【中途車站】

文：黃貫中  2002/03/29

　　人生o既意義係乜？如果你只有十零歲o既話，你可能未曾諗過，正如一列長途火車，
o係頭o個幾個站你只會被窗外的景色所吸引，當列車到了中途我們才會開始識想，開始要
諗，諗下重有幾個站會到終站？諗下頭先已經過o個o的站有幾精彩？或者有冇睇漏(因為
重有右面窗未睇真，很害怕會有遺漏)？

車廂中有一個乘客一直在左顧右盼，因為他帶著很多很多行李，一不留神，東西便會被偷
，所以他沒空閒欣賞窗外的風光。又有一個乘客，他也沒看風景，因為他睡了，全程都睡
了。人生意義對他根本沒有意義，但也難怪他，看他好睏，加上略肥o既身軀，車程又長
，人生有時真係會想一睡了之，因為我發覺有一半乘客係(目訓)著o左o既，冇反應，冇感
覺(可能是最好的感覺)，反正覺得被困在車裡，對窗外o的風景又冇興趣，隔籬個人o的香
水又臭，所以佢o地(目訓)，有o的會(目訓)到個頭斜晒落人o地度，有o的流口水添。

有一個乘客不停咁向我解釋這程車的意義，滔滔不絕，他對每一戰都瞭如指掌，好似已經
背熟旅途o既故事，但係掛住聽佢已經經過好多個好多個站o既故事，睇漏好多o野，所以
我開始冇理佢(當然禮貌上我假裝在聽)，我繼續睇，我繼續想。

人生到了中途站，都好應該諗下，或者係最佳時候諗下人生意義了，已經過o左一半o既站
，好應該碰個釘，應該以認識自己，懷著從無數教訓中得來的經驗，對未來的站做打算－
－要唔要勇往直前？要唔要在下一站轉車？要不要跳車？要不要讓位？或者同大家一齊(
目訓)？

我好唔好彩，因為我剛在一個非常擠迫的車廂裡，冇位坐，我只有站著，我選擇了面向車
頭，在出入口的地方站著，我可以看窗外一直流走的景物，我也可以看車廂內的乘客，其
實我冇位坐可能睇得更清楚，佢o地幾時上車，幾時落車，點爭位坐，上唔到車o既人失望
o既表情，經過漫長鬥爭到達車站的快樂，當中有悲有喜，我看在眼裡，我也同時享受著
車外的風光，有晴有陰，心中彷彿已給生命定下意義，但在這時我留意到一位長者，他目
不轉睛，用隨和，欣賞的眼神看著外面。我打擾地問他是做什麼的，他說：「我是一個玩
音樂的人。」我好奇地問：「他們都睡著了，誰會聽？」他說：「跟著下車上車的人會聽
。」「咁你去邊個站？」他說：「我早飛站了，不知幾時會落車，但我相信他們會聽，一
定會！至於我，幾時落車都已經冇所謂，但你最好過o黎搵個位坐低，因我年輕時候都同
你一樣企響o個個位處，但係企得耐會辛苦o架！」


我最後冇聽佢講，因為我一坐低就會(目訓)，我話佢知：「我都係玩音樂o既，但係我鍾
意企－－尤其重係o係中途站。」