普通人- 黃貫中 (http://www.beyondmusic.net獨家發放)
四月號中文版的<<Times>>, 封面是U2的主音歌手Bono.
對於Bono和U2, 我的確有一份Respect, 這麼多年來他們一條心創造了很多出色的
音樂, 還可以不斷進步,的而且確十分厲害.
但可能香港有許多人, 連佢係邊個都唔知, 覺得佢同一個普通人無乜分別....阿Paul說.
不過, 知不知認識不認識不是最重要, 最重是, 他們幹了些什麼, 影響了甚麼.
在音樂界別之中, Bono的地位已不用費唇舌講解, 除此以外, 在過去數年他參與了
很多全球性的政治活動, 特別是為第三世界爭取向超級大國取消其債務而發起的巨
大行動上, 不遺餘力.
而阿Paul對音樂的堅持, 相信香港人會更熟悉,自掏腰包開錄音室又或到第三世界地
方探訪, 他說有生活才有音樂, 所以他樂於作為一個普通人, 與大家過著一樣的生活,
甚至一起負資產.
值得一提,Bono原名也是阿Paul, Paul Hewson.
我嚮往自由的生活, 但求食得飽, 有自己喜歡的工作, 身體健康就足夠了, 就算你
給我十個願望, 我都諗唔到再要乜
現在香港
我覺得香港人好軟弱.香港現正經歷一個困難的階段. 我同好多香港人一樣, 忙於自己
的工作, 但都知道好多事真係要做. 可能有人認為現在我好風光,但係我可以話俾你知,
你負資產, 我現在搞這個studio, 一分一毫都是自己付出, 又或者是好辛苦咁問人借錢,
但我有股堅強信念, 我這樣做是對的, 我的作品是好的, 我唔會後悔.
約兩個月前跟宣明會到緬甸, 經已心中有數. 其實我對探訪第三國家都好有經驗, 以前
到過非洲, 這個地方經已好極端, 乜都無,你有無想像過一條褲全家人著, 過年先可以
食一條魚?你見到別人的生活, 回來時你真係會覺得香港人係好幸福, 依家少少事就話
要跳樓又話要燒炭, 你有無想像過, 人地連買炭錢都未有?
站在一個創作人立埸, 體驗這些生活對自己也有好處, ,可以重新去定下自己的位置,
想想現身處地球哪一處, 在這個位置應該做些甚麼. 大家現在都好迷失, 尤其睇錢方
面, 如果我住洋樓養番狗坐遊艇, 未必會感受到社會大眾諗乜, 到時你可以寫乜呢?講
話有幾叻幾咁巴閉?憑乜理由去帶出你的Message? 你有無試過窮, 試過擔憂?以前你問
我生活緊要些還是音樂緊要些.........有音樂就無世界末日這句話是家駒講的, 但相
對今時今日我可以話俾佢聽, 無生活, 音樂便無意思, 如果佢o係度,我相信我有信心拗
嬴佢...........
如果你只可以俾我揀一支的話, 就算有一日停電, 世界末日, 我都可以彈住佢
大佬
其實.....我唔係好想有這個稱呼, 我發覺我愈是做得音樂耐, 便發覺許多東西唔識,
我要學習的亦好多. 但如果用年資, 即係話 "嘩, 你捱咁耐都仲唔死" 呢個角度睇就
無得好講, 我又的確捱得幾耐. 雖然比起其他Band仔我真係算唔錯, 但係你諗下, 做
左成廿十幾年, 現在我仲會為生活同隊Band掙扎, 會落手落腳做, 唔會有好似大家果
種大佬的support, 所以我希望大家只係當我係香港的一份子就得. 雖然我人老(笑),
但係我心同音樂都唔老, 我唔想做大佬, 大佬, 有少少回落的感覺.
@I.T. ' anti I.T.
科技生活真係好方便, 但係我話你知......我屋企部電腦已給我用來扛腳彈結他!老實
說時生活已經覺得好科技, 返屋企繼續的話就其實真係好辛苦, 現在科技生活的壞處
是大眾太依賴它. 我愛寫字, 鍾意用筆,錄音的歌詞就算打好我都會寫一份, 一個Fax
我都會手寫, 可能係會辛苦些少,但係我enjoy用筆的感覺, 我會使用科技, 但絕會依
賴科技. 如果有一張遠方朋友寄來的咭,你會期待那份拆開信件的感覺, 看看他親筆寫
上幾行字, 還是很方便地彈一張E-card給你?感覺肯定係爭好遠.
我唔想在我不能肯定Protect到一個人的時候, 而帶佢來這個世界受苦. 但係反觀基因
解碼, 其實是很冷酷的行為, 就算你想個仔叻,但係你斷然唔會想這樣去改變一個生命,
可能你可以加廿萬俾音樂能力, 三十萬叫佢做個運動家, 但係相對地扼殺佢自然發展的
機會, 違反生命的意義. Even人類探索太空,我覺得係好愚蠢的事, 點解個地球有咁多
野要你救,你唔做左目前的東西先?發展咁多太空科技咁又點呢, 對這些我都會有一個
質疑.
(來源、文字處理：http://www.beyondmusic.net/pwnew144.html)