黃貫中開製作公司盡地一煲 花光老婆本委屈朱茵第七年
15/05/2002
黃貫中一向對音樂抱持堅持信念，雖然Beyond樂隊已經解散多年，但他對音樂上的
工作一直不離不棄，寫歌、監製等嘗試過不同的崗位，下一步的計畫更是用盡所有
的積蓄開設一間製作公司，他的衝勁全靠背後女友朱茵的支持及鼓勵，Paul更承諾
在三、五、七年內會迎娶朱茵過門。
樂隊Beyond已在一九九九年解散，轉眼間已經有三年時間，黃貫中（Paul）在這幾
年間仍然默默耕耘，對音樂上作出很多貢獻，積極嘗試創作不同類型音樂之餘，對
未來音樂路上亦充滿希望及信念，願望是開設一間製作公司。Paul說︰「我o黎緊考
慮做一門有關音樂既生意，幫助一o的有潛質，同冇唱片公司Back Up（支持）既人去
做唱片，好似黃耀明開『人生人海』。（開一間製作公司要用幾多錢？）對我o黎講
真係一o的都唔平，可以話連棺材本、老婆本都全落去，有時可能係孤注一擲。」
隨即，Paul樂觀地說︰「只許成功、不許失敗，就算係衰畄咩都冇晒都冇o野架！因為
起碼做過嘗試過，做人最緊要係有希望有衝勁，趁依家仲後生，依家唔做幾時做。」
Paul對音樂百分百熱誠
問到如何看現在的事業，Paul用「音樂狂」三字去形容自己，他說︰「我本身係一個
鍾意不停工作既人，喜歡在工作上及創作上尋求滿足感。」Paul表示由於自己未能放
低手頭上的工作，好好放假休息充電，故此惟有享受現時的工作。Paul更強調事業對
他來說緊要過一切，甚至親情、愛情及友情，他希望把握每一分每一秒的機會去創作，
除非再沒有創作能力，他說︰「我會趁住仲有創作能力，一定會繼續落去，直至冇興
趣，開始對音樂產生厭倦為止，況且我覺得冇其他o野值得去做。」從而可見他對音樂
的堅持。
對於自稱「音樂狂」兼強調事業緊要過一切的Paul，在愛情方面又如何呢？Paul面露
一副も樣，指朱茵的的確確是一個好女友，雖然他長時間處於工作狀態，但她不但毫
無怨言，還十分支持他，Paul說︰「我真係係好好彩，佢冇畀過任何壓力我，唯一只
係會叫我收工，當佢知道我開足十幾粒鐘，見我既時候就會打電話o黎接我收工。」
曾經有求婚衝動
此外，提到不惜欏出「老婆本」開製作公司，朱茵又可有意見呢？Paul自豪地說︰「佢
好支持我，只要係我鍾意。（咁咪要再儲過筆老婆本？）冇所謂，最緊要係兩個人一齊
開心，唔緊要架！佢知道我係爭取緊時間。」話雖如此，女人始終需要嫁人找個好歸宿，
可有考慮何時迎娶朱茵，Paul說︰「三、五、七年內啦！」其實，他更坦言以前曾有一
剎那想開口求婚，至於有否行動，他卻不肯回答，只害羞地說︰「唔話過你知，問過第
二樣啦！呢樣唔講。」
最後，問到生兒育女的問題，Paul甜絲絲地說︰「好難講，當然係二人世界開心o的啦！
同埋我諗佢都幾難做媽咪，因為佢仲係好似細路女咁需要人照顧，又點識照顧人o者！
如果係生BB都係我做晒，諗起都有少少驚。我本身都好鍾意小朋友，生冇所謂，最緊要
係培育佢。」隨即，Paul更大膽稱自己是一個好男友、好丈夫兼好父親呢！」
Beyond解散是明智之舉
Beyond是伴隨著很多人成長的樂隊，Paul表示自己能肩負起Beyond之名，感覺依然是
有一份光榮。提到Beyond的暫別，Paul坦言絕對是一個「明智之舉」，他說︰「其實
依家三個各自發展真係有好多好處，學習o左好多o野，知道自己有咩長短處，擅長於
邊類型音樂。以前一齊會有種倚賴，依家就唔同，可以由零開始，我會嘗試去做埋監
製，嘗試唔同崗位，就算衰o左自己都羂得起。相反如果仲係Beyond成員，會好似一個
包袱，做錯o的會過唔到自己，亦會對唔住其他成員。」
此外，原來當初Beyond的暫別，完全是家駒的意思，剛巧在家駒臨去世前的最後一個
會議上，他提出了暫別的方案。Paul坦言當時的確有點不明白，為何在這個時候會有
這個想法呢？腦中打了很多個問號。後來想了又想，終於明白家駒的心意，一個創作
人去到某到階段就需要作出轉變，當重組時便會學識互相體諒及珍惜，故此我現在會
不斷增值，希望做一個成功的音樂人。
娛樂圈http://orisun.com/showbiz/str/20020515/sbstra0001x0.html