Paul Wong from Monday (12/2001):
Paul新碟比粗口更激
上一隻碟阿Paul因粗口而引起莫大迴響，所以今次黎緊新碟，佢決定唔玩粗口。
不過唔好以為佢變乖玩封咀，雖然無粗口，但阿Paul話歌詞句句到肉，重激過粗口添！
樂壇多新人好
今年的樂壇多左好多新人，其實我覺得咁樣係件好事，因為每一個新人都有佢自己
的特質，可以今到樂壇有更多唔同種類的音樂。而我就幾欣賞周杰倫，雖然我無睇
過佢的演唱會，但係我都有聽佢的歌，我覺得佢好有才華，而且佢的歌路都好廣泛，
佢的音樂裏面有好多唔同種類，好值得人學習，佢又咁後生，重有好多野可以嚐試，
另外都係以創作人身份出身的周永恒，細細個開始就有自己的創作，佢都玩得幾Rock，
俾我的感覺唔錯，其實樂壇應該發掘多些呢類人，佢地的音樂好有個人風格，咁樣樂
壇先健康。
而女仔方面，Twins真係好強勁，完全唔似新人，而Twins每次的表現都好出色，跳得
又唱得，正呀！今年佢地的成績都非常突出，我都非常睇好！
新碟有校長坐陣
今次呢仕隻碟做得特別快，需時只係兩個多月，相隔上隻碟差不多有成年，呢段期間，
已完成近400首歌咁多，而全部都係阿Paul的野。
〔所有歌的詞我都自己搞掂，有好野都係我自己邊寫邊填，詞的方面，今次我雖然無
唱粗口，但係我填得都句句到肉，可以講比粗口重激，而今次好開心，請到校長譚詠麟
幫手，當我完成好幾首歌的時候，發覺好有校長feel，點知一打俾佢就一口答應，合作
過之應，感覺非常好，真係好開心可以同校長合作，佢教識我好多野。
而且今次係我隻碟入面的音樂，亦加入左好多元素，除左結他不可缺少之外，我重會混
入管弦樂，令歌曲方面會有更多的變化，成隻碟裏面，都會慢歌多返些。我覺得唱慢歌
一樣可以去到盡，唔係Rock先可以的。〕
同女友音樂
係我的音樂裏頭，大多數都係男人味重，好似之前都搵林狗、LMF、張亞東等等合作。
一向都係全男班，所以如果加入朱茵的話，會覺得好格格不入。所以一直以來，我都
無諗過有女仔加入，亦都未諗到有邊個適合人選，所以暫時都係由"汗"搞掂。
而同朱茵一齊，好似之前咁咪會去睇流星雨，不過，都唔係刻意去睇的，我唔會等
流星雨先同佢去睇的，咁低招？呢D野我一早就做啦！咪即係等於D人響情人節先走去
送花，不過一齊去睇流星雨都幾浪漫的，因為真係好靚，D星星係多到許唔切願呀！剩
係見到的時候，係度嘩........
後記: 講音樂就唔使食
開始同阿Paul影相時，助手已提及阿Paul重未食lunch，大叫肚餓！但當開始做訪問的
時候，一講起音樂，阿Paul就源源不絕！直至完成整個訪問後，發覺到阿Paul只係飲
左碗湯，阿Paul愈見瘦削，唔好再食咁少野啦！
來源：http://www.beyondmusic.net/