Cool No.1 2001年 3月
文：Jinny
黃貫中力撐ＬＭＦ
Beyond在九九年宣佈暫時解散，三子都各自發展。而當時在 Beyond身兼吉他手及歌手
的黃貫中（Paul），就最先推出個人專輯《Yellow Paul Wong》。而Paul除了與新組成
樂隊「汗」合作之外，更邀得 LMF、張亞東、Mick Karm、Sngizo、Funky末吉覺中外樂
手合作，陣容實在不簡單。
去廁所作曲？
以往慣常在「二樓後座」進行大碟錄音的 Paul，他的新個人專輯則在土瓜灣一間自資開
設的錄音室灌錄。
在一個新環境下進行錄音，感覺又會怎樣？
「呢間錄音室錄出o黎o既 Reverb好好，唔需要再有任何加工。錄音室入面有一塊好大
o既鏡，好多人都話唔好，因為咁樣會令到錄出o黎o既聲差，但我就覺得冇問題，反而
好鍾意呢種「彈聲」添！因為當你聽返首歌o個陣，會令到你好似置身o係現場環境咁，
感覺好好！其實每首歌o係唔同位置彈吉他，都有唔同o既聲，我都試過o係廁所彈吉他
作曲添！」 Paul說。
跟招牌改名
筆者到過 Paul的錄音室，見到鼓手恭碩良（Jun）、吉他手 Dino及來自 LMF的低音吉
他手 Jimmy都不停在夾歌，沒有一刻是停下來的。他們對音樂的熱誠，可為顯而易見！
「其實我o地四個人都好鐘意音樂，而我又好欣賞 Jun o既音樂，大家興趣相同，一拍
即合！其實開初我想搵 Jun幫我打鼓，跟住佢介紹佢好朋友 Dino俾我識，而 Jimmy係我
識o左好耐o既朋友，咁大家 Jam過歌之後，覺得好夾，所以就一齊組成「汗」喇！點解
叫『汗』？原因都幾特別o架！係因為我o地o係搬入錄音室之前，間房已經掛o左一個
『汗』字o既招牌，咁之前又用o左好多錢去裝修間錄音室，水費、電費又貴，咁我o地
為o左堅返拆招牌o既錢，所以最後都係決定保留呢塊牌。咁我o地四個又覺得樂隊名叫
『汗』o既話，又幾特別幾新鮮 英文文名〔Hann」又好又好睇，所以決定叫『汗』。」
力撐 LMF
現今香港樂團出產了很多月對，好似LMF他們以唱粗口歌而聲名大噪，有時更會在演唱會
上做出不文動作，不少外界人都批評這是不良的風氣，身為香港樂隊始祖Beyond的成員，
Paul又會點睇？
「其實唱粗口歌都唔係一種壞事，大家都係唱歌，都係用歌曲去宣洩情緒，我覺得其他
人太過緊張喇！因為我老喇！」 Paul笑說。