貫徹此中
【搶o野呀！】
文：黃貫中
小時候聽音樂，唔識選擇，或根本冇得選擇，大人聽什麼，我便聽什麼，
到了年紀稍大，開始有零用可買自己喜歡的唱片，每天一有時間便守在收音機旁，
為的是要聽流行榜，這一環很重要，因為我要知道更多在流行的東西，尤其是外國
榜如 Billboard和英國榜。
我喜歡外國榜，因為選擇多，而且有很多 Band，不像本地榜，來來去去都係得o個
幾個人，而且更唱著大堆改編歌，總覺得有點不是味兒，雖然好多本地歌手都唱的
很好，但總是有一種「改」和「翻」的感覺，如果記性好的，不難找到很多例子，
如一首（Careless Whisper ）冇錯，是一首很動聽的歌，但係都唔使同一時間一齊
璞到去改，搞到有三‵四個不同的版本出現，叫人無所適從，大佬呀！真係當o的人
係白痴呀？我諗 George Michael黎到香港，真係笑到口都合唔埋！
好啦！好啦！我無意得罪任何人（當中有o的重係我認識既），Sorry！如果你可以
忍受一個十大流行歌曲頒獎禮內有九首外國改編歌既話，我對於你可能是有o的偏激，
我可能吹毛求疵，但這畢竟是一個文化，唔係一間大酒廊，唔係一間 Karaoke。
六百萬人，真係冇幾首似樣o的既本地創作？好在，我o地慢慢都醒啦，原創在
香港終於都抬頭，我o地終於都有自己既面孔‵自己既聲音，一堆沮喪既創作人，
前途終於露出曙光，好少再聽到：「聽你不如聽原唱啦！」呢句說話。但咪住先！
很多人問：「咁抄歌又點計先？」這〔抄〕的問題曾在香港掀起一陣風波，o個時
有記者問我：「阿 Paul，你點睇法？」我的睇法是，每一個人有自己的工作方法，
反正都係有供有求的市場，求其o個o的人唔知咪的囉!鬼叫香港人聽歌（尤其外國歌）
少咩！人o地先可以乘虛而入，一個唔該，順手牽羊，重冠冕堂皇，但我o地唔應該怪
佢o地，佢o地係賊，但帶俾人好聽的音樂，又有何不可？況且公道自在人心，要鬧人
，不如聽多o的歌重好好啦！
忽然在對面街邊有一個盲人的東西被搶，有人大叫：「搶o野呀！」但盲人唔知道，
街上亦冇人理，又冇警察，賊人已逃之夭夭，但每晚失眠。
paul-wong