SUN娛樂…本地娛樂
喜聞家強世榮加盟環球黃貫中：我地從來冇解散
文： 潘琳 04/05/2002
黃貫中昨日與陳敏芝及林熙蕾在墳場拍戲，對於環球唱片公司欲簽下黃家強
和葉世榮，與黃貫中重組Beyond一事，他表示很高興家強和世榮簽唱片公司，
但這不代表Beyond會重組。
黃貫中說：「我有聽聞過家強同阿榮傾環球，都好戥佢地開心，簽左唱片公司，
即係好快有新碟推出，就算三個人o係同一間公司都唔代表Beyond重組。其實我
好抗拒重組呢個字眼，我地從來冇講過解散，只不過想分開發展，幾時繼續一齊
仲未知，或者今年，或者出年都未定。」
黃貫中承認對環球仍然有不滿，他說：「唔開心一定有，我個人不嬲好直，有不
滿一定會講出黎，我諗公司都樂於見到肯講真相既藝人。」