黃貫中---堅持 (來源.文字處理: http://www.beyondmusic.net/)
黃貫中說他用一生的時間去做一件事, 耗盡了青春, 兜了一個又一的大圈, 過程
很辛苦, 捱肚餓的感覺歷歷在目, 但回報卻一點都不成比例。
"我捱得好辛苦, 我一定要堅持, 如果要揀條舒服o既路, 一早揀o左啦, 唔使等到
今日。"
他說只有繼續堅持, 總有日一別人會明白, 即使那一日遙遠到他未必可親眼看到。
他執迷不悔堅持到底的做音樂, 支持他堅持的背後也是音樂。然而, 堅持之後....
...到底只有堅持還是堅持?
等我話一次事
"將<<黑白>>同<<同根>>分開兩隻碟推出係個新嘗試, 因為照正常做法, 呢批歌入面,
到最後主線都係落o左o係兩,三首歌上, 我好驚亦好唔想有o的歌會白白犧牲或者被遺
棄。另外, 我好想做一個測試, 究竟我將o的歌測試, 其實兩樣o野都係我, 究竟邊樣
o野適合我呢?"
"最初公司都會奇怪點解要咁做?最後亦證明到係正確,<<黑白>>o既意念係想吸納一o的
對我黃貫中, 對rock music抗拒o既人, 但係<<同根>>則係鍾意呢樣o野會更鍾意, 唔
鍾意就更唔鍾意, 因為係我去到盡無留手之係。"
"呢隻碟對公司對好多人係好好o既證明, 唔好o係個conference room度拗啦, 你又講你
有幾咁權威, 我又講我有幾咁懂音樂, 佢又話佢有幾咁了解market, 全部都係bullshit,
睇數字啦, 我同老闆講呢隻碟出街三日已經過晒<<黑白>>啦!下次唔好同我講要o的咩啦!
等我話一次事啦!"
唔知自己重可以玩幾耐
"以前經驗唔夠, 怕失敗怕輸, 側跟好多人俾o的錯誤o既意見, 自己又迷失o左, 個市場
又好混亂, 有o的o野唔到我一個人話晒事, 我唔夠膽拍晒台話"一定得, 唔得o既我揹。
" 我只可以話呢樣o野我好喜歡。"
"而家慢慢覺得時日無多, 我唔知自己重可以玩幾耐, 可能好快我就退出而家o既崗位都
唔出奇, 亦好強烈感到呢個可能性, 或者唔再o係幕前, 而係轉去做其他同音樂有關o既
o野, 我唔知幾時行呢步, 所以重諗咁多做乜, 諗太多, 時機就會過o左去, 到第日想做
o既時候已經不合時宜, 我唔想自己有一日會後悔。"
事業上的轉捩點
"我同全隊樂隊做晒民意調查, 大家都最鍾意 <<有錢真係好>>開頭做o既時候無諗要做
o的乜, 由start on去到尾都無停頓過, layer好多浸, 呢樣係我自己真真正正未做過
o既o野, 我問過好多創作人, 大家都搵唔到terms去形容呢首歌o既音樂元素,每個人聽
完o既反應都好唔同, 有o的覺得好dark, 有o的覺得好gothic, 有o的聽到想喊, 呢o的
就係我想要o既o野, 當然我唔期望呢首歌可以入到主流,亦唔相信有人o係卡拉OK唱,所
以亦唔打算拍KTV。"
"呢首歌係我音樂事業o既轉捩點,係好大衝擊,甚至揭露o左以後我要走條咩路。"
為o左錢條命都唔要
"點睇自殺? 死晒去啦, 香港咁多人都唔係好夠住, 唔死都無用, 其實好悲哀, 呢個世
界咁好, 遠方o的人咁辛苦, 要靠執垃圾食來為生, 活得一日得一日, 但香港股票跌一
跌又要自殺, 負資產又要自殺, 全部都係錢作怪。"
"o個o的全家燒炭o既全部係財政呀,經濟呀,份工等出現問題,人可以為錢連條命都唔要。"
"愈先進o既國家愈多人自殺, 以為死o左就可以一了百了, 你咁隨便去了結自己o既生命,
係好唔負責, 好懦弱, 相對o係痛苦掙扎o既人, 我o地要面對o既根本唔算係o的乜o野,
不至於要去死, o的人覺得死可以解決問題,成個風唔好。"
你諗下o的訓o係醫院去到末期都努緊, 淨番一隻眼都可以出到書, 好多呢o的例子, 你
有手有腳行得走得, 但因為好小o既事就自殺, 好傻,好對唔住班o係邊緣奮鬥o既人。"
唔想摸支結他
"o係家駒離開o既時候, 都算係我人生最低潮o既日子, 亦係唯一一次閃過想放棄唔做
o既時候, 當時反而係家強鼓勵我, 叫我開工, 但係當時真係唔想摸支結他, 直頭見到
都憎, 完全唔想寫歌, 後來經過四個月先起番身, 諗番都算幾tough, 其實o係o個剎那
我覺得Beyond應該宣布休息, 但尊重家強同阿榮o既意見。"
"今次<<同根>>再一齊夾band, 我只需講一次我o既概念, 然後叫佢o地用自己方法去演
繹, 大家夾o左20幾隻碟, 所以好有默契。"
後記: 請你堅持
跟阿Paul說, 有很多年輕歌手以他做目標,封他為偶像, 阿Paul坦言感到開心, 但希望
大家以他的精神而不是音樂做目標。
"每個人都應該玩自己o既音樂, 有自己o既堅持好緊要, 唔辜負支持我o地o既, 並唔係
做o的大家鍾意o既音樂, 而係堅持做自己鍾意o既音樂。"
要放棄很容易,要逃避非難事,在阿Paul的字典裏凡事應該"結他大過天,堅持多好!"
--
╭──────────╮
ꄛ ╰╮ Beyond ╰╮ ╭╭╭╭╭╭╮
╰╮@║║╦╦╦╦╦╦╦╦╦╦╦╦╦╦╦╦╦╦╦═聦聦聦潄ꈠ╮
ꄠ ╮@║║╩╩╩╩╩╩╩╩╩╩╩╩╩╩╩╩╩╩╩══灨╰╰ꌯ
ꄠ ꄛ ╰╮ꄾ * ꄛ ╰╮
╭╯* * ／＼／＼／＼╰─╮
最棒的樂團
最美的聲音
最精彩的－－Beyond