Band壇老大哥 Beyond休息了八個多月，雖然他們堅稱這次「分手」 ，是因為需要新的
空間，找更多音樂新元素，令將來 的「復合」更為精彩，可惜每次談到「復合」，答案
也是 未知，感覺像是遙遙無期。 Beyond雖「暫 停營業」，但阿Paul、世榮、家強各人
除了接到不少新 工作外，三人還會以個人名義推出全新大碟，彷彿 Beyond仍然「運作」
，亦可見他們對音樂熱愛的精神永不死。

阿Paul簡單地道出自己的大計：「我大計好簡單，就係繼續做音樂，繼續我音樂事業，咁
亦都可能係我本身自己鍾意做音樂，第二就係我除音樂做唔到第二樣，我可以咁講，我最
叻就係做音樂，就算而家Beyond暫停，我都好希望同音樂埋一齊。其實冇做時候我都係做
緊音樂，作曲、揀歌，而家我籌備緊自己個人大碟，但係我手上歌已經足夠做到兩隻碟。」

　不死的樂隊信念

自數年前開始，一直傳出他們分開獨立發展，但每次也是只聞樓梯響。追溯樂隊分開發
展的淵源，原來一早已埋先機。
「坦白講，我一九八八年同我本身經理人傾，想獨立發展，覺得將我拆開做可能會好做
，香港市場多，因為時樂隊出幾隻碟就玩完。但係我俾佢答覆就係，千祈唔好話個價錢
俾我知住，因為就算你俾幾多錢我，我都一定唔會去同你簽約，我入呢行都係因為可以
俾我繼續做音樂、繼續玩Band，個階段我完全唔諗，我同佢講我只係會樂隊面出現。」
一個堅持的信念，令Beyond在香港Band壇蹤橫十多年。

TVB垃圾製作
早前謝霆鋒及樂隊LMF炮轟電視台的垃圾製作，印象中舊日的Beyond與電視台的關係也
不是很好，數年後對於這班後輩的睇法，可會認同？
阿Paul說：「以前可能會覺得佢咁樣搵歌手玩咁遊戲好無聊，唔知做乜，但係而家心態
唔同，反而會可憐佢，而家呢音樂遊戲節目，咁少收視，只係得番靚仔同師奶阿嬸睇，
我曾經講過、批評過佢節目製作，所以足足七年未上過TVB節目，而家佢邀請我，我梗
會上去啦，柴娃娃獎品幾好呀！」

　貫徹Beyond精神

Beyond於年頭簽了新樂隊Tat-Flip，搖身一變由樂隊轉為經理人，Tat-Flip五月時推出
第一隻大碟銷量理想，很多人也說Tat-Flip帶著不少Beyond的影子，阿Paul稱：「其實
Tat-Flip一都唔似Beyond，佢好有自己個人風格，如果你要話似，我反而會覺得LMF仲
似，我好欣賞呢隊Band，佢兩隻碟我都有份彈。好多時人都鍾意Beyond同其他新出樂隊
比較，都見慣不怪，最好笑有樂評人聽完我作歌之後，話我好有Beyond影子，梗係啦！
我Beyond出，我根本就係Beyond一分子，乜我似，我根本就係Beyond。」

　勢死保護身邊人

阿Paul的脾氣一向算不錯，熟悉他的人也知很難會令到他發脾 氣，兩個月前女友朱茵被
某周刊誣蔑她與第三者M君約會，令阿Paul十分之氣憤，他激動 地說：「佢（某周刊）
都癡線，連係咁咦一張食飯相都冇，冇證冇據就係咁屈人，仲走問我回應，我有乜好回
應呀？我脾 氣唔算好差，但係你寫我乜都冇所謂，我最唔鍾意佢傷害我身邊人。」

阿Paul續說：「而家記者乜都作得出，乜M君，我都唔知佢係邊個，佢（記者）再問我，
我就話俾佢聽係呀！M君俾我殺啦，埋山頭你自己去搵啦！我可以話俾你知，我呢個圈都
有一段日子，我都有一班自己人，基本上我已經知道係邊幾個人做謠生事，呢件事我唔
會就咁算數，大家一定仲有睇。」阿Paul與朱茵相視而笑。

黃貫中、朱茵戀情進展史

98 年
10月 黃貫中與朱茵結伴睇狗展，二人關係首次曝光
11 月 黃貫中夜訪朱茵香閨，阿Paul表示一起食杯麵
12 月 阿Paul為見其一面，不惜冒被警察抄牌的危險
12 月 黃貫中為朱茵的音樂會任製作顧問
99年
2 月 阿Paul親自作了一首新歌《太完美》給朱茵
2 月 年初二被記者碰到二人在尖沙咀吃晚飯
2月28日 二人一齊行街，又被記者碰到，終於承認戀 情
3月 阿Paul被舊女友Ivy指一腳踏兩腳，朱茵表示絕對相信男友
10月 阿Paul被記者撞見深宵夜訪朱茵家
11月 阿Paul禁止朱茵再買性感衣服
00 年
3月 於陳家輝及梁小冰婚禮上，阿Paul與朱茵穿情侶裝出席
6月中 傳出阿Paul與朱茵意見不合分手，而朱茵亦與第三者展開新戀情
6月尾 朱茵在日本拍戲時暈倒，返港時阿Paul到機場接機，粉碎分手傳言
8月 朱茵添置新傢俱，傳出二人打算同居之消息，後經証實傢俱是阿Paul之新Studio之用
8月 朱茵買地起屋，距離阿Paul的家只有數分鐘的路程

　
難得偷閒的日子，朱茵放棄了休息的時間，陪男友阿Paul接受訪問，亦為記者帶來了
驚喜，訪問期間朱茵一時拿出傻瓜 機為阿Paul及其助手拍照留念，一時情深款款地凝
視愛郎，記者深深感到，女人最幸福莫過於這一刻。