照，並指其上圍似人字波。剛從外地返港的她，
對批評並不介意，還說：「幾多字波都好啦，咪又係女人一個。」更樂觀地把此事當作
是宣傳呢！
朱茵昨午與助手自外地返港，她表示去了東南亞拍廣告，詳情不便透露。談到早前
有雜誌刊登其三點式照片，並彈她是「人字波」，朱茵說：「有聽聞過，但冇睇過本
雜誌，唔知道詳情。（你公司話追究喎。）我仲未知追唔追究，我尊重公司o既決定。」
介意被人話人字波嗎？朱茵說：「幾多字波都好啦，有又好，冇又好，咪又係女人一個
，係咪？o的o野o係人o地把口講，由得人講囉，我o係呢行咁耐，乜o野未見過，咪當係
宣傳，一切由公司決定。」此時記者發現黃貫中（阿Paul）站在遠處等她，記者叫他倆
一齊拍照，阿Paul卻愈叫愈走，朱茵便替男友解圍說：「唔好啦，我o地見報太多啦。」
收愛情價
阿Paul前日參加「饑饉三十」閉幕音樂會，談到女友被人評為人字波，他的反應是：
「都唔明乜o野叫人字，（咁你嬲唔嬲呀？）把口係人o地o既，嬲就梗係嬲啦，都唔理
得咁多，唔通去打佢、斬佢咩？」
談及女友唱修身堂廣告主題曲，他出任監製不收分文，他表示冇所謂，這就是愛情價。對於女友出唱片，他亦有畀意見，他教女友不一定要和唱片公司簽約，可以自己出碟，然後找人發行。不過也有一間公司和朱茵斟過，但他叫女友唔使理這間。他說：「我唔想左右佢鮋決定，但冇理由明知係衰人都唔同佢講。」問他是否環球搵過朱茵？阿Paul冇回答記者的問題，只說：「呢排好似好多負面新聞，都係唔講啦。」
採訪、攝影：梁嘉殷、馬建華