朱茵Rock得起
全靠阿Paul激發音樂狂熱
文：陳冬嵐 攝：馬永堅 22/05/2002
男人提起朱茵，總是精神為之一振，兩眼繼而發光，興奮得滔滔不絕，但話題總離
不開朱茵的性感與身材。雷同的反應，同樣出現在朱茵身上，但令她作出如此反應
的卻非男人，而是她快將推出的唱片，該張唱片花了兩年時間籌備及投資過百萬積
蓄，這次再激發起朱茵埋首音樂，男友阿Paul（黃貫中）實功不可沒。
闊別樂壇兩年，朱茵無懼低沉的唱片市道，一擲過百萬自資出唱片，那一份對音樂
的認真與熱情，實在不容置疑。不少人，甚至是朱茵的好友，皆不認同她這次兵行
險著，更擔心她多年辛苦賺回來的積蓄會付諸流水，但朱茵卻不以為然，她說：「
係有人覺得我咁樣出碟好傻，花咁多錢，應該將o的錢儲起，但係我依家有出碟o既
心同衝動，如果唔把握時機，可能出年就唔會去做，人生好短暫，唔知活到幾時，
點解唔去嘗試o下！」
雖然朱茵一直喜歡唱歌，但燃起她對音樂的一份狂熱，正是她的男友黃貫中，阿Paul
更改變了朱茵對唱歌的觀念，朱茵說：「我以前唱歌只注重技巧咬字等問題，但阿Paul
就叫我乜都唔好理，Feel o下唱乜，令我終於明白唱得幾o岩音都只會淪為樂器，唱
o既人將心情演繹出來好緊要，原來音樂唔係我之前認識咁低層次o既o野。」
膽量嚇窒阿Paul
此外，朱茵希望嘗試一些以前沒有人嘗試過的東西，所以她花了兩年時間，聽了過兩
百首歌，精挑細選後，才完成這張唱片。莫看朱茵人仔細細，她在音樂方面的膽識比
阿Paul更有過之而無不及，她說：「連阿Paul都唔敢揀o的咁Rock o既歌呀！」問她可
擔心唱片銷量，朱茵沒有直接回應，只說：「計到盡，都唔係一定得，錢好重要，但
好多o野唔係用錢去衡量。」
由離開無線開始，朱茵總是片約不斷，但至今仍與獎項無緣，對此朱茵認為自己還是
非常幸運，順風順水，未有遇過甚麼大挫折。反而在感情路上，朱茵確切地受過傷，
她淡然地說：「人係要經歷o下失戀o既，無論係你飛人，定係人飛你，依家睇番轉頭，
覺得係好小事，未被傷害過，又點會更加了解自己，當我傷完、喊完，我會好快企番
起身，一定唔會自殺！我相信同我有一個溫暖o既家支持我有關。」
昔日情傷仍作痛
感情上，朱茵絕對是一個果斷的人，從不拖泥帶水，她說：「當我發現一段感情有唔
妥，我絕對唔會妥協，我會離開，我會放得低，有o的人幾唔開心都會唔甘心放棄，但
我覺得轉過彎咪又一條好漢，退一步海闊天空，唔好困死自己，以前o個段經歷，都係
靠自己釋放，冇人幫到你。」
問朱茵對那位曾傷害她的人仍存有恨意嗎？她沒有迴避說：「對o個個人唔會有恨，冇
咁多時間，恨會令自己唔舒服，唔鍾意o個種感覺。」雖然朱茵心中不再有恨，但要她
再見亦是朋友，朱茵直言不能接受這一套，她說：「如果唔能夠相愛，我覺得冇必要再
做朋友，如果能夠做到朋友，係咪仲係餘情未了呢！放唔低先會成日覆佢電話o者！我
覺得都係唔好咁複雜，況且都要尊重現在身邊o個個人，何必搞到咁混亂，惹來誤會。
（可會避免與他合作？）我覺得呢o的o野清楚o的，大家都開心，唔想咁混亂。
（之前有冇遇過同佢合作o既機會？）有冇都好。
（你拒絕o左？）無謂再講落去喇！」這個傷痕，還是需要貼上膠布。
最怕阿 Paul病
朱茵與阿Paul拍拖兩年，對這位男友，她絕對是有讚無彈，她甜絲絲地說：「佢係一
個好細心o既人，好錫我。」外人看來，總覺得阿Paul對女友百般遷就，但朱茵卻說：
「冇話邊個遷就邊個多o的，我係講道理o既人，其實我o地係互補不足。」雖然阿Paul
給人性格火爆的感覺，但卻從不會將之加諸在朱茵身上。朱茵維護男友說：「佢其實
唔係火爆，只係敢言，佢堅持理念o者！」
問朱茵二人可曾發生爭拗，她徐徐地說：「現時為止，我o地未嗌過交，意見唔同一定
有，相處最重要係信任溝通同尊重，我最怕佢病，佢係鐵人，一旦生病，心情就會唔好
，粒聲唔出，不過我會體諒，尊重大家o既空間。」
雖然兩人相處如魚得水，阿Paul更揚言三、五、七年迎娶她，但朱茵卻坦言尚未有結婚
計畫，她說：「難得大家都有衝動為自己的理想而努力，所以暫時唔會改變依家o既生活
。」
娛樂圈