SUN娛樂…本地娛樂太陽報
黃貫中發火澄清冇踩環球
文： 黃麗君 24/05/2002
日前《東周刊》大字標題報道黃貫中力數環球唱片公司不是，明踩陳少寶無能，
更扯張燊悅、黃伊汶落水，指出唱片公司重女輕男，並激動地說︰「我慳埋俾佢
o地蝕！」
阿Paul（黃之暱稱）對此感到十分憤怒，並聯絡唱片公司，要求舉行記者會澄清。
由於陳少寶身在北京，阿Paul昨日在兩位高層陪同下出席，他說︰「成個訪問斷章
取義，我從來冇提過張燊悅、黃伊汶，我覺得好抱歉。少寶冇打畀我，但我諗佢都
好嬲。（有冇講過『我慳錢俾佢o地蝕』？）我原意係做我呢類歌手可以慳化妝同服
裝錢，就算講過都唔係話佢兩個。（怕唔怕影響大家關係？）唔知，當然唔開心，
下次一定會同佢o地解釋。總之我冇攻擊任何人，第日真係要選擇性做訪問。」
保留追究權力
至於會否採取法律行動，阿Paul表示要跟公司商量，並會保留追究權力。阿Paul勞氣
說︰「個記者原本叫我擺出個惡樣欏住個地球，表示音樂天下在我手，但點知Key o左
少寶個樣，下次容乜易Key埋董建華落去，我咪要坐監。」 最後他懇求地說︰「各位
記者大哥都唔想見到黃貫中慘被推入雪櫃o勒！」
另外，張燊悅昨日出席商台活動時，對此回應說︰「我都有睇過篇報道，但我覺得
阿Paul冇理由會咁講，佢好錫我o地o既！」
環球發聲明撐阿Paul
環球唱片公司昨晚發出聲明，直斥《東周刊》的報道失實，表示強烈失望及不滿，有歪曲事實及斷章取義之嫌，此舉對環球唱片及黃貫中之名譽有甚大影響。故此，環球唱片及黃貫中將保留法律追究權力，而黃貫中亦將暫停接受所有有關《東周刊》之訪問工作，直至另行通知為止，並再次重申對黃貫中百分百信任，會繼續全力支持其歌唱事業之發展。