【意外緣份】 5/4/2002

文：黃貫中

  一切都是由意外開始，世間上的一切都好像沒法預料（就好似我現在會o係度同你講o野
一樣，真係諗都冇諗過），但係好多時又好似冥冥中有主宰咁，可以叫這做緣份。但係
我絕希望唔會係一個宿命者，不管前面有什麼不可測的障礙，我會用樂觀的態度去面對，
因為只有這樣，生命才不至於枯燥、失去動力。緣份我是信有的，但我相信它是由我們生
命動力所帶動，只想不動，緣份只會在我們身旁中溜走。

回想剛上中學，班中有位同學死黨，其貌不揚，但很受女生歡迎，在課餘他都會拿吉他在
課室一角開其個人concert，大群女同學圍著他，我心中很羨慕他，叫他?我談吉他，他說
要我自己帶支吉他去他才會?我，結果我在暑期工賺到錢買了我第一支吉他，是一支二手
或三、四手吉他，但冇所謂，反正我完全唔識，加上又心急學。

我後來跟他學了兩三個月，學o左幾首媾女歌，佢已經冇o野?我，我便開始自己練，拿著
歌書，把唱針一次又一次的放回同一句，播完又播，真係唱片都越聽越薄，無非想用耳去
練吉他句子，是什麼和弦，一早到晚都躲到房間坐在唱機前，全神貫注，然後慢慢向往日
流連生活講bye bye！我終於都到家喇！我相信這也是屋企沒有反對我玩band的主要原因
。

但係我開始把我最初的動機忘記了，就係「女同學」，因為可能練習樂器一定要一個躲起
來，所以我開始冇去party、冇四周圍去逛，正如所有血氣方剛的年輕人一樣咁去玩，有
一個同學怪我好唔同佢o地一齊落D玩，又話點好玩，點多女仔咁....但可惜，我冇興趣，
又或者我唔係對女仔冇興趣，只是太鍾意玩吉他，要我選一樣我o個時一定會選吉他。

後來個「死黨」想用激將法同我講：「你成日o係度閉關，顧住做和尚。」我停下手中的
練習，對佢講：「我出關o個日，會媾晒o的女，哈......」我當然係講笑，但係我依然用
力地彈，這也是意外、緣份？