阿Paul怒氣難消好鬼興(獨家發放) (來源、文字處理:http://www.beyondmusic.net/)
外賣仔不嬲都對恐佈片情有獨鍾, 今次有幸去到《枕邊兇靈》的拍攝現場採訪,
當日真係熱到爆燈, 眼見所有人都著晒短袖衫, 點知理應著得最惹火的林熙蕾,
反而包到實一實, 外賣仔真係戥佢熱, 好彩佢地有個上非常好的解暑方法--食雪條,
友情客串的阿Paul重食到舔舔利呢.
提起阿Paul, 真係多野講, 話說探班當日有人俾左本Y字頭的雜誌佢睇, 阿Paul一睇
到即刻火爆, 重嬲到做埋粗口手勢!原來呢本雜誌把阿Paul新碟封套隻狗改左, 而且
連歌詞都改晒!搞到佢好鬼興. 不過外賣仔早前先同佢做左個專訪, 覺得佢已經無左
好多火, 而佢都承認自己睇化左好多, 就連狗仔隊追蹤都話唔介意, 只要唔好太過分
去到偷影屋企, 因為佢明白大家都係打份工. 所以話, 唔好以為阿Paul好難相處,
其實佢係非常善解人意.